هاشم رفض يركب التيل للاسبيرو يا men's

**drmomoking** · 05-09-2010 11:27 AM

امبارح روحت بعد الشغل عند هاشم على الساعة 4 كدة عشان انا شغلى فى الجيزة ومش بلحق اوصل للميكانيكى بتاعى قبل الفطار ( ربنا يخليك ليا يا فهد ياللى الواحد متبهدل من غيرك بس هانت رمضان قرب يخلص و هتظبط) المهم روحت لقيتو واقف فى الشارع كدة ودى كانت اول حاجة يعنى مفيش ورشة قلت يا واد مش مشكلة دة تيل يعنى مش حكاية المهم بقولو عاوز اغير تيل قدام بصلى كدة و قالى العربية اية قولتلو دايو اسبيرو وياللهول كانى شتمتو بالضبط قالى معلش ياهندسة انا اسف قولتلو اسف على اية قالى مش بشتغل فيها قولتلو ياسيدى دة تيل يعنى مش اختراع قالى اسف العربية دى انتا عارفها اكتر منى ما انت راكبها قولتلو مالها يا سيدى ما هى زى الفل ورفض تماما يشتغل فيها كانها بعبع و لاول مرة احس كانى راكب عربية من الفضاء مثلا

المهم خدت بعضى وقلت يمكن الحق فهد رحت لقيتو قفل المهم انا الفرامل كانت مش مريحانى خالص و بتصفر ومش بتمسك كويس وانا كنت صابر عليها بس خفت منها ما تسعفنيش فى مرة ولا حاجة قولت اعملها فى اى حتة وخلاص لقيت ميانيكى جنب بيتى قولت اسئلة يمكن مايرضاش هوا كمان الراجل فك فردة تيل عشان نجيب زيها واللى ركب التيل الصبى اللى عندة 15 سنة و عمل اللى هاشم ما رضيش يعملو مش عارف لية مع العلم ان الماستر شبة النوبيرا و ركبت تيل النوبيرا و الاوبترا يعنى مش اختراع

الخلاصة ربنا يخليلى فهد وما يحوجنيش لميكانيكى تانى يبهدلنى وما يرضاش يشتغل فى العربية امال لو كانت حاجة كبيرة مش تيل كان عمل فيا اية يلا الواحد مش بيتعلم بالساهل

**haimaN** · 05-09-2010 11:39 AM

بدون تعليق !!!!
بس انت تقيمك لطريقة كلامه اى الطريقة العامة ؟

**محمد الشامي** · 05-09-2010 11:47 AM

الحمد لله انها جت على اد كده :-)

امبارح لما كلمته لاني كنت ناوي اروحله انا كمان , فكان من ضمن اسئلته الكتيره والرخمه كان نوع العربيه , وهو قالى (هي لانوس ولا نوبيرا ؟؟) كنت عايز اقوله طيب لو ليجانزا مثلا مش هتشتغل فيها !!! شكله واخد اللانوس والنوبيرا هوايه والله اعلم

عالعموم انت ليك نصيب تتعرف على ميكانيكي تاني قريب منك :-) وان شاء الله انا قريب رايح للمهندس فهد و بعد اذنك اقوله اني من طرفك :-)

وياريت لو حضرتك تقولي مواعيده في رمضان لاني عايز اروحله قبل العيد

**drmomoking** · 05-09-2010 11:57 AM

المشاركة الأصلية كتبت بواسطة محمد الشامي

الحمد لله انها جت على اد كده :-)

امبارح لما كلمته لاني كنت ناوي اروحله انا كمان , فكان من ضمن اسئلته الكتيره والرخمه كان نوع العربيه , وهو قالى (هي لانوس ولا نوبيرا ؟؟) كنت عايز اقوله طيب لو ليجانزا مثلا مش هتشتغل فيها !!! شكله واخد اللانوس والنوبيرا هوايه والله اعلم

عالعموم انت ليك نصيب تتعرف على ميكانيكي تاني قريب منك :-) وان شاء الله انا قريب رايح للمهندس فهد و بعد اذنك اقوله اني من طرفك :-)

وياريت لو حضرتك تقولي مواعيده في رمضان لاني عايز اروحله قبل العيد

هوا انا فى العادى مستحيل اسلم عربيتى غير لفهد بس دة تيل يعنى مش اختراع دا انا مش بغير زيت فى البنزينة بغيرة عند فهد

اما بالنسبة لمواعيدة فى رمضان فانا للاسف مش عارفها لانى مش عارف اقفشو من اول رمضان عشان مواعيد شغلى ودة اللى خلانى افكر اغير التييل برة لانة كان خلاص على الاخر
بس دة تليفون م/فهد نفسة 0100205205

ودة تليفون مصطفى اسطى الورشة الكبير 0106250185

وانا افضل تكلم مصطفى لان فهد مش دايما بيكون فى الورشة و اكيد طبعا قولو انك من طرفى دة شئ يشرفنى ويا ريت تبقى لما تروحلو تحكى تجاربك معاة

**hima012** · 05-09-2010 12:00 PM

انا شايف انو راجل محترم وعارف قدر نغسة والى عملوا الصح يعني كونت حتبقى مبسوط لو فك التيل ومعرفش يركبوا

**drmomoking** · 05-09-2010 12:00 PM

المشاركة الأصلية كتبت بواسطة haimaN

بدون تعليق !!!!
بس انت تقيمك لطريقة كلامه اى الطريقة العامة ؟

و الله هوا استفذنى جدا بس محاولتش ارخم علية لان فى ناس كتير بتخاف تشتغل فى الاسبيرو بس مش كدة و مش فى تيل بس مش مهم اهو الواحد عرف قيمة فهد برضة

دة حالى من غيرك يا فهد يا مريحنى يا مظبط عربيتى

**محمد الشامي** · 05-09-2010 12:03 PM

المشاركة الأصلية كتبت بواسطة drmomoking

اما بالنسبة لمواعيدة فى رمضان فانا للاسف مش عارفها لانى مش عارف اقفشو من اول رمضان عشان مواعيد شغلى ودة اللى خلانى افكر اغير التييل برة لانة كان خلاص على الاخر
بس دة تليفون م/فهد نفسة 0100205205
ودة تليفون مصطفى اسطى الورشة الكبير 0106250185
وانا افضل تكلم مصطفى لان فهد مش دايما بيكون فى الورشة و اكيد طبعا قولو انك من طرفى دة شئ يشرفنى ويا ريت تبقى لما تروحلو تحكى تجاربك معاة

ربنا يباركلك يا دكتور وان شاء الله لما اروحله هحكي تفاصيل الزياره كالعاده :-) متشكر لتعاون حضرتك :-)

**drmomoking** · 05-09-2010 12:06 PM

المشاركة الأصلية كتبت بواسطة hima012

انا شايف انو راجل محترم وعارف قدر نغسة والى عملوا الصح يعني كونت حتبقى مبسوط لو فك التيل ومعرفش يركبوا

انا معاك مليون فى المية انما الاسلوب هوا المشكلة وبعدين بقول لحضرتك صبى ميكانيكى عندة ما يزيدش عن 15 سنة فك و ركب و كلو تمام يعنى لو هوا خايف يفك تيل من عربية ايا كان نوعها و ما يعرفش يركبو تبقى مصيبة وتعيبو فى صنعتة امال لو قولتلوا فك الموتور كان عمل فيا اية

**MMIsmail** · 05-09-2010 12:07 PM

طب عنوان م/فهد فين ياجماعة

**drmomoking** · 05-09-2010 12:08 PM

المشاركة الأصلية كتبت بواسطة محمد الشامي

ربنا يباركلك يا دكتور وان شاء الله لما اروحله هحكي تفاصيل الزياره كالعاده :-) متشكر لتعاون حضرتك :-)

العفو يا فندم دى اقل حاجة دا انتا هارى نفسك فى القسم طول النهار الاقى ناس تسال سؤال وانتا وراهم بالرد على طول زى ما تكون شايفهم و هما بيكتبوا
ربنا يبارك لحضرتك و بانتظار تقريرك