محدش يقول سواقة مثالية تاني

**SHNORY** · 05-09-2010 03:36 AM

المشاركة الأصلية كتبت بواسطة ringoo

نفس الكلام قولته على كورنيش اسكندرية لو عملت فيها متحضر والتزمت بحارتك حتلبس ... بصراحة من غير ما حد ياخد على كلامى
انا بحس بتحكم عالى مع الطريق وانا ماشى على سرعات عالية ... مجرد ما احاول امشى هادى او على الاقل بالسرعة القصوى للطريق
الاقى المخاطر جايالى من كل ناحية .. حنعمل ايه بلدنا كدة وعلشان نتحسن وننظم نفسينا فى الطرق لازم مجموعة كبيررررررة جدا
من الناس تبدأ مع بعض فى الالتزام بالنظام علشان يجبروا الاخرين على الالتزام بيه .. لكن اللى بيحصل العكس ..
الغير ملتزمين اكتر بكتير من الملتزمين وبالتالى لازم تتكيف مع حالة الطريق ... وربنا يعيننا
ملحوظة بردو عايز اقولها ... اعتقد ان سرعة 80 قليلة على الطريق دة .. لازم تاخد سرعة الطريق مقارنتا بسرعة باقى العربيات
مش لازم تكون اسرع منهم بس ما يكنش فى فرق كبير بين سرعتك وسرعتهم وربنا يسترها معانا جميعا

بص يا باشا
حضرتك اجري زي ما يعجبك لو عاوز تمشي علي الكورنيش او في اي طريق 200 فدي حاجه ترجعلك
بس متعرضش حد للخطر
روحك وانت حر فيها ربنا حيحاسبك انت عليها مش احنا
بس لو خبطت عربيتي وانت بتجري متزعلش وتقول اني كنت ماشي براحه
لاني ماشي بالسرعه المقرره وانت اللي بتجري
وعمري ما شوفت عربيه مقلوبه علي الكورنيش او اسعاف جايه تشيل واحد كان سايق عربيه وصعب عليا
واحد بيرمي نفسه من ارتفاع عالي ازعل انا ليه لما يتهبد في الارض
بس حزعل لو اتهبد قدامي وفجعني او لو دمه جه علي هدومي ووسخها
لاني مليش ذنب تهلكه وهو رامي نفسه فيها
لو خبطتني بعربيتك وانت بتجري انا حموت شهيد وانت حتموت كافر او منتحر والله اعلم
بزعل بقي علي الناس اللي ملهمش ذنب وبيتاخدوا في الرجلين سواء ناس بتعدي الشارع
او واحد سايق في حاله
وعموما لما حد بياخد الغرزه علي سرعه عاليه واكصدامه ورا يخبط في اكصدامي قدام فانا اللي بعوم عربيته وممكن يقلب لا قدر الله
وحصلت معايا قبل كده بس كانت سرعاتنا قليله انا كنت 30 وهو 50 تقريبا لان الطريق كان زحمه
والباشا بياخد غرزه ب128
وربنا يسلمكم جميعا ويرجعكم لاهلكم سالمين
لان الاهل برضه بيصعبوا عليا في قهرتهم علي عيالهم

واتفرج علي الفيديو ده
واجري براحتك بعد كده
YouTube - ‫ظپظ„ظ… ط¹ظ† ظ…ط®ط§ط·ط± ط§ظ„ظ‚ظٹط§ط¯ط©‬&lrm;

**WalidAdel** · 05-09-2010 03:54 AM

المشاركة الأصلية كتبت بواسطة adel1212

العب بتوازن ان شاء الله تكسب

حلوه اوي الجمله دي و حاول تطبقها علشان دا اللي انا بعمله عموما في سواقتي
انا شخصيا بحاول اجري من العربيات او مش بمشي بطئ وسط عربيات كتيره حواليا و دا اتعلمته من طريق مصر اسكندريه الزراعي وانت ماشي لو حد عمل غلطه بسيطه علي الطريق خمس او ست عربيات هتلبس في بعض فلما بلاقي الطريق في شويه مجموعه من العربيات ماشي جنب بعض بنفس السرعه اكيد اكيد مش هاخش و امشي وسطيهم بنفس سرعتهم ياما اعدي منهم ياما ااهدي لحد مابعد عنهم
حاول دائما تجنب خطأ الغير مع عدم تعريضك للغير لخطر بردوا
انا مثلا لما بكون بليل و الدنيا فاضيه او الصبح ببقي ماشي بسرعه منخفضه ممكن تصل ل 70 مثلا ام 80 مافيش عربيات كتير و في مسافه معقوله بين كل عربيه و التانيه يعني امان لكن في الطريق الزحمه اكيد مش هامشي براحه لان فعلا ساعات السرعه فعلا بتنجني من مخاطر بس السرعه باتقان مش مجرد دايس علي دواسة البنزين و بجري

كان في فيديو علي يوتيوب شوفته من فتري بس مش متذكر اسمه ايه جايبلك عربيه ماشيه بسرعه 40كم و واحد بيعدي الشارع و مش واخد باله فطبعا الراجل العربيه خبطته و مات
في لقطه تانيه جايبلك العربيه هيا هيا بس ماشيه بسرعه 50و هو هو الراجل بيعدي و مش واخد باله كانت النتيجه ان العربيه عدت قبل ماهو يعدي و الراجل عدي الشارع عادي و في اخر الفيديو كاتبلك جمله مش قادر انساها

Speed When It need

و اسف للاطاله

**mr_vampire** · 05-09-2010 04:04 AM

السواقة في مصر بقت البقاء ( للاكثر شراسة واكثر غباءا في التعامل مع الغير ) ومش مهم الاضرار اللي ممكن تحصل. واحمل كااااااااااااامل المسئولية للنقل والميكروباصات هما اللي عملوها سيرك فعلا.

مرة ماشي عالزراعي 120 بملاكي والاقي نقل بمقطورة طاير من جنبي وعمال ياخد غرز ويتنقل بين الحارات ( يبقي البيه ده ماشي كام لما يعديني وانا علي 120) والمفروض انه اخره 60 واقصي يمين. ولما تبقي ماشي 90 وعالشمال وتلاقي ميكروباص لازقلك اكصدام في اكصدام ونوره في مرايتك ده ممكن يعصبك ولا لاء.

واخرة مقوله منقوله من سواق ميكروباص بيقولها لواحد سايق ملاقي ولازق اكصدام في اكصدام ( صدرله بوزها في مرايته هيخاف ماهما بتوع الملاكي كتاكيت وتهشهم في ثانية.

**SHNORY** · 05-09-2010 04:06 AM

المشاركة الأصلية كتبت بواسطة ringoo

ليه يا شنورى اخدت مشاركتى على انى واحد متهور ماشى بخبط فى مخاليق ربنا ومين جاب سيرة الغرز انا باخدش غرز بالعربية
سواء بال بى ام ولا اللوجان ولا الفيرنا ولا الريتمو ... ولو راجعت مشاركتى وقارتها كويس حتلاقينى عايز امشى مظبوط و مش عارف
وزى ما بتقول السرعة العالية خطر (اقصد اعلى سرعة للطريق يعنى 90 مثلا على الكورنيش وفى اكتر من كدة وانت عارف ) ..
لكن بردو السرعة القليلة مقارنتا بسرعة الطريق ( مش السرعة المقررة ) خطر جدا واكبر دليل تجربة صاحب الموضوع
...............................
طيب على اعتبار ان انا متهور وسرعتى بتكون عالية (انا موافق) .. من باب اولى قبل ما اتهاجم نحل مشكلة صاحب الموضوع اللى لما مشى
بسرعة متوسطة اتضح له انه بيعرض نفسه لخطر زى خطر الاصطدام من الخلف وكل سنة وانت طيب

يا باشا انا اسف ان كلامي جه فيك بالحده دي
انا مقصدكش انت شخصيا او بمعني تاني كلامي موجه للناس الي بتجري علشان مش عاجبهم مشي الناس
بس هي جت فيك يا سيدي وامسحها فيا
اصلا المشي بسرعه اقل من المقره بيكون خطر والمفروض ان في قانون المرور الجديد ان ليها غرامه
وفيه دول بتغرم اللي يمشي بسرعه اقل من المقرره في الحاره السريعه
كمان انا مش عارف تخيل ان الحاره الشمال دي للناس اللي بتجري جه منين ولا مين قاله
الحاره الشمال دي بتاعه اللي داخل يوتيرن
يعني واحد ممكن يهدي ويقف في اي لحظه
بانهي منطلق اجري فيها انا بسرعه
وبكررلك اعتذاري تاني يا باشا

**SHNORY** · 05-09-2010 04:10 AM

المشاركة الأصلية كتبت بواسطة mr_vampire

السواقة في مصر بقت البقاء ( للاكثر شراسة واكثر غباءا في التعامل مع الغير ) ومش مهم الاضرار اللي ممكن تحصل. واحمل كااااااااااااامل المسئولية للنقل والميكروباصات هما اللي عملوها سيرك فعلا.

مرة ماشي عالزراعي 120 بملاكي والاقي نقل بمقطورة طاير من جنبي وعمال ياخد غرز ويتنقل بين الحارات ( يبقي البيه ده ماشي كام لما يعديني وانا علي 120) والمفروض انه اخره 60 واقصي يمين. ولما تبقي ماشي 90 وعالشمال وتلاقي ميكروباص لازقلك اكصدام في اكصدام ونوره في مرايتك ده ممكن يعصبك ولا لاء.

واخرة مقوله منقوله من سواق ميكروباص بيقولها لواحد سايق ملاقي ولازق اكصدام في اكصدام ( صدرله بوزها في مرايته هيخاف ماهما بتوع الملاكي كتاكيت وتهشهم في ثانية.

ههههههههههههه
فكرتني وانا راجع من مقابله ليموزين شهر 4 تقريبا
ماشي 120 علي الصحراوي وواحد عدي من جنبي ملحقتش حتي اشوف لون عربيته
هههههههههههههههههههه
بس لما حصلته (طبعا لما وقف)
لقيت انها عربيه اودي
فقولت لا براحته بقي

**pro_samir** · 05-09-2010 04:47 AM

للأسف عندك حق من الصعب جدا تمشي بالسرعه القانونيه الا لو الطريق رايق هتمسك حاره وبراحتك ، أو يكون في رادار والناس كلها ملمومه

غير كده بقي مفيش حل غير انك تبقي ماشي عينك في وسط راسك ومراقب كل اللي حواليك ولو واحد عايز يعمل غرزه ضيقه قدامك تقفلهاله (زي الميكروباص اللي عدي من يمينك) ولو حد هيزنقلك في عربيه أبطئ منك تقفل عليه الطريق وتستحمل قرفه وراك لحد ما تعرف توسعله ، الوضع كده متعب جدا ويبوظ الأعصاب وانا مبعرفش اعمل كده

يعني علشان تمشي مرتاح في الزحمه وكله بيجري يبقي متوسط السرعه 120 وبرضو ممكن تلاقي مقطوره بيلطش فيك علشان يعدي .. عادي جدا

-

-

-

الموضوع: محدش يقول سواقة مثالية تاني

LinkBack

أدوات الموضوع

عرض

-

-

-

-

المواضيع المتشابهه

محدش يعرف مدراسة سواقة كويسة فى الاسكندرية تطلع الرخصة تابعة للمرور

bugatti veryon Vs audi R8 عشان محدش يقول نيسان GTR بس

محدش يقول فى الكماليات بعد كده (ايموبليزر) او مفتاح مشفر

شوماخر محدش يقول ميعرفوش ازعل

الكلمات الدلالية لهذا الموضوع

المفضلات

المفضلات

ضوابط المشاركة