باركولي يا وحوش اللوجان استلمت اللوجان امبارح ودي ملاحظاتي عليها

**jericho** · 04-09-2010 07:58 PM

الحمد لله استلمت امبارح رينو لوجان فيراني 2011 هاف اوبشنز من عند سمير ريان وانضميت لوحوش اللوجان
ملاحظاتي:

1- عضة المارشدير مش موجودة والحمد لله ممكن يكون التوكيل عالج الموضوع ده في موديلات 2011 والله اعلم.
2-سحب العربية رائع من وجعة نظري مع انها نش عاملة غير 91 كيلو بس بعد التليين اعتقد السحب هيتحسن اكيد وانا شايف انه حاليا جيد جدا.
3-صوت العربية ممكن يكون اعلي من عربيات جديدة بنشوفها بس مش عالي اوي ومش مضايقني .
4- عزل العربية تحفة بجد انت لو جوه وقافل الازازلا الي بره هيسمعك ولا انت هتسمعه بمعني الكلمة يعني موضوع صوت الموتور ده تنساه خالص وهو اصلا مش مشكلة خالص.
5-الابواب بتاعت العربية سلسة جدا وبتفتح علي مرحلتين زي اغلبية الاوروبي وفي القفل بتاعها مش لازم ترزعها خالص والموضوع ده عجبني جدا بصراحة .
6- التكييف بتاع العربية ثلاجة بجد مكنتش متوقع انو يكون بالقوة دي وتاثيره علي سحب العربية محستش بيه بصراحة.
7- فرامل العربية جيدة جدا وماسكة نفسها مع انها مش ABS.
8-عفشة العربية دي حكاية بجد ناعمة جدا وبجد انا مش مصدقها.
9-السي دي بلاير اوديو وده عيبه بس صوتو نضيف جدا وسهل في التعامل جدا.
10-الدبرياج ناعم جدا ولكن عيبو انك لازم تدوس لحد الاخر علشان تعرف تنقل.
11-الفتيس مش ناعم اوي بالذات في النقلة الاولي ولكن اتوقع انع هينعم بعد التليين او ممكن اكون انا الي لسه مش واخد عليه.

وشكرا واسف للاطالة والكلام ده مش نهائي لسه اداء العربية هيتحسن بعد التليين و بجد انا راضي تماما عن العربية دي وشايفها تحفة ماشاء الله والسلاو عليكم

**M.Radwan** · 04-09-2010 08:02 PM

ألف مبروك يا باشا وربنا يباركلك فيها
ملاحظاتك كلها مظبوطة ما عدا الفتيس عندي سلس جداا،

**jericho** · 04-09-2010 08:09 PM

المشاركة الأصلية كتبت بواسطة foxoo7

ألف مبروك يا باشا وربنا يباركلك فيها

ملاحظاتك كلها مظبوطة ما عدا الفتيس عندي سلس جداا،

الله يبارك فيك يا باشا وربنا يخليك وبالنسبة لموضوع الفتيس هو سلس جدا في كل النقلات ما عدا الاول احيانا بس اعتقد ان الموضوع ده بسبب اني رزم ادوس ديبرياج للاخر فا علشان كده عاكسني مرة او اتنين

**amr.elsayed** · 04-09-2010 08:14 PM

الف مبروك وربنا يباركلك فيها ويعطيك خيرها ويكفيك شرها
ولسة العربية حتتحسن معاك اكتر واكتر

**mxz911** · 04-09-2010 08:20 PM

الف الف مبروك يا باشا ويارب انا كمان انضم لوحوش اللوجان

ياريت حضرتك تقولنا اشتريتها ازاى لو مفيش رزاله منى يعنى كاش ولا قسط وايه النظام والتسليم فورى ولا ايه؟

**Moh_Ibrahim** · 04-09-2010 08:24 PM

الف مبروك يا باشا و على فكره بعد 3000 كم حتحس انك راكب عربيه تانيه خالص ماشاء الله العربيه بقت احسن من الاول بكتير

**jericho** · 04-09-2010 08:34 PM

المشاركة الأصلية كتبت بواسطة mxz911

الف الف مبروك يا باشا ويارب انا كمان انضم لوحوش اللوجان

ياريت حضرتك تقولنا اشتريتها ازاى لو مفيش رزاله منى يعنى كاش ولا قسط وايه النظام والتسليم فورى ولا ايه؟

انا اشتريتها كاش من عند سمير ريان والتسليم فوري وانت واقف وعلي فكرة الناس هناك قمة في الاحترام وبيبيعوا ارخص من التوكيل كمان

**jericho** · 04-09-2010 08:34 PM

المشاركة الأصلية كتبت بواسطة moh_ibrahim

الف مبروك يا باشا و على فكره بعد 3000 كم حتحس انك راكب عربيه تانيه خالص ماشاء الله العربيه بقت احسن من الاول بكتير

يارب وهيا عربية ممتازة فعلا والف شكر

**jericho** · 04-09-2010 08:35 PM

المشاركة الأصلية كتبت بواسطة ringoo

الف مبروك وربنا يباركلك فيها ويعطيك خيرها ويكفيك شرها
ولسة العربية حتتحسن معاك اكتر واكتر

ربنا يخليك يا باشا

**karimnet** · 04-09-2010 08:38 PM

الف مبروك و فعلاً بعد 3000 كيلو العربية حتفرق

و عشان دماغك متوجعكش من كلام الناس .. تغير الزيت عند 10000 كيلو ان شاء الله

الموضوع: باركولي يا وحوش اللوجان استلمت اللوجان امبارح ودي ملاحظاتي عليها

LinkBack

أدوات الموضوع

عرض

باركولي يا وحوش اللوجان استلمت اللوجان امبارح ودي ملاحظاتي عليها - انشر الموضوع فى :

-

-

-

-

-

-

-

المواضيع المتشابهه

اخيرا استلمت اللوجان امبارح

باركولى أستلمت اللوجان امبارح

استفسار عن ديبرياج اللوجان من وحوش اللوجان

من وحوش الميجان الى وحوش اللوجان :الفتوه المفتريه فى العضه المارشيديريه

باركولي حجزت اللوجان

الكلمات الدلالية لهذا الموضوع

المفضلات

المفضلات

ضوابط المشاركة