ضبط فيشه الاوكتان بيؤثر على استهلاك البنزين

**shaddadfalcon1** · 06-09-2010 04:08 PM

المشاركة الأصلية كتبت بواسطة karimfahmy99

اللى يقدر يفيدك اخى ممدوح انا معنديش دراية كافية بالموضوع دا . بس ياريت تكتب اية الاسباب اللى خلاك تغير الرشاشات و حالة موتور العربية

حالة موتور العربيه كويسه جدا واللي خلاني اغيرالرشاشات ان بتوعها كانت بتسيل وبتطول في الدواره وبعد تغيير البوجيهات وحوارات مع الميكانيكي قاللي الرشاشات تعبانه وعايزه تتغير وغيرهملي ببتوع الهيونداي وانا زي الشاطر دفعت فيهم 290 جندي مع ان سعرهم ميعديش ال 200 جنيه بس الجهل وحش

**MMamdouh** · 06-09-2010 04:38 PM

المشاركة الأصلية كتبت بواسطة walidadel81

هندسه فرق معاك للاحسن ودي معروفه بس كمان الاستهلاك كان لاقل ؟؟
انا زاد معاي الاستهلاك للزياده وده بسبب الاداء الاعلي

ألاسنهلاك زاد جوة البلد و قل على السريع... انا نفسى مش فاهم ازاى

يمكن عشان جوة البلد فيه كبس كتير و نقل غيارات كتير و تسارع كتير فا فرق القوة بيبان و معاه استهلاك زيادة... على السريع مفيش لا تسارع ولا كبس و بالتالى الاستهلاك بيتحسن نتيجة الاستفادة الاكبر من البنزين

MMamdouh

**ahmedeg1** · 12-09-2010 02:41 PM

المشاركة الأصلية كتبت بواسطة acoount

الساده اعضاء المنتدى هل ضبط فيشه الاوكتان له تاثير على الستهلاك سواء كانت 80 او 90 او 92 مع العلم انه تم الرجوع لمهندس ميكانيكا متخصص فى المحركات وهو صديق اكدلى ان نسبه الاوكتان دى بتفرق فى ان الموتور يصقف ولا مش اكتر من كده مع ان الاعضاء اكدو انها بتفرق فى السحب
مع العلم انا جربت وعملتها على 92 ما لمستش فرق ملحوظ بس اللى لفت نظرى ان مؤشر الحراره نزل سنه عن الاول
ثانيا مالمستش هدوء لصوت الموتور عادى يعنى معلش طولت عليكم ويا ريت الافاده

اعمل الايدل ليرن و هتلاقى فرق السما من العما

**tarektop** · 20-09-2010 05:03 AM

معلش استفسار بسيط

يعنى لما اظبط فيشة الاوكتشان على 80 العربية هتاخد بنزين اكتر من المعدل الطبيعى

طيب بنسبة كبيرة ولا مش اوى

وياترى صوت تصفيق الماتور هيروح نهائى والاداء هيتحسن

فى انتظار الرد

**karimfahmy99** · 20-09-2010 06:12 AM

المشاركة الأصلية كتبت بواسطة tarektop

معلش استفسار بسيط

يعنى لما اظبط فيشة الاوكتشان على 80 العربية هتاخد بنزين اكتر من المعدل الطبيعى

طيب بنسبة كبيرة ولا مش اوى

وياترى صوت تصفيق الماتور هيروح نهائى والاداء هيتحسن

فى انتظار الرد

طبيعى ال 80 اوكتينة ضعيف و حرقة ضعيف مقارنة بال 90 و ال 92 . فلو زاد الاستهلاك هيزيد بنسبة قليلة مش كتير بس فى المقابل انت جايب بنص التمن بنزين .

موضوع التصقيف لو ضبط الفيشة هيقل بس برضة هيكون موجود بنسبة قليلة مع الضغط على الدواسة

الاهم ان ال 80 بيبوظ حاجات فى ديرة الانجكشن بداية بطلمبة البنزين الكهربا . ال 80 وحش و لة اضرار

**tarektop** · 20-09-2010 03:00 PM

المشاركة الأصلية كتبت بواسطة karimfahmy99

طبيعى ال 80 اوكتينة ضعيف و حرقة ضعيف مقارنة بال 90 و ال 92 . فلو زاد الاستهلاك هيزيد بنسبة قليلة مش كتير بس فى المقابل انت جايب بنص التمن بنزين .

موضوع التصقيف لو ضبط الفيشة هيقل بس برضة هيكون موجود بنسبة قليلة مع الضغط على الدواسة

الاهم ان ال 80 بيبوظ حاجات فى ديرة الانجكشن بداية بطلمبة البنزين الكهربا . ال 80 وحش و لة اضرار

شكرا لردك يا كريم طيب وهيفرق فى السحب ولا لا ؟

ولو انا ظبطها على 80 وخلطت بنزين 80 مع 92 هيبقى السحب كويس زى العادى ولا لا ؟

وصوت العربية بيبقى عالى بسبب ال 80 الصوت هيقل ولا هيبقى زى ما هو

وتسلم ايدك على المتابعة