هل تشعر بالأمن

**thegoodhacker** · 11-03-2008 09:32 PM

عندنا في اسكندرية كتير اوي بتلاقي خطف الشنط و السلاسل من السيدات و كمان الموبايلات و ده بيتم غالبا عن طريق ناس راكبة موتوسيكلات
و سرقة بطارية العربيات انتشرت اوي في الفترة اللي فاتت و كمان اكسسوارات العربيات
والسرقة بالاكراه برضه كترت اوي دلوقتي حتي في عز النهار ده حتي انا قريت في الجرايد القبض علي عصابة باسكندرية تقوم بسرقة الناس اللي خارجين من البنوك سرقة بالاكراه
و انتشار البلطجية في الشوارع و الناس اللي عاوزة تشحت بالعافية يا اما يغلس عليك او ربما يشتمك لدرجة اني مرة في وسط البلد يوم خميس وماكانش الوقت متاخر ( يغني في حدود الساعة 10 كده ) كان فيه عيل عمال يشحت و معاه مناديل و عاوز يبيعلي بالعافية قلتله (الله يسهلك ) و مشيت لقيته برضه بيتابعني و قعد يهرتل بالكلام و مش عاجبه و عمال يغلط و يقولي ( هو انا شحات !!) رحت و قفتله و زعقتله و كنت خلاص حامسك في خناقه لولا ان الناس اتجمعت و فضوا الموضوع .......... شفتوا سفالة اكتر من كده ؟؟؟؟؟؟

**OsKaR** · 11-03-2008 11:04 PM

الصراحه اه بس هي ظاهره و هتعدي قريب بإذن الله

**destaroser** · 19-01-2015 01:15 AM

طبعا مصر أمان .
يا ساده انا عشت سنه في الكنغو وتحديدا في العاصمة كنشاسا ......لازم السنتر مقفول والازاز مقفول وممنوع السواقه بعد ١١ كمان ممنوع التجول في الشارع لأي سبب يعني من بيتك لشغلك مفيش تمشيه .
البوليس نفسه كان اكبر مصدر لعدم الأمان لانه بيثبت العربيات خصوصا بتاعه الغرب ويأخذ اللي فيه النصيب
كل عساكر الجيش مسلحين عادي ان حد يهجم منهم علي بيتك عشان يثبتك
ممنوع انك تعيش في بيوت مش ماجر فيها حد يحرسك
ده في العاصمة بقيت المدن بقي حرب اهليه ا...اغتصاب جماعي ....مذابح ......ايبولا ....ملاريا
فاهم يعني ايه انك تبقي مرووش من كل حاجه ومرعوب لناموسه تقر صك يجيلك ملاريا ده انا حتي بتحلق شعرك بنفسك خوف من الإيدز ...ربنا يعفينا ويرجع مصر أمنه زي الاول

**matrix_it** · 19-01-2015 05:01 AM

حضرتك متأكد من الكلام دة ؟ انا زميلي في الشغل كان من الكونغو و الحياة هناك امان ممكن يكون بيحور عليا

**amr011111** · 19-01-2015 08:35 AM

الموضوع قديم بقاله سبع سنين:)

**prof2013** · 19-01-2015 01:54 PM

المشاركة الأصلية كتبت بواسطة destaroser

طبعا مصر أمان .
يا ساده انا عشت سنه في الكنغو وتحديدا في العاصمة كنشاسا ......لازم السنتر مقفول والازاز مقفول وممنوع السواقه بعد ١١ كمان ممنوع التجول في الشارع لأي سبب يعني من بيتك لشغلك مفيش تمشيه .
البوليس نفسه كان اكبر مصدر لعدم الأمان لانه بيثبت العربيات خصوصا بتاعه الغرب ويأخذ اللي فيه النصيب
كل عساكر الجيش مسلحين عادي ان حد يهجم منهم علي بيتك عشان يثبتك
ممنوع انك تعيش في بيوت مش ماجر فيها حد يحرسك
ده في العاصمة بقيت المدن بقي حرب اهليه ا...اغتصاب جماعي ....مذابح ......ايبولا ....ملاريا
فاهم يعني ايه انك تبقي مرووش من كل حاجه ومرعوب لناموسه تقر صك يجيلك ملاريا ده انا حتي بتحلق شعرك بنفسك خوف من الإيدز ...ربنا يعفينا ويرجع مصر أمنه زي الاول

وايه اللي جابرك ع الغلب ده ؟

**eng.m7md.ali** · 19-01-2015 10:00 PM

الموضوع من 7 سنين

بس كان لازم يتفتح تاني الايام دي

وبما ان صاحب الموضوع بيتكلم عن الامان احب ان حد يكلمني عن الشرطة ودورها فقط في محاربة المسيرات والمظاهرات .. الا نسبة صغيرة منهم