-
الى خبراء السويفت
ياريت وبكل امانه انا معايا 30 الف وعاوز اجيب عربيه تكون اقتصاديه وفى نفس الوقت متقرفنيش وتجرينى كل شويه عند الميكانيكيه
وواحد نصحنى بالسويفت بس فيه عاوز اعرف رايكوا باامانه هل هيا عربية متينه ولا لا؟؟؟؟
واخبار الثبات؟؟؟؟وهل هيا عاليه عن الارض ولا لا؟؟؟
وهل قطع الغيار معمرة ولا زى مابيقولوا الكبالن بتتغير كل فترة؟؟؟؟
واسمع ان البيبان بتخبط فى المطبات ايه صحة الكلام ده؟؟؟؟ وهل العربيه ضعيفة ولا امتن من غيرها؟؟؟
وهل هيا احسن اختيار ولا اشوف الاكسنت او الاكسيل ارجو النصيحة
-
متابع باهتمام فينك يا دكتور مصطفى
-
-
السلام عليكم
بص يا سيدى .. أنا هكلمك من وجهة نظرى الشخصية .. ولو حد اختلف معايا أنا زى ما بقول دى وجهة نظرى الشخصية
أنا اشتريت السويفت و أنا مقتنع تماما انها الاختيار الأمثل بالنسبة لى .. وقبل ما أشتريها كنت محتار بينها وبين اكسيل واكسنت زيك وفى الآخر خالص كانت الحيرة بينها وبين الاكسيل
اكتر الاشياء اللى دفعتنى لشراء العربية
- شكلها الجميل .. وطبعا دى أزواق
- قطع غيار معقولة ومتوفرة
- اقتصادية
- ارتفاعها عن الارض معقول (أنا بتكلم عن التقفيل اليابانى) مش عارف التقفيل المصرى أخباره ايه
- صالون جيد
لكن أنا نصيحتى ليك حاول لو اشتريت عربية تجيب حاجة عالية - مش عايز أقوللك أعلى حاجة - فى الفئة بتاعتها وانت فعلا هتحس بالفرق سواء مع السويفت أو غيرها
يعنى مثلا ممكن تلاقى سويفت بـ 20 ألف وأخرى بـ 35 ألف فلما تفكر تجيب اعمل حسابك على الأعلى وهات عربية مش محتاجة شغل ولا تظبيط على الأقل علشان تستمتع بالعربية فعلا لما تجيبها
هتقولى بس لو الفلوس معايا مش هتكفى .. هقولك انزل بفئة السيارة نفسها .. يعنى هات نوع تانى بس يكون المبلغ المتوافر معاك يجيب احسن حالة فيه
لو عملت بالنصيحة دى ممكن تلاقى المشاكل اللى الاعضاء بيطرحوها عن عربياتهم بيتكلموا عن عربية تانية ، أى نعم ممكن تحصل معاك بعد كدة بس بتكون اكتسبت خبرة أكتر فى الوضوع وممكن تحل مشاكل كتير بنفسك أو تتفادها من أصله
وبالنسبة لأسئلتك :
بالنسبة للمتانة -- لو بتتكلم على الصاج لأه طبعا الصاج ضعيف ولكن بالمقارنة بالاكسيل والاكسنت بحس انه أقوى يعنى شوف مثلا العربيات السويفت الكبوت عامل ازاى وبص لعربيات اكسيل كتير وشوف التعريجات فى الكبوت
بالنسبة للثبات -- هى معايا كويسة لغاية 100 بس بعد كدة معرفش لأنى مبزودش عن كده وطبعا حالة الطريق والملفات ليها دور
بالنسبة للارتفاع عن الأرض -- ارتفاعها معقول .. زى الاكسيل تقريبا ولو أنى شفت عربيات اكسيل كتير أوطى شوية .. بس طبعا لما بتركب حد فى الكنبة بتوطى زى الاكسيل والاكسنت برضه
بالنسبة لقطع الغيار -- فيه الجديد وفيه الاستيراد أما بالنسبة للجديد فيه يابانى ممكن يكون أغلى شوية فى السعر بس بتركبه وتنساه .. وبصفة عامة قطع غيار السويفت أسعارها كويسة يعنى على سبيل المثال أنا جبت طلمبة الميه اليابانى الأصلية بـ 120 جـ
بالنسبة للبيبان والتخبيط ده محصلش معايا بس بعض الزملاء فى قسم السويفت بيقولوا انه حصل معاهم
وزى ما قلتلك أنا لما كنت بشترى وبقارن بينها وبين الاكسيل كنت بحس انها امتن من الاكسيل
تقفيل الصالون وشكل التبلوه أفضل
أما التكييف طبعا ضعيف مقارنة بالاكسيل اللى موتورها 1500
بص القرار فى الآخر يرجعلك انت .. وزى ما قلتلك دى وجهات نظر وأهم شئ تشترى العربية وانت مقتنع بيها تماما .. يعنى أنا لو رجع بي الوقت علشان أختار بين سويفت أو اكسيل أو اكسنت على الرغم من اختلاف السعر هختار السويفت
وربنا يوفقك للخير .. وان شاء الله باقى الاعضاء يفيدوك .. ولو حبيت تتعرف أكتر على السويفت ممكن تتطلع على رابطة مالكى السويفت اللى أسسها د / مصطفى جزاه الله خيرا
-
الله يباركلك ويحفظهالك يارب
وبجد جزاكم الله خيرا على تعبك معايا
-
انا كان عندى سويفت وبعتها من اسبوعين ونادم على انى بعتها لإنها فعلا عربية ممتازة:
مميزات السويفت:
1. تكنولوجيا يابانى واجزاءها يابانى بالكامل، يعنى اقل فى الصيانة مقارنة بالكورى عموما - ده طبعا لو بتجيب للعربية قطع الغيار الأصلية -وخصوصا الهيونداى "اللى هى اسوا عفشة وموتور".
2. تكييفها ممتاز اذا تم عمل الصيانة اللازمة له.
3. استهلاك بنزين ممتاز "يعنى بتعمل من 250 الى 300 كم فى الصفيحة "20 لتر".
4.يمكن استخدام بنزين 80 بدون قلق على الموتور.
5. توافر قطع الغيار.
6. مقارنة بالأكسنت فموتورها افضل بكتير ويحتاج لعمرة مرة مقارنة ب3مرات لموتور الأكسنت.
عيوبها "مقارنة بمثيلاتها فى السعر الأكسنت والأكسيل":
1. قطع الغيار اغلى شوية من الكورى بس عُمُرها اطول.
2. تكييف الأكسنت أكيد أفضل.
3. ثبات العربية ضعيف بس تقريبا زى الأكسنت والأكسيل.
4. البارومة وخصوصا فى اماكن معينة معروفة فى السيارة.
5. الصاج ضعيف بس أقوى من الأكسيل واضعف من الأكسنت.
6. كويسة جدا بحد اقصى 4 افراد فى العربية.
Content Relevant URLs by
vBSEO 3.6.0 PL2