تقرير صيانه ال15000 للافيو

تم الذهاب اليوم السبت لفرع الطيران بمدينه نصر لعمل صيانه ال15000
و بما ان اليوم اجازه فكان الزحام و لا طابور العيش مع اني اتكلمت عشان احجز يوم الخميس محدش رد عليا و طلعو و اخدين اجازه مكتب الحجز
وصلت هناك الساعه 8:30 صباحا فضيلت واقف ل 11و نص عقبال ما الدور جالي عشان مش حاجز
و كان التالي
- تغيير فلتر زيت حوالي 20 جنيه
- زيت موبيل 1 10 الاف ب 250 جنيه
- تم رفع سعر الصيانه من 165 ل 205 حسبي الله و نعم الوكيل
- تربيط عفشه + تنظيف التيل بالهوا ب 205 مش عايز اغلط

و فلتر التكييف عشان ينظفو عاوز 35 جنيه قلتلو سيبو انا هاعمله
و كان في كام حاجه كالعاده تخبيط و بلي عجل و ار بي ام و مرديش المهندس يطلع معايا يجرب العربيه و اعد يقولي مفيش وقت عندنا زحمه:stink[1]:
و بعد شويه البيه المهندس سايق الكروز جمب الباشا طبعا و طالع يجرب!!!!! :U_thin1[1]::I_angr1[1]:

الف مبروك الصيانة
بس لى عتاب عندك طالما وافقوا انك تروح من غير حجز و قبلوا العربية كان لازم تعمل مشكلة علشان المهندس يخرج معاك
و انصحك بعمل شكوي على الرقم المختصر و اذا قالو لك انت ماكنتش حاجز قول لهم طب وافقوا على الصيانة لية و طالما انهم وافقوا على عمل الصيانة يبقى لازم يشوفوا اي شكوى لية و حلها
و شكرا على خبر انه تم رفع قيمة الصيانة الدورية طب كنت تبلغنا بعد العيد مش لازم نضايق دلوقتى
هاهاهاهاها
بالتوفيق

اولا الف مبروك على الصيانه

ثانيا مصنعية صيانة كل 15000 المفروض 184 جنيه

خلوها 205 ؟ طب ليه

دا المفروض انت ليك خصم 10 % اصلا

وكمان فى نقطه انا مش فاهمها

انت دفعت 205 مصنعيه و كمان 205 تربيط عفشه وتنضيف تيل ؟

ولا تقصد ان ال 205 مقابل تربيط العفشه وتنضيف التيل ؟

وتنضيف فلتر التكييف فعلا بحوالى 35 جنيه انا لسه دافعهم فى صيانة ال 20 :)

منصور بيعيد علينا يا جدعان :d

بس انا رأيى برضوا يا باشا انك ما تسكتش اعمل شكوى واقلب الدنيا - ده لو حضرتك فاضى شوية :)

علشان ده حقك ، وكان لازم يطلع يجربها معاك ويشوفلك كل المشاكل اللى فى العربية

لكن نقول ايه ، منصور بقى وحركاته .

لا ازاي انا رايحلو تاني بس لو ماعملش ألي انا عاوزو مفيش غير البعبع
و انتو عارفينو
و دي صوره فاتوره الصيانه من غير زيت طبعا و 205 دي كان قالي عليها ألي بيكتب التقرير قبل مانخش
بس اسف هي 195

http://i1230.photobucket.com/albums/...lwaly/hrty.jpg

الفاتوره مظبوطه مفيهاش حاجه

هما بس غلو المصنعيه من 184 الى 195.5

و 14 فلتر

وعملك الخصم 10 % على المصنعيه بقت 175.95

و 10 % على الفلتر بقى 12.68

وزود 10 % ضريبه على الاتنين 18.86

يبقى الاجمالى 207.49

هوا فيه فلتر ب 14 جنيه انا افتكرتو ده سعرو بعد 10% خصم

يا باشا الف مبروك علي الصيانة...و عقبال ال 100000 ان شاء الله

و بعدين المرة اللي جاية متمشيش غير و انت عامل اللي انت عايزه.......مفيش حاجة اسمها زحمة...لو زحمة يكترو المهندسين و العمال......او ميدخلوش غير العدد اللي يسمح ليهم يعملولهم الصيانة كاملة.....ده حقك

205 ليه والله حرام انا اروح لواحد فى ورش الصيانة العادية احسن هو التوكيل اضمن بس مش بالطريقة دى

بعد أذن حضرتك .... ليه ماروحتش عند أوتوماستر فى الحى السادس ؟؟

على فكره انا لاحظت ان سعر الصيانه مش واحد فى كل مركز صيانه مش عارف ليه مع ان المفروض الحاجات كلها سعرها موحد فى كل الفروع على العموم مبروك الصيانه