الموضوع: مقابلة مالكي اصغر عربية في اكبر منتدى عربيات فمصر.. لقاء الجبابره>>ماروتي

بسم الله الرحمن الرحيم
احييكم وارحب بكم في المقابله الاولى والفريده من نوعها

لقاء القمة..
لقاء الجبابرة..
لقاء الوحووووووش


مــــــــــــــــــــــــ ـ سوزوكي ــــــــاروتـــــــــــــ ــي


طبعا كتير الكلام وقلنا وعدنا واتفقنا مره ومتقبلناش وجه رمضان وضع علينا فطار المنتدى لكن الرجاله مسكتوش
وحققنا الحلم اللي استنيناه كتير كتير


بدأ الموضوع باقتراح من حبيبنا كلنا لورد باشا (عاااااادل) اللي اقترح اننا نتقابل

كلنا كنا وقتها متحمسين لكن معرفش الموضوع مات ليه
اهو نصيب

ومره تانيه اتفتح الموضوع بالصدفه البحته والمرادي اللورد حب يأكد ويثبتلنا انه لورد بجد وفاجئنا باقتراح المكان والزمان

وده ممكن الحاجه الوحيده اللي مكناش عملناها في الموضوع الاولاني

والحمد لله باصرار وعزيمة وتوفيق من ربنا اتفقنا عالمكان الجميل
المكان اللي اسمه حتى على اسمنا
احنا الماريوتاويه كنا في المريوطيه(الماريوتيه ان جاز التعبير)


استاذ ايمن قال انا اول واحد هوصل وهستناكم...
محنش حبيبنا اتخذ قرار جامد في وقت اجمد وانطلق من بيتهم من مسافه تزيد عن ال 100 كيلو

وعلى نيتنا كنت انا وهوا هنتقابل ونيجي سوا
يشاء القدر اننا نتقابل برضو واحنا بنتكلم بالتلفون بالصدفه العجيبه
ونوصل سوا

على غير المتوقع وصلنا وكان الكل موجود...
استاذ ايمن وايهااااااااااااااااااااا اااااااااااب (الباشا الصيني الكبير) واستاذ محمد وحبيب الشعب ابو جنه (اللي مننساش انه ادا العربية كمية مسكنات مهوله عشان هوا مخلص للماروتي) واسلام واخوه بالعربية الجديده (ربنا يباركلكو فيها)
والوحيد اللي كان مش موجود ميييييييين؟؟؟!!!!!
كلكو عارفينه

ههههههههههههه
لـــــورد بيك
هوا بس حب يجيلنا مولع بازوكته وبيضرب صواريخ البيز علينا وعلى كل الشارع
هههههههههههههههههههههههه

وابتدا اللقاء في اللحظه الحاسمه دي
...
القصه موقفتش هنا
نزلنا من عربياتنا ونزل لورد
طبعا ركنا العربيات ركنه مميزه جدا هتشوفوها في الصور اللاحقه
وابتدا التعارف الجميل

وابتدا كل واحد يورينا عمل ايه جديد فعربيته

كان نفسي اصور كل عربية من جوه
بس انا قلت الجايات اكتر وخصوصا اننا المرادي هنتبادل الخبرات والمرات الجايه كل واحد هييجي عامل البدع ان شاء الله

من الحاجات الطريفه اللي حصلت
استعراض الشوم والاسلحه الخفيفه
ههههههههههههههههههههههههه هه
مش بقولكم لقاء الوحوش

والله يا ايهاب طلعت ميه من تحت تبن
ههههههههههههههه

مضرب هوكي مره واحده.؟؟؟؟
ههههههههههههههههههههههههه

بس ايه رأيك في الشومه يا محنش؟؟؟
صحيح
محنش اثناء كتابتي للموضوع حاليا زمانه بيمتحن ويارب يكون معاه ويجيب اعلى الدرجات ويرجع بالسلامه ان شاء الله


شويه وكان اسلام بيدور على حد عنده تسجيل سوني وكان الشخص ده انا وكانت النصيحه بانه يودي الكاسيت للتوكيل لانه مهيس شويه


ايهاب مكتفاش بصدمنا بمضرب الهوكي وانما خش علينا بقلب جامد وفتحلنا الكلاكس بتاعه بخفه ودلع وبعدين ادانا كلاكس الوحووووووووووووووووووووو ش (عاو عاو عاو عاو)ههههههههههههههههه

وبسرعه لحقنا نتفرج على فرش محنش الجميل والنيكل الازرق عالعربية السودا
ربنا يحميكم ياشباب
شويه وحضرة الباشا لورد ورانا ابداعات بوازيييييكه ماشاء الله

وبدأنا النقاش حوالين نور التابلوه العجيب اللي راكب عندي اللي معرفش ازاي اتركب حتى
ههههههههههههههههه
ومننساش المسند بتاعي ياجماعه لزوم القعده الملكي بتاعتي (ولا اييييييه)؟؟؟
هههههههههههههههه

وآن الاوان اللي نلم شملنا
كنا راكنين بعيد عن بعض شويه كده وابتدينا نلم العربيات جنب بعض استعدادا للتصوير
اول اما لمينا العربيات على بعض فوجئنا بالاخ صاحب اللانسر (الغيران طبعا) هههههههههه اللي ركن ونزل بيسألنا العربيات للبيع؟؟!!!
وهنا كانت الضحكات المجلجله في المكان كله
كلنا مره واحده ها هاهاهاهاهاهاهاهاها لا ياباشا احنا اصحــــــــــــــــــــــ ـــــــــــــــاب (جامدين قوي)

واتكرر الموقف مره واتنين.....

ابتدينا نبدع في التصوير ونتفنن
واشي بنور واشي كل عربيه لوحدها واشي عبر الشارع ..... حكاوي كتير

احلى حاجه
وانا بصور من عالشارع التاني جالي واحد (راكب نص نقل) بيقولي انتو داخلين سبق
قلتله اه
قالي انا عايز اكون معاكم
وبكل فخر وقوة قلتله
هات ماروتي وانتا طبعا تبقى معانا
ننننننننننياهاهاهاهاهاهاه


وشويه وجه ابن خالتي احمد اللي بينتظر ان عربيته الماروتي تقوم بالسلامه ان شاء الله

واتصورنا وابتدينا كلنا نعدي الشارع لكافيه كبير وجميل كان قدام العربيات...
وقعدنا قعدتنا ووالله الوقت اخدنا وجري ولا حسينا عليه (وهوا ده الوقت اللي بقضيه مع الحبايب)

عالساعه 12 اسلام واخوه اعتذروا واستأذنوا مننا
كملنا القعده وهيسنا وهيصنا واتصورنا


مش عايز اطول عليكم اكتر من كده بعد كل التشويق ده

قلت اوريكم الصور بقا.....




























































يتبببببببببع