كنت عايز اشتري دواسات لعربيتي النيو اكسنت فلو حد يعرف نوع كويس ممكن يقولي عليه وبكام ومن فين ؟؟؟؟
وياتري دواسات الموكيت احسن ولا الجلد العاديه ؟؟
لو حد عنده صوره ممكن يرفعهالنا ؟؟؟؟
عرض للطباعة
كنت عايز اشتري دواسات لعربيتي النيو اكسنت فلو حد يعرف نوع كويس ممكن يقولي عليه وبكام ومن فين ؟؟؟؟
وياتري دواسات الموكيت احسن ولا الجلد العاديه ؟؟
لو حد عنده صوره ممكن يرفعهالنا ؟؟؟؟
احسن دواسات دواسات الحوض بتبقي جلد و بتكون كبيره عن الدواسات الموكيت و بتتفرش في الارضيه كلها مش بتخلي اي تراب يطلع بره في ارضيه العربيه و سهله التنضيف ممكن تغسلهم و انت بتغسل العربيه انما القماش لما بيتغسل بيطلع ريحه كمكمه في العربيه مش لطيفه احسن حاجه دواسات الحوض و هتلاقيهم في التوفيقيه في حدود 45 - 50 جنيه مش اكتر من كدا و في منها الون كتير
دوسات الحوض كويسه وعمليه وبتلم التراب وسعرها 50جنيه فى احمد سعيد بالعباسيه
لو المقصود بدواسات الحوض اللي هي ليها اطراف مرتفعة تبقى شبه الحوض
اه دي جميلة جدا وبتلم التراب وانصح بيها اي حد
بس تقريبا اغلي من كدا
لألأ مش اغلي ولا حاجه انا جبتها من التوفيقيه من شهر كانت عامله 45 جنيه
فعلا الحوض احسن وتنضيفها سهل عكس الموكيت للي بيلزق فيه التراب
الف شكر علي ردكم جميعا
بس هوه فعلا انتم تقصدوا بكلمه (الحوض) اللي هيه الدواسات الجلد اللي بتبقي ليها شفه كبيره؟؟؟
بس دي بتبقي شكلها حلو ولا وحش؟؟؟
انا عن نفسى افضل الوكيت بس مش لاقيه
هو ده قصدهم فعلا ياباشا
بس انت مفكرتش فى دواسات نيكل ؟ برده عمليه جدا لأنك لما تيجى تنضفها مش لازم تتغسل انت بتنفض التراب و تعدى عليها بفوطه زفره و بترجع تلمع
سعرها بتبدأ من 45 50 بس دى بتقشر بعد فتره .. و النوع الكويس هتلاقيه فى حدود 70 و بيكون 5 قطع
هههههههه ... هو مبيزحلقش ولا حاجه .. عن تجربه
لكن زوقك ليه احترامه طبعا :))
على فكرة الدواسات الجلد فى منها خامات ... فخلى بالكم الدواسات الحوض بالزات لازم تمسكها بايدك كده وتشوف شفة الحوض ماسكه نفسها ومش طريه .. دى بيبقه سعرها عالى سنه .. فوق 100 جنيه مرتاح .. وتمنها فيها لان النوع الطرى لللأسف بيخرج التراب بره .. ولا أكن الحوض موجود .. معلومة على الطاير كده بس عن تجربه ورجعت بعد اسبوع وغيرت لل high كواليتى دواسات .. مغرقه شارع دمشق ... بس أسعارها كلها فوق 100 .. دى لل high كوالتى .. وبالتوفيق ..
انا لسه مشتري دواسات جلد (حوض) من دمشق ب 70 ج وهابقي اصورها وارفعها علي المنتدي
بس في انواع واشكال كتيره منها فعلا وفي انواع كانت ب 130 ج بس تقريبا دي كانت حجمها كبير اوي
الدواسات الحوض طبعا احسن حااااجة بلا منازع بس يكون نوع نضيييف
زي ما وعدتكم اني اصورلكم لدواسات الحوض اللي جبتها
سعرها كان 70 ج من دمشق , هيه شكلها عاجبني عن الدواسات الحوض التقليديه اللي موجوده في معظم
العربيات (في شكل تقليدي كده بشوفه في عربيات كتير وكمان ارخص نوع) وممكن بس العيب الوحيد ان هيه
كبيره سنه من ورا بس عادي اهي كلها حمايه :shine[1]:
اسيبكم مع الصور
دي الدواسات الاماميه
http://i741.photobucket.com/albums/x...o/IMG_0196.jpg
http://i741.photobucket.com/albums/x...o/IMG_0194.jpg
http://i741.photobucket.com/albums/x...o/IMG_0195.jpg
ودي الدواسه الخلفيه هيه كبيره شويه بس ماشي الحال
http://i741.photobucket.com/albums/x...o/IMG_0197.jpg
فعلا كوييسين