الف مبروك على العربية ربنا يبارك فيهاويحميكم من شرها
عرض للطباعة
الف مبروك على العربية ربنا يبارك فيهاويحميكم من شرها
مبروووووووووك على المدام ال 127 و يا رب يرزقها بها كل الخير :)
بصراحة العربية ليها ظروف خاصة شوية
انا اشتريتها من جاري اللي في الشقة اللي جنبي علطول وهو ايضا صديق انتيخ ... عشان كدة انا ما مدقتش معاه اوي في السعر لأني عارف حالة العربية وتاريخها كويس وبعدين مافيش فرق بيني وبينه .. يعني الفرق ممكن يكون عزومة عند بحة بتاع السيدة مثلا :D
العربية 1985 دواخل فابريكة ومن برة مش كلها مرشوش يعني الشنطة والسقف والكبوت فابريكة
وهو الشهر اللي فات راح سمكرها بالكامل ورش الحاجات اللي عاوزة رش ونجدها من جوة وظبط السقف عند السروجي والفوانيس وبقت زي الفل
خدتها منه 19500 وانا عملت حساب اني خدت العربية من غير دوشة وبحث ونزول السوق وحد يكشف علي العربية والموال اللي مالوش لزمة ده
ربنا يباركلكم فيها و يرزقكم بخيرها و يبعد عنكم شرها
آسف يا جماعة يظهر الموضوع طلع فشنك
جاري وصديقي الانتيخ رجع في كلامة بعد يومين من استلام العربية
هو كان ح يسيب لزوجته عربية شاهين عنده بدل ال 127 اللي انا خدتها
زوجته ماعرفتش تسوق الشاهين بقالها يومين بتحاول مش عارفة وبتقول انها عاملة زي التايتانيك ومش قادرة تسيطر عليها لأنها كبيرة اوي وكل حاجة فيها ناعمة اكتر من اللازم ( دي الشاهين !!!!!)
والراجل كلمني من شوية وح ارجعله العربية بكرة وهو بيحاول يشوفلي واحدة تانية عشان ما يبقاش شكله وحش معايا ( واحدة تانية عربية يعني .. مش زوجة ) بس عموما انا الكسبان
علي الاقل اتكلمت معاكم شوية ...واديت وزجتي 3 حصص سواقة
ومين عارف يمكن ربنا مقدرلي حاج احسن منها
لو حد قدامه 128 او 127 يقوللي
لسه داخل اقول مبروك يا احمد باشا
معلش كله مقدر ونصيب وان شاء الله تلاقي احسن
عربية مش حاجة تانية
ها ها ها
المنتدي مراقب يا جماعة
حصل خير يا استاذ احمد وباذن الله حتلاقي افضل منها واقل من 19000 بكتيرر
بس دور علي مهلك
كله خير بإذن الله و الحاجات دي كلها نصيب و رزق.. عموما انا صحبتي بتبيع ال 127 بتاعتها، هاشوف كده ايه النظام و ارجع لك تاني ان شاء الله.