-
عندي مشكلة في الشاهين
السلام عليكم ورحمة الله وبركاته
أولا : أحب أن أشيد بهذا المنتدى الرائع اللي بيساعد كل أعضاءه من تساؤلات ممكن تفيد أي عضو أخر .
ثانيا : أنا سيارتي بتشتغل غاز وبنزين .
ثالثا : أنا بقى السيارة دي بتعمل معايا حركات غريبة جدا ......
بأكون ماشي على سرعة عادية ومرة واحدة وأنا ماشي الآقيها عاوزه تبطل ، لما أرفع رجلي من على دواسة البنزين ألاقيها ما تبطلش ، وبعد حوالي 10 متر تبطل ، رحت للميكانيكي قال لي ده وساخة في الكاربرتير ولازم ننظفه .
المهم إنه نظفه وقعدت العربية شغالة كويس لمدة أسبوعين وبعد كده ظهر نفس العيب تاني .
الغريب بقى هنا في الموضوع إنها بتبطل وأنا ماشي على سرعة وعلشان تشتغل معايا كويس يبقى لازم أقف على جنب وأبطل السيارة ثم أشغلها تاني فتشتغل على طول وتمشي وبدون أي مشاكل .
رحت لميكانيكي تاني قال لي كده يبقى عيب طلمبة البنزين وقمنا بتغييرها وفي نفس اليوم حصلت نفس الحكاية مرة أخرى .
رحت لنفس الميكانيكي الأخير قال لي يبقى دي أكيد إنها الجزرة ، وأنا أعتقد إن الجزرة دي التي تقوم بالتحويل من بنزين للغاز والعكس .
على الرغم من إنها لا تفعل معي أي مشاكل أبدا وانا ماشي بها على الغاز .
المشكلة كلها في البنزين .
أفيدونا أفادكم الله لأنها مسألة محيرة جداً لي ولكل اللي يسمعها .
وشكرا لكم ....
-
مش عارف .. احنا عندنا تاكسي قلبناه غاز و شغال حلو .. اه فيه شويه مشاكل .. بس عادي يعني ..
بص ... الجماعه بتوع الغاز بيحشروا جلده في العمه بتكتم الهواء ... و في نفس الوقت .. الجو بارد .. اعتقد ان الكلام ده بيحصل علشان انتو بتحطوا مراوح كبيره و في نفس الوقت الموتور بيفضل بارد مش عارف يسخن ....
الله اعلم .. ده اللي حاضر في دماغي دلوقتي ...
-
احتمال في وساخه في التانك او الخراطيم (ممكن تنضفهم مع بعض)
او يمكن البنزينة اللي بتموّن منها
-
الشكر كل الشكر لكل من إهتم بمشكلتي
-
نضف الكربيراتير والتانك و غير فلتر البنزين ضوروي \
-
غيرت فلتر البنزين؟
لو مغيرتوش غيره ، لو كنت غيرته ادينا فكرة علشان نفكر فى عيب آخر
-
أشكركم شكرا جزيلا لهذا الإهتمام بمشكلتي
نعم غيرت فلتر البنزين وغيرت طلمبة البنزين وتم تنظيف الكاربرتير من أي وساخة
وحاجة كمان فيه ناس قالت لي ممكن يكون العيب من بك الكهرباء اللي في الكاربيرتير
-
بيك الكربيراتير الكهربا يخليها تقطع طول ماهي ماشيه .
بس طالما المشكله مربوطه بالبنزين بس يبقي حاجه في دايره البنزين او فيالجهاز اللي بيحول فعلا بين البنزين والغاز
-
أشكرك شكرا جزيلا يا حازم ، وتعبتكم معايا كلكم ، وشكرا لكل من ساهم في حل مشكلتي
-
بصو ياجماعة انا كان عندى نفس المشكلة بالظبط في سيارتى وطلع العيب انى علبة الشكمان اتسدت
Content Relevant URLs by
vBSEO 3.6.0 PL2