عايز اشتري ماروتي زيرو

**aymoz** · 05-09-2010 03:57 AM

سلام عليكم
بعد تفكير مش كتير قررت إن شاء الله أجيب ماروتي لأختي لأني مش عايز اجبلها حاجة مستعملة مهما كانت نضيفة علشان لو حصل فيها حاجة أنا اللي هتبهدل و حاسس كمان ان العربية ناس كتير مقتنعة بيها هنا
وكمان اللي جرب الزيرو عمره مايفكر يجيب مستعمل طالما فرق السعر مش كبير والحمد لله موجود معانا
المهم محتاج نصيحتكم اجيبها منين يكون مكان مضمون و يا ريت لو حد يعرف سعرها دلوقتي والالوان اللي موجودة عندنا يبقى عمل معايا واجب لأني إن شاء الله عايز اجيبها قبل العيد في الانجاز كده علشان تفرح بيها

**kimo_cat** · 05-09-2010 01:16 PM

الف مبروك على العربية مقدما

أفضل شيء شوف في الوسيط هاتلاقي عروض كتير
انا لما كنت بشتري زمان لقيت اقل سعر وقتها كان عند اوتو سمير ريان كان 36 تقريبا ولما قلت له انى هادفع كاش قالى تبقه 35
والفرق انت اولى بيه

**haneen83** · 05-09-2010 07:56 PM

انا جبتها من المصريه ب 36500 لونها دهبى

**meemo** · 06-09-2010 08:36 AM

هي عربية بالنسبة للسيدات ممتازة انا برضه جبتها السنة اللي فاتت للمدام علشان توضل الاولاد المدرسة بس المشكلة الوحيدة بالنسبة لي انها من غير تكيف انا جبتها من معرض الطارق عن طريق شركة كونتكت ب36000 بس الموديل الجديد فيه كاست وانذار متهيلي اغلي يمكن 38000 مش متاكد علي فكرة اقتصادية جدا في البنزين

**aymanay32** · 06-09-2010 05:45 PM

اللى يحدد العربية جديدة و زيرو و لا كسر زيرو ولا قديمة مستعملة الفلوس اللى معاك كام

**aymoz** · 06-09-2010 05:55 PM

المشاركة الأصلية كتبت بواسطة kimo_cat

الف مبروك على العربية مقدما

أفضل شيء شوف في الوسيط هاتلاقي عروض كتير
انا لما كنت بشتري زمان لقيت اقل سعر وقتها كان عند اوتو سمير ريان كان 36 تقريبا ولما قلت له انى هادفع كاش قالى تبقه 35
والفرق انت اولى بيه

إن شاء الله هرُوح سمير ريان انهارده ولو لقيت اللون الأحمر هخلص

المشاركة الأصلية كتبت بواسطة meemo

هي عربية بالنسبة للسيدات ممتازة انا برضه جبتها السنة اللي فاتت للمدام علشان توضل الاولاد المدرسة بس المشكلة الوحيدة بالنسبة لي انها من غير تكيف انا جبتها من معرض الطارق عن طريق شركة كونتكت ب36000 بس الموديل الجديد فيه كاست وانذار متهيلي اغلي يمكن 38000 مش متاكد علي فكرة اقتصادية جدا في البنزين

هي المشكلة فعلا انها منغير تكييف بس أهو زيرو ومش هتقرفني كل شوية العربية حصل فيها حاجة ولو أنا مش فاضي تروح التوكيل

المشاركة الأصلية كتبت بواسطة aymanay32

اللى يحدد العربية جديدة و زيرو و لا كسر زيرو ولا قديمة مستعملة الفلوس اللى معاك كام

الحمد لله الفرق معانا علشان كده إن شاء الله هجيبها زيرو وبصراحة حتى لو كسر عمرها ماهتبقى لذيذة زي الزيرو

**mrghost** · 07-09-2010 05:35 PM

والدى جبها لنفس السبب
كان عاوز حاجة صغيره وزيرو علشان اعطال المستعمل اللى مبتخلصش
العربيه لو للبنت هتبقى مناسبه اوى لانها صغيره وخفيفه وسحبها حلو ومش بتسحب غاز خالص هى فعلا مشكلتها فى التكييف فقط
كنا جايبنها ب 38000 جنيه من معرج gear one من مدينة نصر وفيها كاسيت وانذار وسنتر وربنا يوفقك بإذن الله