الموضوع: وف الاخر رؤى حتروح المدرسة مواصلات

قول حسبي الله و نعم الوكيل كفايه ، و ربنا هيكرمك ان شاء الله بعد المصاريف دي

بص حضرتك انا ليا تعليق علي4 نقاط:
1- و هبدأ بالشيء الايجابي انك زي ما قلت اخدت دروس في الميكانيكا و الكهربا و اتعذبت لمده 3 شهور و كعييت جاامد بس دا هيفيدك ان شاء الله اما تجيب عربيه احدث هترعف تسعف نفسك لو حصل اي عطل مفاجئ علي الطريق مثلا و اهو محدش بيتعلم ببلاش.
2- انك جبتها مالوسيط...و الوسيط دي جرنال نصاب بكل معني الكلمه ...انا اتنصب عليا منها 3 مرات....مره كنت عاوز اشتغل في الاجازه و قالك شركه دعايه و اعلان طالبه موزعين و اما روحت طلعت الشركه هي الوسيط و طلع المرتب اقل من الي في الاعلان بكتيير....و مره تانيه كونت بدور علي كورس لغه و كان في اعلان عن اكاديميه كامريدج و الاعلان دا بينزل من شهر يناير الي الان...و في الاخر طلعن مش معتمده من كامبريدج ولا حاجه و مجرد اسم بس و برضو طلع الكورس اغلي من اللي مكتوب و نظام استغلال و منتهي قله الادب في المعامله...اخيرا كان عندي فار و حبيت اجيب شركه ترش المطبخ و كانو كاتبين اباده الفران ب 15 جنيه....دفعت 450....عشان كدا انا بكره الوسيط دي كره العمي.
3- و دا الاهم ان حضرتك جايب عربيه موديل 79...ف من الطبيعي ان كل دا يحصل حتي لو كانت حالتها كويسه و الميكانيكي او العفشجي الامانه هيقولك تمام و شيل لانو عارف انها هتبوظ كل شويه و انك هتجري عليه و طبعا دا مصلحه ليه...فانا بنصحك لو هتجيب مستعمل يبقي عن طريق حد معرفه افضل و حاول تدور علي حاجه حديثه حتي لو كانت صيني مش مشكله...علي ما ربنا يكرمك و تجيب زيرو.
4- اما عن البنت ف انت ممكن تتفق مع تاكسي و اهو حل مكلف شويه بس ارحم من انها تتبهدل في المواصلات.