الموضوع: مبيعات السيارات فى مصر

الموضوع ده منشور فى ملحق اخبار السيارات يوم السبت وهو عبارة عن تقرير من الجمارك بعدد السيارات المفرج عنها لاول 6 شهور فى عام 2010 لجميع وكلاء السيارات
انا طبعا مش حانقل التقرير كله لكن حاخد منه المفيد بس فى الشريحة المتوسطة عشان نحاول نتاكد من كلام الوكلاء زى غبور مثلا اللى بيقول انه صاحب اعلى نسبة مبيعات فى مصر او منصور او حتى الاشاعات اللى بتطلع على عربيات انها مش بتبيع مثلا

اولا : اكبر وكيل استورد سيارات هو
1- كيا 21 الف سيارة
2- هيونداى 16 الف سيارة
3- شيفرولية 9 الاف سيارة
4- رينو 5 الاف سيارة
5- سكودا 3555 سيارة
6- تويوتا 2597 سيارة
7- فولكس واجن 2506 سيارة
8- ميتسوبيشى 2007 سيارة
9- هوندا 775 سيارة


ثانيا : اعلى عدد سيارات مستورده لوكيل

1- سيراتو 11 الف سيارة
2- اوبترا 6 الاف سيارة
3- اكسنت 6 الاف سيارة
4-ا لانترا 4 الاف سيارة

5- كارينز 4 الاف سيارة
6- ماتريكس 1800 سيارة

7- اوكتافيا 3 الاف و500 سيارة
8- كورولا الفين سيارة

9- بيكانتو الفين سيارة
10- جيتز 1200 سيارة
11- لوجان 3 الاف سيارة

12- كروز 969 سيارة
13- سورينتو 940 سيارة

14- فلوينس 792 سيارة
15-سيفيك 653 سيارة

16- سكالا 241 سيارة

17- سيتى 119 سيارة
18- ياريس 72 سيارة



من التقرير ده واضح ان غبور مش المقدمة زى ما بيقول لان كيا متقدمة بفرق واضح
انا فترضت ان كل العربيات المستورده اتباعت
بنسبة 100 % ده حسب نظام الوكلا فى مصر تدفع مقدم حجز ومقدم وبعدين يستورد العربيات للحاجزين وتستلم لما العربيات توصل من الشحن بعد كام شهر


واضح برده ان تويوتا وميتسوبيشى تراجعو بشكل كبير وربنو تقدمت ودخلت مكانهم فى المركز الرابع والفرق بينها وبين المركز الثالث مش كبير

واضح ان مبيعات السيراتو رهييييبة 11 الف رقم كبيير ماشاء الله يعنى لو قارنته برقم الكروز 900 عربية بس

واضح برده ان الاكسنت متتفوقة على اللوجان
والسيتى على الياريس
والكارينز على الماتريكس

ده اللى قدرت اشوفه من التقرير طبعا التقرير اكبر من كده بكتير ياريت تقروه ممكن تاخدو بالكو من تفاصيل اكتر من كده بكتير وحاجات تانية انا مخدتش بالى منها

الله ينور تقرير ممتاز ومجهود رائع