معقولة محدش كاتب تجربتة الشخصية مع الاوبترا بالدقة !!!

**hanyathlon** · 11-03-2008 11:58 AM

انا انشاء اللة هغير من رينو كليو الى اوبترا و انشاء اللة هبقى اوبتراوى جديد
بس خايف او عاوز حد يخش و يقول تجربتة الشخصية مع الاوبترا كثبات و سرعة وسحب
و ثبات فى سفر و هل هى بتعوم عشان بجد انا خايف من الحجات دى و انا هغير من رينو و الرينو ثباتها و تسارعها تحفة فخايف اغير اندم ... :o:(:(

**Magdih** · 18-03-2008 04:01 PM

بالنسبه للثبات والسرعه والسحب فى وجهة نظرى الأوبترا كويسه جدا. عيوبها الوحيده بالنسبه لى هى العفشه (ودى العربيه مظلومه فيه لأن الطرق اللى بمشى فيه الصراحه وحشه جدا). والعيب التانى هو ضعف صاج الكبوت

**Sameh** · 18-03-2008 04:21 PM

رأيى إنك ماتغيرش من كليو إلى أوبترا لأن مش دى النقلة اللى تفرح بيها ! رأيى تستنى شوية لو مش مستعجل وتزود حاجة بسيطة تدخلك فى فئة أعلى حسب المبلغ المتوفر وقتها (معاك من لانسر كاملة وإنت طالع)

وخصوصاً إنه واضح إنك معجب أساساً بالكليو ومش بتشتكى منها

**mohamed ibiza** · 18-03-2008 05:12 PM

مش هي دي النقلة اللي المفروض تنقلها في رأيي انت معاك عربية فرنساوي اوروبية لما تنقل متنقلش لعربية كوري انقل لاوروبي برضه او لانسر 1500 او حاجة الماني انما اوبترا مش هي دي النقلة الحلوة

Ibiiiiiiiiiiiiiiiiiiiiiiiiiiiiiiiizzzzzzzzzzzzzzzz aaaaaaaaaaaaaaaaaaa For Ever

**aif** · 18-03-2008 07:27 PM

مع اني لسة شاري اوبترا من اسبوعين واعتبر لسة ما جربتهاش ... لكن انا رايي زي الزملاء
الرينو سيارة تقيلة وراسية وزي الفل .. لو عاوز تغير للاحسن ممكن تفكر في الميجان
لكن الاوبترا مش ح تكون احسن من الرينو مع احترامي الشديد للاوبترا لكن الرينو تكسب