عرض للطباعة
الساده اعضاء المنتدى هل ضبط فيشه الاوكتان له تاثير على الستهلاك سواء كانت 80 او 90 او 92 مع العلم انه تم الرجوع لمهندس ميكانيكا متخصص فى المحركات وهو صديق اكدلى ان نسبه الاوكتان دى بتفرق فى ان الموتور يصقف ولا مش اكتر من كده مع ان الاعضاء اكدو انها بتفرق فى السحب
مع العلم انا جربت وعملتها على 92 ما لمستش فرق ملحوظ بس اللى لفت نظرى ان مؤشر الحراره نزل سنه عن الاول
ثانيا مالمستش هدوء لصوت الموتور عادى يعنى معلش طولت عليكم ويا ريت الافاده
اللى حصل معايا الاتى . كنت شايل الفيشة و بحط 90 و فكرت فيها لقيت مش فارقة كتير 92 من 90 فرق 2 جنية فى ال 20 لتر . رجعت الفيشة تانى بعد ضبطها على ضبطة ال 95 بصراحة لقيت فرق العربية بتستجيب اسرع من الاول مفهاش خنقة . انت جربت زى ما بتقول على 92 و الفيشة كانت على اى وضع ؟؟
http://www.nilemotors.net/Nile/151996-a.html
كانت على الظبطة رقم 2 و لا 3
الاستاذ كريم هل اختلف معاك استهلاك البنزين (هل زاد الاستهلاك او اقل)هل فى تغير فى امبير الحراره حتى ولو طفيف شكرا على الرد
بصراحة مبصتش على عداد الحرارة بس هبقى اراقب العداد
بالنسبة لاستهلاك البنزين لسة ملحقتش لانى عاملها امبارح بس . بس منطقى ان الاستهلاك هيقل لية . لان قبل كدة كنت بضطر اضغط الدواسة زيادة عشان العربية تستجيب معايا بس دلوقت بدوس اخف بكتير من الاول فطبيعى ان البنزين هيقل استهلاكة
انا عملتها بالنوبيرا وضبظها علي وضع البنزين ال80 الاداء اتحسن بس استهلاك البنزين زاد شويه ملحوظه جدااا رجعتها تاني رجعت للمعدل الطبيعي تاني
اعتقد دا يدعم كلامى لية . لانك بتضطر تضغط على دواسة البنزين اكتر عشان تستجيب معاك العربية فطبيعى الاستهلاك هيزيد دا اذا كنت حاطط بنزين 80 . و اذا كنت ظابط على حاجة اعلى و حطيت 80 نفس الموضوع كلة بيبان و تحسة من ضغطة الدواسةاقتباس:
المشاركة الأصلية كتبت بواسطة walidadel81
و على فكرة مفيش مقياس موحد نقدر نعتمد علية فى موضوع اذا بيوفر و لا لا لان كل واحد لة طبيعة سواقة مختلفة مثلا بتغير الفتيس امتى و دوستك على الدواسة ازاى ماشى فى البلد و لا طوالى كل دى هتعمل فروق
انا شلت الفيشة خالص وبحط بنزين 92 والسحب روعة ما شاء الله
( متحيروش نفسكو) يا جما عة خلاصة الكلام لو عاوز سحب العربية يتحسن عن الاول و تحس بالفرق و يكون استهلاك البنزين كمان معقول زي ما استاذ عصام قال تظبط فيشة الاوكتين علي 95 و تحط بنزين 92 و فعلن السحب بقي جامد و كمان سرعة استجاب العربية اللسحب اتحسنت بكتير لكن غير كدة مش هتحس بأي فرق لاني جربت كل ظبطة و شوفت الفرق و طبعن ظبتة ال95 افضلهم علي الاطلاق
جرب تعمل الوصل التالتة للفيشة هتحس بفرق اكتر و احسن . انا كنت عامل كدة و من باب التجربة غيرت الوصلة و ركبتها حسيت بفرق احسن من ما كنت شايلهااقتباس:
المشاركة الأصلية كتبت بواسطة faron525
انا بحط بنزين 92
مع ضبط الفيشة على 95 الاستهلاك اتحسن على الطريق الطوالى و بقى وحش جوة البلد
MMamdouh
ازاي ظبطها علي 95 لاني عايز اجرب وهل فعلا الفرق ملحوظ عن ظبطت 92 مع العلم انا بمون بنزين 92 ولك جزيل الشكراقتباس:
المشاركة الأصلية كتبت بواسطة mmamdouh
تقبل تحياتي
اقتباس:
المشاركة الأصلية كتبت بواسطة faron525
ظبط الفيشه على 95 بيكون عن طريق توصيل السلك الاسود مع السلك البني × ابيض
والفرق شاسع بين ظبطه الـ 92 عن الـ 95 من حيث الأداء , ظبطه الـ 95 بتاخد افضل أداء بجد
بالتوفيق ان شاء الله
طيب في حد عنده اي راي تاني؟
طبيعى اى عربية فى البلد بيكون استهلاكها وحش دا مبدأ عام و اعتقد ملوش علاقة بتغير الفيشة التغير لتحسين الاداء و استجابة العربية بما يتوافق مع اوكتين البنزين مش معنى كدة ان كمية البنزين اللى داخلة غرفة الحريق هتزيد عشان الاستهلاك يزيد . عشان كدة المفروض قياس استهلاك العربية بيكون على الطرق الطوالى مش وسط البلد . طبيعى انت بتقف 60 ولا 70 مرة و كل طلعلة فيها استهلاك زيادة للبنزين دا غير كمان الفرامل و الاسطوانة و الدسك .............. الخ يعنى استهلاك اجزاء العربية بصفة عامة بيزيد فى البلد بما فيها البنزيناقتباس:
المشاركة الأصلية كتبت بواسطة mmamdouh
باشا... انا حسبت فرق الاستهلاك بين ضبطة ال92 و ال95 على الطوالى و جوة البلد...
بالتالى الزيادة فى الاستهلاك جوة البلد كانت تحت نفس ظروف القيادة سواء لل92 او 95 و التوفير فى الاستهلاك على السريع كانت تحت نفس ظروف القيادة سواء لل92 او 95
MMamdouh
برضة مختلفناش . المهم انت بتبص على اية ؟؟ اداء و لا استهلاك ؟؟ مع ان الفرق بسيط جدا فى الاستهلاك يعنى اللى مش حاطط الموضوع فى دماغة مش هيحس بيهااقتباس:
المشاركة الأصلية كتبت بواسطة mmamdouh
انا فرق معايا كتير... فى الاداء و الاستهلاك
MMamdouh
هندسه فرق معاك للاحسن ودي معروفه بس كمان الاستهلاك كان لاقل ؟؟اقتباس:
المشاركة الأصلية كتبت بواسطة mmamdouh
انا زاد معاي الاستهلاك للزياده وده بسبب الاداء الاعلي
انا عايز اسال سؤال
دلوقتي انا كنت لبست في رشاشات هيونداي قبل كده من المكيانكي وانا شايل الفيشه هل هلاحظ فرق في الأداء لما اظبطها علي 95 حتي مع الرشاشات الغبيه دي؟
اللى يقدر يفيدك اخى ممدوح انا معنديش دراية كافية بالموضوع دا . بس ياريت تكتب اية الاسباب اللى خلاك تغير الرشاشات و حالة موتور العربية
حالة موتور العربيه كويسه جدا واللي خلاني اغيرالرشاشات ان بتوعها كانت بتسيل وبتطول في الدواره وبعد تغيير البوجيهات وحوارات مع الميكانيكي قاللي الرشاشات تعبانه وعايزه تتغير وغيرهملي ببتوع الهيونداي وانا زي الشاطر دفعت فيهم 290 جندي مع ان سعرهم ميعديش ال 200 جنيه بس الجهل وحشاقتباس:
المشاركة الأصلية كتبت بواسطة karimfahmy99
ألاسنهلاك زاد جوة البلد و قل على السريع... انا نفسى مش فاهم ازاىاقتباس:
المشاركة الأصلية كتبت بواسطة walidadel81
يمكن عشان جوة البلد فيه كبس كتير و نقل غيارات كتير و تسارع كتير فا فرق القوة بيبان و معاه استهلاك زيادة... على السريع مفيش لا تسارع ولا كبس و بالتالى الاستهلاك بيتحسن نتيجة الاستفادة الاكبر من البنزين
MMamdouh
اقتباس:
المشاركة الأصلية كتبت بواسطة karimfahmy99
اقتباس:
المشاركة الأصلية كتبت بواسطة mmamdouh
طب ما هو دا نفس الكلام اللى قلتة يا عزيزى ممدوح
اعمل الايدل ليرن و هتلاقى فرق السما من العمااقتباس:
المشاركة الأصلية كتبت بواسطة acoount
معلش استفسار بسيط
يعنى لما اظبط فيشة الاوكتشان على 80 العربية هتاخد بنزين اكتر من المعدل الطبيعى
طيب بنسبة كبيرة ولا مش اوى
وياترى صوت تصفيق الماتور هيروح نهائى والاداء هيتحسن
فى انتظار الرد
طبيعى ال 80 اوكتينة ضعيف و حرقة ضعيف مقارنة بال 90 و ال 92 . فلو زاد الاستهلاك هيزيد بنسبة قليلة مش كتير بس فى المقابل انت جايب بنص التمن بنزين .اقتباس:
المشاركة الأصلية كتبت بواسطة tarektop
موضوع التصقيف لو ضبط الفيشة هيقل بس برضة هيكون موجود بنسبة قليلة مع الضغط على الدواسة
الاهم ان ال 80 بيبوظ حاجات فى ديرة الانجكشن بداية بطلمبة البنزين الكهربا . ال 80 وحش و لة اضرار
شكرا لردك يا كريم طيب وهيفرق فى السحب ولا لا ؟اقتباس:
المشاركة الأصلية كتبت بواسطة karimfahmy99
ولو انا ظبطها على 80 وخلطت بنزين 80 مع 92 هيبقى السحب كويس زى العادى ولا لا ؟
وصوت العربية بيبقى عالى بسبب ال 80 الصوت هيقل ولا هيبقى زى ما هو
وتسلم ايدك على المتابعة