الموضوع: وف الاخر رؤى حتروح المدرسة مواصلات

السلام عليكم قصتى كوكتيل محزن مضحك لدرجة البكاء البنت رؤى بنتى ف كى جى 2 والسنة اللى فاتت نصها فباص المدرسة والنص التانى ترام ميكروباص تاكسى المهم مامتها اعطتنى المشوارة عربية لو سيات وابتدت فصول الرواية الوسيط جولف 79 ب17 الف متعدلة 91 وعفشة جديدةجبت ميكانيكى معرفة قالى تمام ياباشا ماتور وغيارات والخ طيارة اركبها وطيرانت وطرت انا فالاحلام وجبت سمكرى برضة معرفة قالى فيها برومة مش حتتكلف 50جنية توكل على الله اشترنا ومن هنا ابتدت الحكاية تمشى العربية حلفت مش ماشيه قالوا مارش صلح المارش بقع غياره120 مشيت نص مشوارووقفت قالوا اسبرتر استيراد280عادى اشتروا مشيت العربية نص مشوار ووقفت كلمت الصانعى المعرفة قالى شاكوش وكونسرنر وابلاتين وبوجيهات100جنية غير المصنايعية اشتغلت العربية نص مشوار ووقفت قالى يبقى كدة دينامو يتصلح ايوة والله مافاكر كام حوالى150المهم اشتغلت ربع مشوار ووقفت قالىعليك وعلى الميكانيكى عيب كربراتير نضف الكربراتير 80 جنيةاشتغلت زى ماباقولكم كل مرةيبقى طرمبة بنزين بدل ياباشا140جنية غير المصانعية لا طرمبة البنزين محتاجة تركب ورا جنب التنك عدل ياباشا خراطيم وافتكاسات50جنيةمشيت نص مشوار ووقفت دى عيب دينامو افصل البطارية لا عيب بطارية حناخد القديمة ونديك الجديدةوتدفع 200 جنية منين ياعم ما مصاريف مدرسة البنت اتدفع وام رؤى باعت الكردان اللى حلتها وفوق كل دة فى زنة فالدبرياج بيقوللى عاوزة الاسطوانة تتعبا عند واحد بتاع تيل فرامل غير مصنعية الفك والتركيب وممكن تحتاج اسطوانة نسيت اقولكم حتة البرومة اللى ب50جنية اتكلفت300 جنية وطبعا اترشت العربية ب800 جنية عند واحد معرفةغير سروجى150عشان يركب الكراسى والعفشة الجديدة طلعت الامامية اتكلفت رومان بلى العجل والكاوتش عشان كان فيه تسريب على العجل170جنيةام العفشة الخلفية فاتكلفت 250 على فكرة والله العظيم ما مشيت بيها مشوار كامل لحد دلوقتى بس الاستفادة انى اخدت دورس فالميكانيك والكهربا.تلات شهور عذاب عذاب وف الاخررؤى شكلها مش حتروح المدرسة حتى فمواصلات حتقضيها موتورجل حسبى الله ونعم الوكيل فاللى باع واللى عاين واللى...............؟