السمعة السيئة للواجا وبروتون عماتا فى الخارج !

**fiatmomo** · 11-03-2008 02:48 PM

السلام عليكم

امبارح بليل كنت بشوف تعليقات وتقيم الناس على المواقع الاجنبية للبروتون واجا ... يعنى حاجه عجيبة الصراحة ... حسسونى انها عربيه كارو ... ومنتج فاشل مليان عيوب تصنيعية .. كتير اجمعو ان العربية شكلها بشع وعبارة عن صندوق .. وشكلها وتصميها من الداخل والخارج بيرجع للتمانينات !!!!!!

ومعظم الناس اجمعو ان معظم المشاكل الفنية فى الواجا الاوتوماتك بالذات .. وقالو ان الاوتوماتك بتاعها بيعلق كتير ... وان سحب الواجا ( الاوتوماتك بالذات) بطى جدا جدا جدا و واستجابتة سيئة .
وكانت اكثر التعليقات سلبية عن مراكز الخدمة فى ماليزيا .. وانها فاشلة تماما

موضوع ورا موضوع وتقيم ورا تقيم لقيت نفسى من غير ماحس قعدت اقرأ التعليقات دية لمده 3 ساعات ... وحسيت انى كرهت الواجا و الويرا والجين .. وبروتون و كل ماهو ماليزى .. وفى الاخر كرهت نفسى:d !

انا ركبت الواجا البريميوم قبل كدة ... بجد حسيت انها فخمه جدا جدا جدا و الفرش الجلد يديك احساس ان العربية دية ب 150 الف جنية ... وموتورها ناعمممممم جدا !!! النظام الصوتى .. نقى جدا وصوته ممتاز ؟
غير انى شايف ان تصميمها جامد جدا جدا جدا !
الحقيقه الواجا عجبتنى اكتر بكتييييييييييييييييييييير من الانسر والكورولا و الصنى والاوبترا .............. وحتى الالنترا .

هو انا مجنون ولا اتهيألى ان العربية دية جامدة جدا .. ولا الناس الى بتقول انها عربية اى كلام .. كانو راكبين ميرسيدس قبل مايركبوها ؟ ولا الواجا الى فى مصر غير الى بره:d ؟؟؟ حد يفهمنى

ودخلت على الويرا والجين 2 ... لقيت ان التعليقات اسوأ ؟؟؟؟؟؟؟؟
90 % اجمعو ان بروتون شركة فاشلة .
و10 % اظهرو اعجابهم الشديد بالعربية وبشكلها وانها اعتمادية جدا جدا واعطالها تافهة تتلخص فى مشاكل فى الازاز الكهربا . وفضلوها عن كل منافسيها !

على فكرة مهما سمعت عن الماركة دية ... انا لسة مقتنع انها ممتازه ومنافسة بشكل كبير جدا للماركات الكورية . لانى بشوفها ماشية قدامى .. بحالة اكثر من ممتازه . والناس هنا فى مصر بيشكرو فيها !!

بس انا حابب اسمع رأيكو .. لانى مش شايف اى عيوب فى الواجا .. تصميمها حلو واعتمادية بشكل كبيرة وفخمه جدا من جوه( الخامات الداخلية جيده جدا ) وسعرها مناسب !!! طيب ايه مشكلتها .. ولية الناس مقيماها تقيم سئ

**memo_hefnawy** · 11-03-2008 03:00 PM

عمليا العربية مشاكلها قليلة و بسيطة فعلا

خامتها جميلة مفيش كلام

تقفيل الواجا حلو و ياخد 8.5/10

كون إن تقيماتها بره مش كويسه ده لأسباب كثيره أهمها إن الواجا بتتقارن بره بالأفنسيس !!! فمتوقع تقيمها يكون إيه ؟

أنا فاكر مره توب جير كان بيقارن العربيتين ببعض و شوفتها بنفسى على يو تيوب

مقارنة الواجا بالأفنسيس فى توب جير فى حد ذاته شهاده للواجا و يومها ماتشركتش ولا طلعت 127 بالعكس طلعت عربية كويسه آه الأفنسيس أفضل بس أكيد إنت عارف جيرمى كلاركسون بيعمل إيه فى التقييم بتاعه و بيطلع القطط الفاطسة فى أى عربية

**fiatmomo** · 11-03-2008 03:39 PM

المشاركة الأصلية كتبت بواسطة memo_hefnawy

عمليا العربية مشاكلها قليلة و بسيطة فعلا

خامتها جميلة مفيش كلام

تقفيل الواجا حلو و ياخد 8.5/10

كون إن تقيماتها بره مش كويسه ده لأسباب كثيره أهمها إن الواجا بتتقارن بره بالأفنسيس !!! فمتوقع تقيمها يكون إيه ؟

أنا فاكر مره توب جير كان بيقارن العربيتين ببعض و شوفتها بنفسى على يو تيوب

مقارنة الواجا بالأفنسيس فى توب جير فى حد ذاته شهاده للواجا و يومها ماتشركتش ولا طلعت 127 بالعكس طلعت عربية كويسه آه الأفنسيس أفضل بس أكيد إنت عارف جيرمى كلاركسون بيعمل إيه فى التقييم بتاعه و بيطلع القطط الفاطسة فى أى عربية

:Dجيرمى كلارسون ... بيكره العربيات الكورى والماليزى( بشكل خاص) والفرنساوى و شكلة بيكره نفسه .

انا فعلا شوفت الفيديو الى بيقارنو بين الواجا والافانسيس . من حيث درجه الامان .... فعلا حاجة كويسه انهم قارنوها بعربية زى الافاسيس بس بردة دة فيه ظلم للواجا ... وان كان دة يوضحلنا انها اعلى من الكورولا والانسر على اقل تقدير ... وهما بيقولو انها كأمان سيئة ... انا شايف ان 3 من 5 يعنى فوق المتوسطة !!! وجيدة و انا شوفت اختبار الامان بتاعها , والمقصورة متأثرتش بالصدمه .

**tutankhamoun** · 11-03-2008 03:49 PM

بص ياباشا
التقييمات السيئة أغلبها من ماليزيين
و هما عاملين زينا كدا ......... عقدة الخواجة و أيضا جودة العربيات اللي بتباع في ماليزيا يمكن تكون اقل من اللي بيتصدر بره
و علشان أثبتلك كفائة العربيات البروتون نتكلم عن حاجات كتيرة
أولها إن العربيات البروتون في مصر لسة شغالة و تحس إن العربية ماسكة نفسها ومش تعبانة زي عربيات تانية و مفيش داعي لذكر اسامي عربيات
الحاجة التانية
شرطة لندن تستخدم بروتون و الواجا في مكافحة الجريمة في المدينة العريقة

........... و على فكرة البروتون دي احسن من ماركات كتيرة موجودة في السوق و الكلام ده هايبان في المستقبل القريب

**memo_hefnawy** · 11-03-2008 04:05 PM

هاقولك لما تقارن عربية سعرها 160 ألف بعربية سعرها 110 ألف و تقول إن إللى ب 115 مش وحشة بس مش ممتازة فده المتوقع و الطبيعى (مع العلم إنه لما قارن الأفنسيس و الواجا) قارن مواتير مش بتنزل هنا أصلا و كماليات كمان مش هنا

و عشان الكلام يكون واضح الوضع مختلف عن العربيات الصينى تماما عشان محدش يقول طب إيه الفرق ما إحنا بنقول كده فى الإسبرانزا مثلا و إنتم مش عاجبكم الكلام

بالنسبة للتقيمات فى ماليزيا فعلا عربيات التصدير عندهم غير الإنتاج المحلى وهمه معترفيين بده

بالنسبة للإعتمادية و الأداء - أعلى إعتمادية فى العالم يابانى مش ألمانى ولا فرنسى ولا إنجليزى ولا أمريكى

لكن لو إتكلمنا على بروتون فهى شركة ناشئة و ما وصلت له يعتبر إنجاز أكثر من جيد

الويرا كسيارة إقتصادية أكثر من ممتازة لما نقارنها بالفيرنا أو اللانوس كأداء و قوة فهى تتفوق عليهم بالكثير و عن تجربة لكن ينقصها الدعم من الوكيل فى السوق وده عصره راح لأنها خلصت معدتش بتنتج

الجين 2 بتتباع بره بنفس سعر المازدا 3 و بتتقارن بيها و هنا هى أرخص منها برقم كبير وده يحسب للوكيل إنه راعى فرق الخامات و الجوده و الإسم

**SEATLOVER** · 11-03-2008 04:11 PM

خد بالك يا فيات ان معظم السيتات اللى فيها التقييمات دى (spams)
و الناس دى ملهومش وجود اصلاً ولا عمرهم شافوا العربيات دى و كلها كلام مدفوع من شركات تسويق تانية .
و الدليل على كدة لو دخلت حتى على الجاكور هتلاقى بيقولولك دى غير صالحة لللآستهلاك الادمى

**CryptonX** · 11-03-2008 04:45 PM

اه ...

للي بيقول ان دي حاجة كويسة انهم يقارنوا الافنسيس بالواجا

ده لا في صالح الواجا و لا الافنسيس .

دول سيارتين في نفس الحجم و الفئة علشان كدة بيتقارنوا

و سبب الوحيد لمقارنة TOPGEAR هو ان يوضح الفرق بين سيارة واخدة 3 نجوم في التصادم ( الواجا )
و 5 نجوم ( الافنسيس ) .

lانا مش ضد الواجا . و هي سيارة كويسة جدا بالنسبة لتنمها
بس في فرق شاسع في التقفيل بين كل سيارات بروتون و خاصة الويرا ( انا معايا زميل عمري معاه ويرا 1300 2004 - التابلوه بقى لعبة دلوقتي .. كل حاجة بتقع لوحدها ) .

بروتون بتلعب علي فارق السعر - و الكماليات زي السيارات الصيني
( طبعا افضل منها بمراحل ) .
بمعنى في اختبار للواجا كان مسمي عنوانه :
" سيارة عائلية تكفي 5 اشخاص بسعر سيارة سوبر ميني "
و هو ده هدف بروتون .

لو كانت الجين 2 بتمن الانسر او السيفيك .. مكانتش حتبيع نهائي
بس برده هي سيارة " Value for Money " و انا شايفها من افضل السيارات " سعريا " في فئتها .

**fiatmomo** · 11-03-2008 05:12 PM

المشاركة الأصلية كتبت بواسطة SEATLOVER

خد بالك يا فيات ان معظم السيتات اللى فيها التقييمات دى (spams)
و الناس دى ملهومش وجود اصلاً ولا عمرهم شافوا العربيات دى و كلها كلام مدفوع من شركات تسويق تانية .
و الدليل على كدة لو دخلت حتى على الجاكور هتلاقى بيقولولك دى غير صالحة لللآستهلاك الادمى

انتا قولت الكلام الى انا فكرت فية ... ( نظرية المؤامره

) ...فعلا الكلام الى مكتوب تحس انه غير منطقى تماما .. وكأنة بيتقال على توك توك مثلا , العربيه لما قعدت فيها .. وحسيت انها محترما جدا ومريحة جدا جدا ...عكس الى الناس بتتكلم فيه . زراير بتقع .. صوت موتور مزعج !! , شكل قبيح وقديم وغير انسيابى !!!!!!!!!!!!!!!!!!!!!!! اية دة بجد كلام مش منطقى ... او بمعنى اصح تحس انه مبالغ فية ...

----------------------------------------------------------------------

المشاركة الأصلية كتبت بواسطة memo_hefnawy

و عشان الكلام يكون واضح الوضع مختلف عن العربيات الصينى تماما عشان محدش يقول طب إيه الفرق ما إحنا بنقول كده فى الإسبرانزا مثلا و إنتم مش عاجبكم الكلام

انا قريت كلام غريب عن الاسبرانزا ... واحد كان عنده التكيف مش قوى ... قامو شايلين وحده التسخين ( الهيتر ) !!!!!!!!!!!!!!!:D دية مهزلة وكفاية انها اغلى من تمنها بكتير

لكن البروتون .. محدش سمع عنها فى مصر اى مشاكل من ناحية الميكانيكا والحمد لله .. معظم العيوب الى سمعتها كانت بخصوص الازاز انة بيعلق و المساعدين ( والتوكيل بيغيرها فى الضمان )... لكن ودية مش عيوب جوهرية ... وبتحصل حتى فى العربيات اليابانى والالمانى

حتى احنا هنا فى مصر مش بنهاجم الاسبرانزا .. بنفس الطريقة الى المالزين( خصوصا ) والناس بره عموما بيهاجمو فيها بروتون !!!!!!!!! بجد دول بيقدو على سمعة الشركة .. وبشكل فى منتهى الغرابه .. يعنى ده المفروض انتاج بلدهم المفروض انهم يفتخرو بيه .. انة وصل للعالمية .. و حتى على الاقل مايسئوش سمعته بالشكل دة !!!!!!!!!!!!!!!!!!

----------------------------------

المشاركة الأصلية كتبت بواسطة tutankhamoun

بص ياباشا
التقييمات السيئة أغلبها من ماليزيين
و هما عاملين زينا كدا ......... عقدة الخواجة و أيضا جودة العربيات اللي بتباع في ماليزيا يمكن تكون اقل من اللي بيتصدر بره
و علشان أثبتلك كفائة العربيات البروتون نتكلم عن حاجات كتيرة
أولها إن العربيات البروتون في مصر لسة شغالة و تحس إن العربية ماسكة نفسها ومش تعبانة زي عربيات تانية و مفيش داعي لذكر اسامي عربيات
الحاجة التانية
شرطة لندن تستخدم بروتون و الواجا في مكافحة الجريمة في المدينة العريقة

........... و على فكرة البروتون دي احسن من ماركات كتيرة موجودة في السوق و الكلام ده هايبان في المستقبل القريب

فعلا انا لاحظت ان اكتر ناس بتشتكى من العربية هوا المالزين نفسهم ... وتحس انهم بيتجنو على العربية بشكل غرييييييييييييب واكتر حاجة بيشتكو منها مراكز الخدمه . ودايما تلاقيهم بيقولو ( حوش شوية فلوس وهات عربية يابانى احسن ) .... بس فى نفس الوقت انا شوفت مجموعه ماليزين ..( مالكين للواجا ) بيفتخرو جدا بالعربية وبيعملو لقائات دورية ومبسوطين جدا من العربية !!! فى تناقد غريب مابين الموقفين ؟

" ........... و على فكرة البروتون دي احسن من ماركات كتيرة موجودة في السوق و الكلام ده هايبان في المستقبل القريب "
+100000000000000 متفق مع حضرتك

**fiatmomo** · 11-03-2008 05:26 PM

المشاركة الأصلية كتبت بواسطة CryptonX

lانا مش ضد الواجا . و هي سيارة كويسة جدا بالنسبة لتنمها
بس في فرق شاسع في التقفيل بين كل سيارات بروتون و خاصة الويرا ( انا معايا زميل عمري معاه ويرا 1300 2004 - التابلوه بقى لعبة دلوقتي .. كل حاجة بتقع لوحدها ) .

بروت .

واحد صاحبى معاه بروتون ويرا 2005 .. بيتعامل معاها وكأنها BMW حرق وغرز وهبل .. وبيحك بيها فى المطبات والعربية ديولتى ماشية تقريبا 70 الف كيلو او اكتر .. وعمل بيها حادثة مروعة ... والتابلوه مفكش ولا كل حاجة بتقع ولا اى حاجة من دية ... لكن هو طلع غبى بعد معمل الحادثة صلحها برة .. فمرجعتش زى الاول ...بس وان كان لسة بتجرى و لما تركب فيها تحس انها ماسكة نفسها .. والحقيقة انا شايف انها احسن من الانوس مثلا على الاقل فى حتة المساحة الداخلية والصالون والثبات والتكيف ( عن تجربة مابين الاتنين )

-

الموضوع: السمعة السيئة للواجا وبروتون عماتا فى الخارج !

LinkBack

أدوات الموضوع

عرض

السمعة السيئة للواجا وبروتون عماتا فى الخارج ! - انشر الموضوع فى :

-

-

-

-

-

-

المواضيع المتشابهه

عربية سيئة السمعة

الوكلاء و مراكز صيانة سيئة السمعة

إستطلاع : عربيات سيئة السمعة

هل سيارات الاسكودا عماتا موفره في الينزين؟

الكلمات الدلالية لهذا الموضوع

المفضلات

المفضلات

ضوابط المشاركة