الموضوع: ملصقات تطالب بترشح ''عمر سليمان'' لرئاسة الجمهورية تنتشر في شوارع القاهرة

المشاركة الأصلية كتبت بواسطة seiffoz

8- ولا كل ده لعبة منه مجرد لصرف النظر عن جمال شوية لحد ما يبقى أمر واقع؟

هو ده
و نفس اللعبة اتلعبت المرة اللى فاتت فى الانتخابات الكارثية
بس الفرق ان المرة اللى فاتت كان كل اللى نازلين ضد الكبير اوى شوية مهرجين ما ينفعوش يمسكوا كشك سجاير
اما المرة دى الناس اللى اساميها نازلة كلها ناس ليها تاريخ و فى الاخر النتيجة معروفة
هو 1/2 الكبير اوى هو اللى حايعد على دكة مصر

اللعبة سخنت جدا

الموضوع ده لا ممكن يخرج عن اتنين ملهمش ثالث :

الاول : اثر انتشار الاخبار شبه المؤكدة عن الحالة الصحية للرئيس و قرب موعد الاستحقاق الرئاسي العام المقبل فأثرت جهات مسئولة في الدولة اعلان دعمها للرجل خلفا لمبارك ضاربة بعرض الحائط بمشروع التوريث مخرجة رفضها للتوريث من الغرف المغلقة الي الشوارع
و هذا يأتي مع اخبار تتوالي عن رفض مؤسسات سيادية في الدولة لمشروع التوريث نهائيا
و بهذا تريد ان توصل رسالة معينة لأنصار جمال و الرئيس نفسه

الثاني : انه اثر الاخبار المنشورة ايضا التي تقول بوجود انقسام داخل البيت الرئاسي نفسه حول ترشيح جمال للرئاسة و التوريث معتبرة ان الترشح في حياة الرئيس هو نوع من قلة الحياء و التعدي علي مكانة الرئيس
و اثر محاولة اجهزة سيادية ايصال مؤشرات الرأي العام الحقيقية الرافضة بشكل قاطع للتوريث مع وجود مقاومة شرسة من انصار جمال من رجال الاعمال بلغت بأحدهم ان يعلن ان قرار الرئيس باختيار الضبعة كموقع للمحطة النووية قرار غير حكيم و خاطئ و سنندم عليه لاحقا !
بدأ انصار التوريث في ضرب اسس العلاقة بين الرئيس و احد اهم اعمدة نظامه بنشر ملصقات تدعوه الي الوصول الي سدة الحكم

لتكون الجفوة بينهما

ليصفو الجو لأنصار جيمي

و الحقيقة المجردة تقول بلا ادني شك

ان السياسة التي سيتبعها اي من عمر او جيمي واحدة و لن تختلف عن السياسة الراهنة ابدا

فقط قد يسوء الحال اكثر من ذلك اذا تولي جيمي خاصة مع ايمانه المطلق باقتصاديات السوق الحر دون رقابة و اقتناعه التاااام باراء البنك الدولي فيما يخص الدعم للسلع الاساسية " اي تحريرها و رفع الاسعار "

و هو ما يفسر و جود نهضة اقتصادية معقولة في السنوات الماضية لكن المستفيد منها فقط فئة قليلة

المشاركة الأصلية كتبت بواسطة Tyler_Durden

ده كده ممكن تولع

هيا مولعة يا باشا

حضرتك ركزت في البيان الذي وزع علي وسائل الاعلام

البيان طالب بترشيح مدير المخابرات العامة

طالب رجال جيش مصر الشرفاء بالتصدي لمهانة التوريث بما يتعارض مع مكانة مصر الدولية

و لعب علي وتر المعارضة بأن فترة حكمه ستكون فترة انتقالية نحو مشروع بناء الدولة المصرية الحديثة " حاجة كده زي الكفن ملوش جيوب "

انتقد البيان رجال الاعمال المؤيدين لجيمي

و انتقد بشدة جهاز امن الدولة لدعمه لمشروع التوريث

حضرتك شايف ايه بقي بعد كده ؟

من ثورة لثورة يا قلبى لا تحزن