الافيو المظلومه من الجميع
النهارده يا جماعه بعد مرور حوالى 4 سنين ونص بعت الافيو بتاعتى والغريب انى زعلت عليها مع انى عمرى ما حبيت العربيه دى وكانت مجرد على قد الفلوس
المهم طوال الكام سنه دى العربيه عمرها ما عملت دقة نقص ومعملتش فيها حاجه غير الصيانه الدوريه
عيب العربيه الوحيد كان العفشه الناشفه والبنزين كان 10 كم للتر جوه البلد غير كده كانت كويسه وكان سحبها حلو وتكيفها ممتاز ولما غيرت الكاوتش الدبدبه راحت
ما علينا .. انا معرفش الافيو دلوقتى عامله ايه بس بجد العربيه مش وحشه للدرجه وياريت اللى عنده العربيه دى ميشتمش فيها :)
هتوحشينى يا افيو :)