احتاج للنصيحة قبل الشراء

**flavio_egypt** · 05-09-2010 02:00 AM

السلام عليكم ورحمة الله وبركاته
إن شاء الله اريد شراء نيسان صنى اتوماتيك exSaloon
وسوف اقوم بتقسيط نصف المبلغ ووجدت ان افضل عرض حصلت عليه لشراء السيارة كان من مودرن موتورز الدقى وذلك بالنسبة للفائدة والتأمين
والسعر 89000
اريد معرفة هل اسم مودرن موتورز متميز كموزع معتمد وكمراكز صيانة بالنسبة للصنى

وجزاكم الله خيرا

**Ahmed.TV** · 05-09-2010 05:12 AM

اولا الف مليون مبروك وباذن الله تستلم على خير ان شاء الله
مودرن موزع جيد جدا ولكن ممكن بعد ما تستلم السيارة ممكن تعمل صيانتك فى اى مركز خدمة معتمد لنيسان زى السبع ويونايتد
ودول افضل فى الصيانة من مودرن
ومتنساش تاخد هدايا منهم
وربنا يوفقك وربنا يكيفك شرها ويعطيك خيرها
واهلا بيك معانا

**Amr Hussain** · 05-09-2010 05:00 PM

المشاركة الأصلية كتبت بواسطة flavio_egypt

فيه ناس بتلعب فى دماغى على النيو اكسنت بس انا عايز عربية عملية وتستحمل البهدلة و اعتمادية متعملش حركات قرعة

بص حضرتك انا معايا صنى 2010 اوتوماتيك الحمد لله انا راضى تماما على العربية و قطع الغيار بتاعتها ممكن تكون غالية شوية بس مش زى مقارنيها فى اليابانى تعتبر هى الأرخص اما بالنسبة بالنيو اكسنت فبصراحة الصنى احسن بكتير
1 - التكيف تلاجة من ساعة مايشتغل مش زى الاكسنت تقعد شوية على ماتحس بالسقعة
2- الصنى ليها وقار برضو
3 - الخامات الصالون الصنى طبعا افخم

انا مش بقلل من الاكسنت بس لايتم مقارنتها بالصنى
و المهم ان توكيل صنى سواء السبع او المودرن احسن بكتير من وكيل هيونداى و الاهم ان فارق السعر بين قطع غيار الصنى اليابانى قريبة اوووووووى من الهيونداى الكورى تكاد لا يمكن ملاحظة الفرق بين الاسعار مع الفرق الكبير بين ان اليابانى معمر

**flavio_egypt** · 05-09-2010 08:08 PM

المشاركة الأصلية كتبت بواسطة amr hussain

بص حضرتك انا معايا صنى 2010 اوتوماتيك الحمد لله انا راضى تماما على العربية و قطع الغيار بتاعتها ممكن تكون غالية شوية بس مش زى مقارنيها فى اليابانى تعتبر هى الأرخص اما بالنسبة بالنيو اكسنت فبصراحة الصنى احسن بكتير
1 - التكيف تلاجة من ساعة مايشتغل مش زى الاكسنت تقعد شوية على ماتحس بالسقعة
2- الصنى ليها وقار برضو
3 - الخامات الصالون الصنى طبعا افخم

انا مش بقلل من الاكسنت بس لايتم مقارنتها بالصنى
و المهم ان توكيل صنى سواء السبع او المودرن احسن بكتير من وكيل هيونداى و الاهم ان فارق السعر بين قطع غيار الصنى اليابانى قريبة اوووووووى من الهيونداى الكورى تكاد لا يمكن ملاحظة الفرق بين الاسعار مع الفرق الكبير بين ان اليابانى معمر

اخى الفاضل استاذ عمرو جزاك الله خيرأ
انت عارف دايما الواحد بيكون خايف شوية وخصوصا انى مش من الناس هواة تغيير العربية يمكن علشان كده الواحد بيحاول يجتهد قدر الامكان قبل الشراء وطبعا الخير كله بيد الله العلى القدير
وطبعا كلام حضرتك موضوعى وبيأكد الفكره اللى عندى