-
نستنى النترا الشكل الجديد ولا نجيب السيراتوا الكوبيه.مقارنه غريبه ايه رايكوا يا وحوشش
-
والله لو فى امكانك تستنى
استنى مش هاتخسر حاجه
لو مستعجل توكل على الله فى الكوبيه
لان مش معروف امتى بالتحديد هاتنزل الالنترا مصر
المفروض بالكتير اوى على يناير الجاى
-
-
الأحسن تستني
بس تستني كتير شوية
يعني بعد ما تنزل تستني إن شاء الله اربع خمس اشهر
يكون بان لو فيها مشاكل و اتجربت شوية
-
بتهيالي سعرها هيبقى اكتر من الكوبيه بكتييييييييييير
-
اقتباس:
المشاركة الأصلية كتبت بواسطة Hosam_Optrawy
والله لو فى امكانك تستنى
استنى مش هاتخسر حاجه
لو مستعجل توكل على الله فى الكوبيه
لان مش معروف امتى بالتحديد هاتنزل الالنترا مصر
المفروض بالكتير اوى على يناير الجاى
يا جدع يناير ميييين دا غبور منزلش ال i20 و لا بعد سنتين من اخر بلد فى العالم نزلتها
لانه بيدور على اعلى ارباح و مش مشكله احنا نستنى
-
استناها احسن لان شكلها عربية جامدة موت و حاتمسح الموجودة دلوقتي باستيكة بس الله اعلم غبور حايجبها ازاي
-
اقتباس:
المشاركة الأصلية كتبت بواسطة hema1975
يا جدع يناير ميييين دا غبور منزلش ال i20 و لا بعد سنتين من اخر بلد فى العالم نزلتها
لانه بيدور على اعلى ارباح و مش مشكله احنا نستنى
وضع الالنترا مختلف عن ال i20
لان الالنترا من العربيات المطلوبه وهاتنزل الخليج قريب
والتجار فى مصر هايجيبوها من الخليج بعدها على طول
فغبور مش هايسيب التجار تقعد تبيع وهو قاعد يتفرج سنه واتنين
لازم ينزلها فى اقرب وقت غصب عنه
-
عصفور في اليد خير من عشره على الشجره
وكمان اعتقد ان غبور هينزلها في أول 4شهور من 2011يعني هتستنى كتير وفي الآخر ممكن تلاقيها بتبدأ من140ألف البيز لاين!!اشتري الكوبيه عربيه محترمه جدا احسن ماتشتري عربيه لسا منعرفش عنها حاجه غير شكلها وكماليتا بتوع برا!!
-
اقتباس:
المشاركة الأصلية كتبت بواسطة Hosam_Optrawy
وضع الالنترا مختلف عن ال i20
لان الالنترا من العربيات المطلوبه وهاتنزل الخليج قريب
والتجار فى مصر هايجيبوها من الخليج بعدها على طول
فغبور مش هايسيب التجار تقعد تبيع وهو قاعد يتفرج سنه واتنين
لازم ينزلها فى اقرب وقت غصب عنه
والله وجهة نظر ممتازه
بس السعر هيكون له عامل كبيييير و بالتالى هنشوف كماليات النترا الشكل الحالى على بودى النترا 2011:H_angry[1]:
-
لو مكانك اخش على الكوبيه عدل من غير تفكير ولا انتظار
-
اقتباس:
المشاركة الأصلية كتبت بواسطة hema1975
يا جدع يناير ميييين دا غبور منزلش ال i20 و لا بعد سنتين من اخر بلد فى العالم نزلتها
لانه بيدور على اعلى ارباح و مش مشكله احنا نستنى
والله يا جماعة أنا في قطر دلوقت و لسه لحد دلوقت ما شفناش i20 ولا i30 ، ولا حتى الأكسنت الجديدة (اللي هي نفس القديمة بس متغير الشبكة الأمامية و شوية حركات كده)، و حتى الماتركس الجديدة جابوها مرة واحدة و بطلوا
أنا مع الرأي اللي بيقول نستنى الإلنترا الجديدة
السيراتو الجديدة مع كامل إحترامي و عشقي للكيا ليست على المستوى المتوقع باستثناء شكلها الرهيب (طبعاً أنا باتكلم عن السيراتو العادية مش الكوبية لأني ما ركبتهاش)
-
اقتباس:
المشاركة الأصلية كتبت بواسطة hosam_optrawy
وضع الالنترا مختلف عن ال i20
لان الالنترا من العربيات المطلوبه وهاتنزل الخليج قريب
والتجار فى مصر هايجيبوها من الخليج بعدها على طول
فغبور مش هايسيب التجار تقعد تبيع وهو قاعد يتفرج سنه واتنين
لازم ينزلها فى اقرب وقت غصب عنه
اتفق مع هذا الراى تماما غبور حينزل العربيه فى اقرب وقت يناير او يونيه على اقصى تقدير لان العربيه ذات انتشار كبير فى مصر والخليجى جى جى يعنى الوكيل حيخسر لو ما نزلش العربيه
-
-
رأيي إن حضرتك تفكر بردو في الأوروبي لأنه بيجمع بين الفخامة وعوامل السلامة
وربنا يوفقك ، بس تجربتي مع السيراتو الكاملة إن ثباتها وحش على الطرق غير الممهدة ، والكارينز أثبت منها بمراحل وعفشتها أريح منها جدا ، وسحبها مع التليين بيبقى مناسب جدا
-
اقتباس:
المشاركة الأصلية كتبت بواسطة fares515
عصفور في اليد خير من عشره على الشجره
وكمان اعتقد ان غبور هينزلها في أول 4شهور من 2011يعني هتستنى كتير وفي الآخر ممكن تلاقيها بتبدأ من140ألف البيز لاين!!اشتري الكوبيه عربيه محترمه جدا احسن ماتشتري عربيه لسا منعرفش عنها حاجه غير شكلها وكماليتا بتوع برا!!
140 ألف جنيه فى إلانترا !!! ليييييييييييييييييييه! ...
ما انا اجيب فلونس أنضف و أحسن بكتير! ...
-
اقتباس:
المشاركة الأصلية كتبت بواسطة seiffoz
140 ألف جنيه فى إلانترا !!! ليييييييييييييييييييه! ...
ما انا اجيب فلونس أنضف و أحسن بكتير! ...
ده على الأقل 140 الف و هتكون فاضية خالص كمان
-
شكلها جاااااااااااااااااااااااا مد الالنترا الجديده
و كمان احلي من السيراتو العاديه و الكوبيه
طبعا وجهات نظر و اذواق و انا لو مكانك
هستني طبعا و لو مستعجل هات السيراتو
-
-
بالرغم من ان الألنترا دي هتنزل غالية التنين
بس استناها عشان لو جبت الكوبيه
الألنترا هتفضل مزغللة عينك طول الوقت