ممكن تفكروا معايا

**viper911s** · 04-09-2010 12:09 PM

المسئلة وما فيها انى عاوز اخطب البنت انا مرتبط بيها وبقالنا سنة واربع شهور حاليا مشفتش منها حاجة غلط كويسة فيها اغلب الصفات الى انا عاوزها وعملت حاجات علشانى كتير حلوة وضغطت على نفسها وانا بجد نفسى فرحها لاانى حاسس انى سبب مشاكل ليها وبس وضياع فرص ممكن تكون دى افضل ليها
المشكلة فى اهلى هما لسة ما شفوهاش ولا يعرفوا اهلها ولا اى حاجة
بس هما رافضين السبب انى مش جاهز بأختصار مفيش شقة انا قررت اضغط على نفسى واجيب حاجة ايجار قديم واضغط شوية واتحمل واكون الباقى كلة بعون اللة وانا متأكد ان ربنا هيكون جنبى
اهلى انا عارف انهم عاوزين يساعدونى ومش عاوزنى اكون مضغوط بس انا بصراحة عاوز اخطوبها فعلا لانى شايف انها هتكون مناسبة ليا اكتر

على فكرة انا سنى 25 وثابت فى شغلى الحمد اللة مرتبى نسبيا كويس الحمد اللة وشايف انى اقدر اتحمل مسئولية عارف انى هتعب بس هكون مبسوط انا شايف كدة يمكن مجنون ويمكن انا صح
ممكن تفكروا معا
معلش انا طولت عليكم

**shaddadfalcon1** · 04-09-2010 12:36 PM

لو حضرتك شايف انها كويسه واهلها ناس كويسين وانت تقدر تشيل مسؤلية بيت يبقي توكل علي الله وان شاء الله ربنا يرزقك برزقها

**fineart607** · 04-09-2010 12:45 PM

توكل على الله والله العظيم مدام نيتك كويسه ربنا هيعينك وهوسع فى رزقك وربنا يتم لك على خير صدقنى انا لما خطبت مكنش معى غير ثمن دبل الخطوبة وربنا الحمد لله كرمنى واتجوزت بعد 11 شهر بفضل الله
ربنا يبارك لك ويهديكوا لبعض ويتم لك على خير

**shaddadfalcon1** · 04-09-2010 12:52 PM

المشاركة الأصلية كتبت بواسطة fineart607

توكل على الله والله العظيم مدام نيتك كويسه ربنا هيعينك وهوسع فى رزقك وربنا يتم لك على خير صدقنى انا لما خطبت مكنش معى غير ثمن دبل الخطوبة وربنا الحمد لله كرمنى واتجوزت بعد 11 شهر بفضل الله
ربنا يبارك لك ويهديكوا لبعض ويتم لك على خير

انا لما خطبت مكنشي معايا حاجه خالص وبعديها ب 9 شهور كنت مجهز الشقه ومتجوز وكل مااقعد احسب انا باخد كام وانا صرفت كام الاقي الحزبه مش نافعه خالص واقول الفلوس دي جت منين؟

**fineart607** · 04-09-2010 01:01 PM

المشاركة الأصلية كتبت بواسطة shaddadfalcon1

انا لما خطبت مكنشي معايا حاجه خالص وبعديها ب 9 شهور كنت مجهز الشقه ومتجوز وكل مااقعد احسب انا باخد كام وانا صرفت كام الاقي الحزبه مش نافعه خالص واقول الفلوس دي جت منين؟

الحمد لله والله

**viper911s** · 04-09-2010 01:23 PM

شكرا يا جماعة على الردود الجميلة اوى دى
المشكلة انى مش عارف اعمل اية مع الاسرة تعبت معاهم بقالى حوالى 8 شهور تعبت من كتر الكلام معاهم
وحاليا بقالى شهرين ساكت
مش عارف اعمل اية تعبت وانا مقدرش ازعلهم وعارف انهم خايفين عليا ومش عاوزنى اتبهدل والكلام دة وعاوزين يساعدونى بس الموضوع مش فى اديهم
انا ديما بقولهم ربنا هيفرجها وان الموضوع لو فية خير وربنا رايدة هتتسهل وهتمشى
يعنى انا من يوم ما عرفتها بصراحة انا كنت بهلس ياما قبلها زى اى شاب ويارب ربنا يغفرلى
وبعد ما عرفتها قررت انى التزم معاها بكلامى علشان شفتها انسانة كويسة حلتلى مشاكل فى الشغل صبرت وربنا فرجها عليا ومرتبى زاد على اول السنة وزاد تانى اول الشهر ايوة مش مبلغ كبير بس حاسس ان ربنا معايا وبيسهلى الحاجة بس انا اخد اول خطوة

**rodyA113** · 04-09-2010 01:45 PM

المشاركة الأصلية كتبت بواسطة viper911s

شكرا يا جماعة على الردود الجميلة اوى دى
المشكلة انى مش عارف اعمل اية مع الاسرة تعبت معاهم بقالى حوالى 8 شهور تعبت من كتر الكلام معاهم
وحاليا بقالى شهرين ساكت
مش عارف اعمل اية تعبت وانا مقدرش ازعلهم وعارف انهم خايفين عليا ومش عاوزنى اتبهدل والكلام دة وعاوزين يساعدونى بس الموضوع مش فى اديهم
انا ديما بقولهم ربنا هيفرجها وان الموضوع لو فية خير وربنا رايدة هتتسهل وهتمشى
يعنى انا من يوم ما عرفتها بصراحة انا كنت بهلس ياما قبلها زى اى شاب ويارب ربنا يغفرلى
وبعد ما عرفتها قررت انى التزم معاها بكلامى علشان شفتها انسانة كويسة حلتلى مشاكل فى الشغل صبرت وربنا فرجها عليا ومرتبى زاد على اول السنة وزاد تانى اول الشهر ايوة مش مبلغ كبير بس حاسس ان ربنا معايا وبيسهلى الحاجة بس انا اخد اول خطوة

لو الموضوع موضوع ماده وبنت كويسه زي دي اوع تضيعها من ايدك ممكن عمرك ما هتقابلها تاني.. ده عير الجرح اللي انت ممكن تسيبهولها لو بعدت عنها وهي مقدمتلكش غير كل شيئ جميل وخليتك تلتزم ياااه واظغر بذات الدين.. بص هقولك خطط صح وحاول متزودش في الطلبات يعني ابدئها بدبله وتوينز لحد ما تبنوا بيتكوا وبعد كده يا سيدي عوضها وجيبلها اللي ربنا يكرمكوا بيه صدقني انت عندها بالدنيا مش امكانياتك وهي كمان اكيد عارفه امكانياتك وراضيه فكر كويس بس لازم تاخد خطوه وتحميها وكمان مضيعهاش من ايدك ومتقعدش ساكت شهرين كتير ...وربنا يباركلكوا ويحميكوا ويسهلكوا كل صعب يارب

**azmeralda** · 04-09-2010 02:58 PM

حضرتك عملت استخارة لأن ده مهم جنب الأستشارة ولو ان الكلام ده متأخر حبتين
قال ابن مسعود التمسوا الغنى فى النكاح
"ان يكونوا فقراء يغنهم الله من فضله"
الحديث ثلاثة كلهم حق على الله عونه المجاهد فى سبيل الله والناكح يريد العفاف والمكاتب يريد الأداء
يا معشر الشباب من استطاع منكم الباءة فليتزوج

وهى بتحاول تخليك تصلى وبتختار حاجات رفيعة فى الدهب لو ده بصحيح مش تمثيل يبقى دى حاجة تتمسك بيها

وانت متعندش ليه امال تربطها جمبك الوقت ده كله ليه لما عارف مش هتقدر تتفاهم مع اهلك يبقى حرام عليك وهتتحاسب
امال انت واعدها بايه من الأول؟

**Soma_Sooma** · 04-09-2010 03:11 PM

المشاركة الأصلية كتبت بواسطة viper911s

المسئلة وما فيها انى عاوز اخطب البنت انا مرتبط بيها وبقالنا سنة واربع شهور حاليا مشفتش منها حاجة غلط كويسة فيها اغلب الصفات الى انا عاوزها وعملت حاجات علشانى كتير حلوة وضغطت على نفسها وانا بجد نفسى فرحها لاانى حاسس انى سبب مشاكل ليها وبس وضياع فرص ممكن تكون دى افضل ليها
المشكلة فى اهلى هما لسة ما شفوهاش ولا يعرفوا اهلها ولا اى حاجة
بس هما رافضين السبب انى مش جاهز بأختصار مفيش شقة انا قررت اضغط على نفسى واجيب حاجة ايجار قديم واضغط شوية واتحمل واكون الباقى كلة بعون اللة وانا متأكد ان ربنا هيكون جنبى
اهلى انا عارف انهم عاوزين يساعدونى ومش عاوزنى اكون مضغوط بس انا بصراحة عاوز اخطوبها فعلا لانى شايف انها هتكون مناسبة ليا اكتر

على فكرة انا سنى 25 وثابت فى شغلى الحمد اللة مرتبى نسبيا كويس الحمد اللة وشايف انى اقدر اتحمل مسئولية عارف انى هتعب بس هكون مبسوط انا شايف كدة يمكن مجنون ويمكن انا صح
ممكن تفكروا معا
معلش انا طولت عليكم

طبعا متسبهاش مش بعد ما عملت كتير عشانك وصبرت معاك و بتحبو بعض سنةونص تسيبها مش كل يوم هتلاقى واحدة مخلصة تحبك و تستحملك

بص بقى حكاية الشقة دى مش لازم تمليك يعنى اتجوز ف ايجار لحد ما ربنا يرزقكان شاء الله بشقة تمليك

هقولك على حكايتين

انا خيلانى ال 2 مكنوش محوشين اى حاجة ومحلتهمش غير مرتبهم ويادوب جابوالحجات اللى قدرو عاليها وخلاص وسبجان الله بتلاقى ابواب رزق اتفتحتلك متعرفش منين والله ربنا بيكون واقف جنبك بجد وبيرزق من حيث لا تعلم
المهم التنين اتجوزو فأسبوع واحد وكل واحد فأيجار جديد والكلام دة كان من 7 او7 سنين كدة ودلوققتى ماشاء الله واحد سافر السعوديةوجاب شقة تمليك فى الرحاب والتانى جاب بردة شقة تمليك فى الرحاب

متبصش دلوقتى انت ايه طبيعى انك تتعب وهيكون مش معاك وهتتزنق بس والله هتلاقى ربنا معاك وبيبعتك حجات مش متوقعها وابواب رزق بتتفتح

اهم حاجةانك تكون واثق فى الله انو هيكون معاك وكل الناس هتساعدك ، طالما اننيتكم الحلال وانكم تعفو نفسكم.

الموضوع: ممكن تفكروا معايا

LinkBack

أدوات الموضوع

عرض

-

-

-

-

المواضيع المتشابهه

ممكن تفكروا معايا لو سمحتم

ياريت تفكروا معايا

ممكن تفكروا معايا وتردوا عليا

ممكن تفكروا معايا بصوت عالي

محتاج رأيكم "ممكن تفكروا معايا,,ابيع عربيتى ولا لآ

الكلمات الدلالية لهذا الموضوع

المفضلات

المفضلات

ضوابط المشاركة