سؤال في نقل ملكية سيارة

**thegoodhacker** · 04-09-2010 04:27 PM

دلوقتي عند نقل ملكية سيارة وتجديد الرخصة هل ممكن ان اقوم بالتجديد في نفس المرور التي كانت تتبع له السيارة ؟
للتوضيح اكثر انا ساكن في الاسكندرية منطقة سموحة و طبعا عندي مرور ابيس بس ده بيبقي مزدحم جدا معظم الايام .... سيارتي تتبع مرور مديرية الامن القديمة وده مرور مش زحمة اوي و اجراءاته بتخلص بسرعة ....
فهل يمكنني اجراء التجديد في مرور مديرية الامن ولا مش حيوافقوا ؟

**أبو ياسين** · 04-09-2010 04:57 PM

لو عايز تجدد بس فى نفس مرور العربية ممكن بس مش هتنقل ملكيه
انما عشان تنقل ملكيه و تطلع رخصة العربيه باسمك لازم فى المرور الى انت تابع ليه

**thegoodhacker** · 05-09-2010 04:55 PM

المشاركة الأصلية كتبت بواسطة أبو ياسين

لو عايز تجدد بس فى نفس مرور العربية ممكن بس مش هتنقل ملكيه
انما عشان تنقل ملكيه و تطلع رخصة العربيه باسمك لازم فى المرور الى انت تابع ليه

طب في حالة نقل الملكية هل انا حاضطر استخرج اي ورقة من المرور القديم ولا ايه النظام ؟ و شكرا علي الرد

**Abdm** · 05-09-2010 05:04 PM

شهادة المخالفات أساسى ثم أذا كانت الرخصة منتهية حتحتاج شهادة بيانات أما لو لسة ما أنتهتش مش هتحتاج ثانيا حتجتاج مطابقة بصمة من المرور القديم للمرور الجديد
والله الموفق والمستعان

**thegoodhacker** · 07-09-2010 04:16 PM

انا رحت النهاردة المرور القديم طلعت شهادة المخالفات خالصة و رحت مروري الجديد و عملت بصمة و فحص و التامين 3 سنوات والطفاية .... و فضلي اني اقدم الورق ده كله علشان اجدد .... و سالت الموظف قبل ما يمشي هل يوجد اي حاجة تانية مطلوبة ؟ المهم بص في الورق و قالي لا مفيش ورق ناقص بس حتيجي بكرة في نفس الشباك تقدم الورق ده ....
فاستفساري هو بالنسبة لمطابقة البصمة من المرور القديم ممكن يتجاوزوا عنها ولا اكيد اكيد حيطلبها ويقرفني ؟ وايه اللي بيحصل في موضوع المطابقة دي بالضبط ؟
وبالنسبة لشنطة الاسعاف و المثلث لازم اشتريها و احطها في الملف ولا كده خلاص طالما خلصت الفحص ؟