-
مشروع تعديل بيتلز 1303
الحمد لله ربنا وفقنى وجبت بيتل زاى منا عاوز
الحاله رايحه النار... والعربيه عايزه كل حاجه :120146b
طبعا دى الحاله اللى كنت عايزها لانى ناوى اشد واعدل من البدايه
الخطوات اللى تم تنفيذها حتى الان :Ta_clap[1]:
1- تم عمل السمكره بالكامل وتعديل الفوانيس الخلفيه وتركيب شبوره اماميه وهوايه فى المرايه الاماميه وعمل شفه للرفارف علشان الكوتش لو عريض
2- العربيه جت على الصاج تحضيرا للبويه
3-علبه دريكسيون جديده وعفشه طويله
4- تم طلب طنابير سكاكيين امامى وخلفى empi من بره
5- تم تغيير طلمبه بنزين لطلمبه كهرباء empi مع المنظم لضغط البنزين
وربنا معانا فى الباقى ... :ask:
-
تابع تعديل
تم تركيب حساس ضغط الزيت والحراره
تم تعديل الات الدفع لاداء عالى ( high performance )
ممكن متابع الخطوات بالصور
my car | Facebook
دعواتكم معايا... :ask:
-
ربنا يوفقك,
بس انا عن نفسى بفضل العربية استاندر بدون تعديلات جذرية يعنى اخرى جنوط اوى,
العربية دى فعلا شكلها الاصلى تحفة
يعنى حاول متعدلش او فيها
شكرا............................
-
انا بحب الشكل الاصلى للعربيه انما انا عامل ابجريد لبعض الاجزاء وبرده للاداء
-
جامد جدا الكلام ده
برنس والله
-
الف مبروك على التعديلات
بس ليا كام سؤال
طلمبة البنزين الكهربا بكام ومنين و اتركبت ازاى لان عندى الطلمبة ضعفت وكنت بفكر في التعديل ده
انتا ركبت حساس ضغط الزيت والحرارة ازاى لانى عندى العداد والحساسات
بالنسبة لتعديل الطنابير لسكاكين التكلفة كام
ربنا يبارك لك وتبقى احسن ما انتا عايزها
--------------------
محمد سالم
-
ربنا هيكرمك ان شاء الله طالما حاجه انت حاببها يبئا اكيد هتبئا جميلة انا كنت عايز اعمل زيك كده اشترى واحده واشدها من اول بس خفت تصرف جادمد والظروف مساعدتنيش وقتها (بس لسه الحلم موجود)
ربنا يوفقك بس متنسنيش لما تخلص ان شاء الله تدينى لفة واللعب فى الكلاكس اعوعاااااااااااااا
-
انا طبعا لفيت على الطلمبه ومالقيتش وكل ما اسال احس انى بقول للناس كلام من الفضاء انما الطلمبه انتاج شركه empi وبتركب على كهربه الكونتكت وبتحضر بنزين على طول وبتضغط حوالى 2-4 جالون فى الدقيقه وبتركب فى اى مكان انا مركبها فى الجنب على التوربيتو وجايب معاها منظم ضغط علشان ميبقاش الحمل على الكربيراتير
-
اما حساس ضغط الزيت فانا جبت العدادات اللى بتركب فى القايم طبعا عارفها
الحساس بتاعها نفس السن ومقاس ساعه الزيت بس انتى روح للاى خراط بيعمل جلب نحاس للعربيات وقوله عايز مشترك وخد معاك الحساس وساعه زيت وهو حيعمله وبيتكلف فى حدود 30 جنيه
حساس الحراره انا ركبته فى طبه الزيت الحساس صغير وانا جبت مسمار طبه جديد ورحت للخراط خليته يقلوظ قلب المسمار وربط الحساس فيه
-
على فكره انا برفع صور الحاجات اللى انا جايبها فى اللينك اللى فى الموضوع وممكن تتابع
Content Relevant URLs by
vBSEO 3.6.0 PL2