محدش يقول سواقة مثالية تاني

**mahmoudysf** · 05-09-2010 12:04 AM

طبعا من العنوان بس
فيه اللي هيخش ويقول ايه الكلام ده
وليه وفين وازاي
هاحكيلو على تجربة للسواقة الهادية المثالية
امبارح كنت رايح مشوار
وخدت الطريق الدائري
نويت انى اكون هادى ومفيش شد ولا غرز ولا كلاكسات
ونويت الغي الفكرة اللي مش عندى بس لاكن عندنا كلنا اننا بس اللي بنعرف نسوق
ونشد واناخد غرز ونعمل بهلونات على الطريق
المهم طلعت على الطريق حوالى الساعة 10 بعد صلاة التراويح وكانت اعصابي هادية جدا
خدت الحارة التالتة من الشمال ومشيت على 80 تقريبا وسيبت الاولى للي عايز يجري والتانية كمان للي عايز يتخطى
طيب لغاية دلوقتى اية الغريب في كدة
ااقولكم ربنا نجاني من كذا حادثة بسبب سواقتى دي
ازاي
وانا ماشى في امان الله اللاقى ميكروباس جاي طاير ومصدرلي النور العالي
طنشتة وماشى في طريقى على اساس انى مش ماشى على الشمال
الاقيه فجاه جاي من جمبي طاير وغرزة من قدامي لولا توفيق من الله ورميت يمينى بسرعة كان خد وش العربية معاه
فى نفس اللحظة الاقى نقل بمقطورة جاي طاير وكلاكس ونور لانى لما فديت الميكروباس دخلت فى الحارة التانية
وفي لحظة بقيت عامل زي الكورة اللي بيلعبو بيها عشوائي
لا حد محترم رغبتى فى انى امشى هادي وواخد الحارة التالتة ولا فية صبر
لدرجة من اللي حصل فقدتى اتزانى للحظات
فلاش باك للسواقة اللي المفروض تبقى طبيعية في مصر ولاقيتنى مسقط نقلة
وبشد وبدى نور عالى وبغرز والله لاقيت ان الخطورة كدة بقت ااقل عن ما كنت ماشى عاقل
وبالطريقة دى حسيت انى بعرف اسوق تانى
وتعرضي للمخاطر ااقل
النتيجة ان السواقة بدون التزام هيالقاعدة وغير كدة هو الاسثناء

**Soma_Sooma** · 05-09-2010 01:02 AM

للأسف اللى بتقولة دة صحيح

مينفعش السواقة المحترمة فمصر

السواقة فمصر بالدراع وبالبلطجة

**Hussein_Emara** · 05-09-2010 01:08 AM

سيرك حديدي متشال على كاوتش, و للاسف لازم نشارك

**تامر.محمد** · 05-09-2010 01:14 AM

انا فعلا لما باسوق هادي من غير جري باتعرض لقلة ادب كتير اوي

**zegazi** · 05-09-2010 01:42 AM

المشاركة الأصلية كتبت بواسطة soma_sooma

للأسف اللى بتقولة دة صحيح

مينفعش السواقة المحترمة فمصر

السواقة فمصر بالدراع وبالبلطجة

وللإضافه كمان
بالرجل والشلوت

**eslam_wega** · 05-09-2010 02:11 AM

مفيش فى مصر طريق واحد ينقع معه سواقة مثالية غير طريق السخنة هقولك لية
بالنسبة لباقى طرق مصر
انا هتاحد حارة واحدة ومش هتغرز انسا غصبان عننا لازم نغرز بسبب الناس الى بتتطلع من الشوارع الجانية تقطع الطريق بالعرض خصوصا فى صالح سالم ويبقا سرعة الطريق 80 ودة قاطع الطريق 30 كليو وقمة الهدواء فلازم تاخد غرزة منه يا تضرب فرامل والى وراك يلبس فيك
دة غير اليوترنات الى معمولة غلط لو ماشى فى الشمال لازم تهرب الى اليمين عشان هتلقى الطريق قلب زحليق مرة واحدة بسبب اليوترن الى فى الشمال
دة غير ان مصر كلها هتاخد منك غرز تريلات اتوبيسات متوسكيلات ومش بعيد تاكاتك
فلازم نسوق كدا لغايت ما شوارعنا واخلاق السواقين تبقا زى الناس فى الدول المتحضرة
بالنسبة بقا طريق السخنة متعة ما بعدها متعة بسبب انا طول الطريق 190 وواخد اقصى الشمال ومن غير ما اقلب نور ولا اعمل كل الى يشوفنى يوسع علطول بجد حسيت انى فى اوربا غير كدا الطريق نفسة كويس والناس قمة الاحترام
بس احب اقول حاجة اعمل كل الى انت عايزة بس من غير ما تخنق حد يعنى لا والف لا للغراز الضيقة جدا ولا للغراز الى بتقفل بسرعة عشان فيها خطورة عالية جدا

**adel1212** · 05-09-2010 03:07 AM

السواقة زى فريق الكورة
لو دافع بس حيتغلب لو هاجم بس بردو حيتغلب
العب بتوازن ان شاء الله تكسب

**yyy** · 05-09-2010 03:30 AM

سرعة 80 قليلة على الطريق دة .. لازم تاخد سرعة الطريق مقارنتا بسرعة باقى العربيات
مش لازم تكون اسرع منهم بس ما يكنش فى فرق كبير بين سرعتك وسرعتهم وربنا يسترها معانا جميعا

+1

-

-

الموضوع: محدش يقول سواقة مثالية تاني

LinkBack

أدوات الموضوع

عرض

محدش يقول سواقة مثالية تاني - انشر الموضوع فى :

-

-

-

-

-

-

-

المواضيع المتشابهه

محدش يعرف مدراسة سواقة كويسة فى الاسكندرية تطلع الرخصة تابعة للمرور

bugatti veryon Vs audi R8 عشان محدش يقول نيسان GTR بس

محدش يقول فى الكماليات بعد كده (ايموبليزر) او مفتاح مشفر

شوماخر محدش يقول ميعرفوش ازعل

الكلمات الدلالية لهذا الموضوع

المفضلات

المفضلات

ضوابط المشاركة