هل مسلسل الجماعة حقق الهدف منه؟

**PRO-DRIVE** · 05-09-2010 07:04 AM

المشاركة الأصلية كتبت بواسطة mr_sameh

ياريت توضيح

اقصد اللي عاوزين "التغيير" عموما و اللي بيدورو علي الحقيقه مش علي اساس اخواني او كدا !

المشاركة الأصلية كتبت بواسطة fares515

كتر خيرك ياباشا بجد الاخوان دول قمه في الذوق والاحترام!!وأسلوبهم في الحوار حاجه تبسط!

مبدأيا انا مش من الأخوان never was , never will ! علشان تحكم عليهم من طريقتي !

و ياريت حضرتك تنفي كلامي ! روحت انتخبت قبل كدا ؟؟ ناوي حتي ؟؟ طلعت بطاقه انتخابيه ؟؟ , وقعت حتي علي بيان التغيير ؟؟ :-)

**mr_sameh** · 05-09-2010 07:21 AM

المشاركة الأصلية كتبت بواسطة pro-drive

اقصد اللي عاوزين "التغيير" عموما و اللي بيدورو علي الحقيقه مش علي اساس اخواني او كدا !

مبدأيا انا مش من الأخوان never was , never will ! علشان تحكم عليهم من طريقتي !

و ياريت حضرتك تنفي كلامي ! روحت انتخبت قبل كدا ؟؟ ناوي حتي ؟؟ طلعت بطاقه انتخابيه ؟؟ , وقعت حتي علي بيان التغيير ؟؟ :-)

ممكن اسئل حضرتك سؤال باعتبار ان حضرتك مش من الاخوان لكن ممكن تكون تعرفهم كويس
هوا ليه الاخوان بيعتبرو ان اللي موقعش علي بيان التغير ده انسان سلبي طيب انا رافض التغيير يجي من خلال جبهة التغيير او من خلال الاخوان

**PRO-DRIVE** · 05-09-2010 07:26 AM

المشاركة الأصلية كتبت بواسطة mr_sameh

ممكن اسئل حضرتك سؤال باعتبار ان حضرتك مش من الاخوان لكن ممكن تكون تعرفهم كويس
هوا ليه الاخوان بيعتبرو ان اللي موقعش علي بيان التغير ده انسان سلبي طيب انا رافض التغيير يجي من خلال جبهة التغيير او من خلال الاخوان

علاقتي بيهم لا قويه ولا حاجه , مجرد معارف لناس عادييه

عموما انا قلت حاجات كتير و في اخرها بيان التغيير , مكنش ردي مركز عليه لوحده ! اللي قصدته ان يكون في فعل بأي شكل مش مجرد كلام :)

**enas75** · 05-09-2010 10:53 AM

مسلسل لوحيد حامد عن الاخوان المسلمين
طبعا مشفتش ولا حلقه
مش هو ده الشخص اللي يكتب مسلسلات عن وقائع حقيقيه
مش هو ده الشخص اللي اقبل بفكره او حكمه علي حد .......
ده مجرد اداه في ايد الحكومه ال ........ لتوصيل صوره معينه عن خصومهم في المعركه
بغض النظر بقا عن الاخوان دلوقتي حالهم ايه......

**mikho83** · 05-09-2010 11:25 AM

يا جماعة المفروض إن احنا طبقة مثقفة ويا ريت اللي يقول رأي التاني مش يزعل منه أو يعقب عليه بأي نوع من السخرية، الحاجة التانية أنا ليا وجهة نظر في المسلسلات عموما، يعني مش هي الحاجة اللي أخد منها الحقائق أو أخد منها العبرة والعظة لأنه ببساطة المخرج مش هايعطيك الحقيقة كاملة لازم يكون فيه حبة حاجات مش حقيقية زي مسلسل جمعة الشوال الراجل الحقيقي نفسه قال إن المسلسل ليس فيه من الحقائق سوى 6% فقط. الحاجة التالتة بالنسبة للإخوان المسلمين دول بشر ليهم مزايا وعليهم تحفظات لكن من وجهة نظري إنهم كويسين إلى حد ما بدليل إن ليهم أكتر من 70سنة والحكومة بتحاول تقضي عليهم لكن بالعكس قوتهم بتزاد وده من أكبر الأدلة على صدقهم لأنهم لو منافقين كان ربنا تلفهم من زمان.عامة انا ما شوفتش المسلسل بس كنت باشوف مقاطع الناس كانت بتعلق عليها زي لقطة الخطأ في القرآن بتاع محمود الجندي، وزي تقليد عمرو خالد، بصراحة حاجة منتهي السفالة من المخرج. آسف للتطويل.

**تامر.محمد** · 05-09-2010 11:49 AM

المشاركة الأصلية كتبت بواسطة pro-drive

اللي شافو المسلسل فئتين ! فئه شافته و عارفه او حتدور علي الحقيقه بلسبياتها او ايجابياتها ! و هما دوول المطلوبين ! من ناحيتنا !
و فئه المسلسل أثر فيها , و دوول تقريبا ملهمش لازمه لأنهم لا راحو ولا حيحروحو انتخابات ولا ليهم رأي سياسي ولا ليهم لازمه اساسا !!

المشاركة الأصلية كتبت بواسطة pro-drive

اقصد اللي عاوزين "التغيير" عموما و اللي بيدورو علي الحقيقه مش علي اساس اخواني او كدا !
مبدأيا انا مش من الأخوان never was , never will ! علشان تحكم عليهم من طريقتي !
و ياريت حضرتك تنفي كلامي ! روحت انتخبت قبل كدا ؟؟ ناوي حتي ؟؟ طلعت بطاقه انتخابيه ؟؟ , وقعت حتي علي بيان التغيير ؟؟ :-)

يا أخ pro-drive
مبدئيا ايه الاستفادة لما في وسط كلامك تتكلم عن حد ( و لو عن حد غير معين ) بالطريقة دي في حين ان كل جريمته انه تأثر بمسلسل ؟
هل من وجهة نظرك اللي تأثر بمسلسل ده لما يشوفك بتقول كده هايحس انه غلط و هايفكر في موقفه ؟
ولا هايشوف ان فيه حد بيشتمه و هايفترض ان الحد ده اخوان او ايا كان (زي ما حصل كده ) و هايعمق رأيه (اللي من وجهة نظرك غلط ده ) و بالتالي يبقى رد فعلك جاب نتيجة عكسية لهدفك اللي هو المفروض ان الكل يعرف الحق و الصح و يبقى وراه ؟

المشاركة الأصلية كتبت بواسطة fares515

كتر خيرك ياباشا بجد الاخوان دول قمه في الذوق والاحترام!!وأسلوبهم في الحوار حاجه تبسط!

المشاركة الأصلية كتبت بواسطة mr_sameh

ممكن اسئل حضرتك سؤال باعتبار ان حضرتك مش من الاخوان لكن ممكن تكون تعرفهم كويس
هوا ليه الاخوان بيعتبرو ان اللي موقعش علي بيان التغير ده انسان سلبي طيب انا رافض التغيير يجي من خلال جبهة التغيير او من خلال الاخوان

يا حضرات , الراجل بيقول

مبدأيا انا مش من الأخوان never was , never will

يعني متبري منهم تماما , ايه الفكرة في الافتراض المباشر ان الراجل ده اخوان ؟
الجملة اللي هو قالها ممكن تصدر عن واحد حزب وطني و ممكن عن اخوان و ممكن عن واحد ليبرالي او يساري ؟
أظن ان افتراض انه اخوان مش في محله

بالله عليكم جميعا , شخصنة الحوار مش هاتفيد اي حد فينا بالمرة

**mrwho1982** · 05-09-2010 11:55 AM

المسلسل خلاني متحيز للاخوان وملياااااااااااان اخطاء

وعجبني اوي الحوار مع وكيل النيابة لما كان بيقولو دول شيوعين انت ليه انضممت ليهم

الراجل رد عليه وقالو اي حاجة ضد الحكومة انا فيها لان الحكومة مادتنيش حاجة

**hookyelyak** · 05-09-2010 12:42 PM

يا جدعان اى حد يصدق النظام بتاعنا يبقى لا مؤاخذة يستاهل يعيش فى حكمه.......النظام بتاعنا واقع اخلاقيا وانسانيا ولا يسوى ربع جنيه مخروم...........دول ناس كل همها الحكم وهيعملوا اى حاجه عشان يفضلوا فيه......والكدب والتزوير مش جداد عليهم.....الى يصدقهم يبقى يستاهل ..........و ربنا يهدى

**factorialx** · 05-09-2010 03:11 PM

المشاركة الأصلية كتبت بواسطة mr_sameh

ممكن اسئل حضرتك سؤال باعتبار ان حضرتك مش من الاخوان لكن ممكن تكون تعرفهم كويس
هوا ليه الاخوان بيعتبرو ان اللي موقعش علي بيان التغير ده انسان سلبي طيب انا رافض التغيير يجي من خلال جبهة التغيير او من خلال الاخوان

أنا موقع على بيان التغيير و بالعكس الإخوان بيتحركوا حسب مصلحتهم لأنهم هيشاركوا في الإنتخابات و جبهة التغيير مش هتشارك لإنها عارفه اللي فيها + إن المشاركه إضافه لشرعية الإنتخابات

و صفوت الشريف قالها إنسوا يكون للإخوان 88 مقعد تاني

ياريت تفرقوا بين الإخوان و جبهة التغيير