محتاج رأيكم ضروري في أفضل كاسيت ممكن اجيبه

انا ناوي اشتري كاسيت غير اللي عندي في العربية اليومين دول :049:

عايز اجيب كاسيت سي دي و يكون في وصله AUX و USB و Ipod بس انا قلقان ان الاضاءه متمشيش مع اضاءة التابلوه عشان عندي الاضائة برتقالي محمر كده

شوفت انهارده عند السجان واحد سوني و ممكن تغير لون الاضاءه ازرق و اصفر و احمر هل ده كويس بـ 1150 جنيه

انا شايف ان السعر ده كتير و ممكن اجيب حاجة ارخص و فيها نفس الامكانيات الا اذا ده كان فيها اوبشنز تانية انا مش عارفها بءي

هل اجيب بايونيير ولا سوني ولا ايه ؟

انا فعلا محتاج رأيكم معايا :U_thin1[1]:
و ايه أحدث الحاجات اللي موجوده دلوقتي لاني اخر مرة اشتريت كاسيت كان بايونيير سي دي من حوالي سنتين و اكيد في حاجات كتير ظهرت في الفترة دي

شكرا

ايه يا جدعان 14 واحد شافوا سؤالي و محدش عايز يفيدني ليه :rfds:

انا لسه جايب من اسبوع سونى cd - usb - aux -fm/am وامكانياتة جميلة جدا واضائتة حمراء فى الزراير والوش والشاشة الكتابة بالابيض التلجى موديله sony explode gt490u ومعاه جراب نظارة للوش وعمل 679 جنية وضمان 6شهور من بى تك

في 100 موديل في كينوود فيهم كل الامكانيات دي بلاضافة لحكاية الاضائة دي

اسال على البايونيير 5250
بجد الكاسيت ده فاجر و فى اى اوبشن انت عايوزه و فى مكان لكارت ميمورى كمان
و بنفس سعر السونى او اغلى 100 جنيه
و لو انت عايز تعمل عده فاجره فى المستقبل الكاسيت جده على اتم الاستعداد

انما لو عايز حاجه فى الهادى على سماعتين و معاهم جى ولا حاجه
هاتلك اى حاجه بايونيير بقى ولا سونى او كينوود
و نقى اللون اللى يعجبك

هات بايونير 4250 نفس امكانيات 5250 بس سعره اقل بحوالى 800 جنيه

7250 ممتاز لسه شاريه.

ياريت الاسعار يا جماعه اى حد يقول جاب جهاز او يرشح جهاز يقول على سعره

ما انا ممكن اقول موديل كاسيت جامد بس يطلع ب 4 الاف جنيه !