الموضوع: تحذير من نتائج زيادة الأسعار

السلام عليكم

حبيت أحذر إخوتي و أخواتي في المنتدي من نتائج الزيادات المتتالية في الأسعار علينا كأفراد
فيه ناس كتير و بيزيدوا كل يوم بتفقد الأمان و القدرة علي العيش و مع مرور الوقت ستنتشر ظواهر غريبة - أمثلة:
- سرقة الشنط و السلاسل من السيدات في وضح النهار و حتي في الأماكن المزدحمة بواسطة الموتوسيكلات الصيني الغير مرخصة (بلاش المشغولات الذهبيه و لو حد خطف الشنطة سيبيها لأنك لو مسكتيها بقوة ممكن يسحلك وراه)
- تتبع كل من يسحب نقود من ماكينات ال Atm سواء علي قدمة أو بسيارته (استخدم الماكينات الموجودة في الأماكن المتوسطة الزحام و راعي إغلاق السنتر لوك بمجرد ركوب السيارة)
- سرقة السيارات أثناء الوقوف العرضي و ترك مفتاح السيارة (لا تترك السيارة و فيها المفتاح أبدا و بشكل خاص لو فيها أسرتك و يستحسن أن تغلق عليهم السيارة و أن لا تجعلهم يفتحوا الشبابيك علي الآخر)
- سرقة الناس بأي أنواع السرقة أثناء قضاءهم عاداتهم الروتينيه (تجنب قدر الإمكان الروتين في تحركاتك أنت و أسرتك بترك بيتك في اوقات ثابتة أو بإرتياد أماكن بشكل روتيني و دائم و إن لم تستطع فاتخذ تدابير وقائية أكثر في هذه الأوقات)

الأمثلة دي اللي علي بالي الآن و ذلك لأنها حصلت فعلا
كلكم راع و كلكم مسئول عن رعيته ، رجاءا خذ حذرك قبا أن يأتي وقت لا ينفع فيه الندم

رجاء أخير
حتي لو اقتطعت من مصروف اسرتك بشكل بسيط فهذا هو الوقت المناسب للصدقة و الصدقة هي السبيل الوحيد لمقاومة هذه الجرائم في ظل غياب القانون و السلطة للدفاع عن المواطن العادي

احنا لسه مسروف مننا مواشي !!... اللي حصل كالاتي : المكان بطبعه روتيني خالص و كل يوم نفس النظام و السيستم و الروتين ... عرفوا ان ابويا مابيجيش غير في مواعيد محدده .. و جابوا عربيه ربع نقل .. هوب هوب اقطع الحبال و حمل المواشي و لا من شاف ولا من دري ...
حالياً .. انا هانشي في اجراءات ترخيص سلاح ... و اجراءات امنيه مشدده في المكان .. و ان شاء الله هانجيب ناس تقعد في المكان تحرسه (عندنا واحد بس .. و للاسف الواحد ده مش كفايه ..)
قبل كده كمان سرقوا جرار زراعي في منتصف النهار كده عيني عينك من قدام بيت صاحبه ! ... تخيل بقي جرار زراعي !