الكبالين الاصلي ولا الصيني؟

**ArafatEHegazy** · 05-09-2010 12:48 PM

السلام عليكم

أنا عربيتي سكودا كومبي 96. ابتديت اسمع صوت طقطقة في الملفات من الناحية اليمين... يعني هحتاج أغير كبالين.
عندي شوية أسئلة لخبراء السكودا:
1. هل لو مشيت على الكبالين الموجودة شوية ممكن تحصل مشاكل أكبر أو حاجه تانيه تبوظ؟ هي بقالها اسبوعين والطقطقة بتحصل في الملفات بس وانا دايس بنزين.
2. أنا روحت وسألت على الاسعار لاقتي الاصلي ب 225 جنية للجنب الواحد ولاقيت صيني ب 75 للجنب الواحد وعليه ضمان سنه. هل في حد جرب الصيني وتنصحوني بإية لأن الفرق في السعر كبير وموضوع الضمان دا مغري. يعني أغير جنبين بإقل من تمن جنب واحد. ولا الواحد يخليه في المضمون و يشتري الغالي. أنا كنت مغيرهم قبل كده أصلي من 4 سنين تقريبا. يعني لو الصيني هيقعدج سنتين يبقي كويس.
3. هل لازم اغير الجنبين مع بعض ولا الجنب اللي فيه الطقطقة بس؟

**caysersosaih** · 05-09-2010 03:38 PM

الجنبين يتغيروا والأصلي بس
دي كبالن ممكن توقفلك عربيتك في أحلك الأماكن

**HotRide** · 06-09-2010 06:45 AM

انا كان عندي نفس الحوار كان لازم اغير كبالن ضروري كان جوز اصلي 350 و صيني ب 120 !!!
و مكنش معايا فلوس فأضطريت اجبهم و خلاص و كمان ايستيراد كانو ب 100 فقولت اكيد صيني ارحم من المستعمل

و الحمد لله انا مركبهم من حوالي 7 شهور و تمام والله و كمان انا بستهلك استهلاك شاق جدا و مسافات و جري ولسه مفتحوش بقهم بتقه وحده
كمان لو دول يعني اخرهم سنه و نص كده ايه يعني دول تمنهم تلت تمن الاصلي و الاصلي معتقدش هيقعد اكتر من 3 سنين

وكمان متخفش كبالن مبتفركش مره وحده هتقتق شويه كده و بعدين تفرك في عامه لو كبالن صيني مش صيني اتعود اول ما تسمع تقتقه تغيرهم علي طوول

لو وقفت منك في مكان بعيد يا هتجيب حد يقطرق يا جيب ونش تدفع تمن الكبالن في نقله ديه و بهدله و عطله...فغيرهم علي طول بقي

و بالتوفيق ان شاء الله

**ArafatEHegazy** · 06-09-2010 03:07 PM

المشاركة الأصلية كتبت بواسطة hotride

انا كان عندي نفس الحوار كان لازم اغير كبالن ضروري كان جوز اصلي 350 و صيني ب 120 !!!
و مكنش معايا فلوس فأضطريت اجبهم و خلاص و كمان ايستيراد كانو ب 100 فقولت اكيد صيني ارحم من المستعمل

و الحمد لله انا مركبهم من حوالي 7 شهور و تمام والله و كمان انا بستهلك استهلاك شاق جدا و مسافات و جري ولسه مفتحوش بقهم بتقه وحده
كمان لو دول يعني اخرهم سنه و نص كده ايه يعني دول تمنهم تلت تمن الاصلي و الاصلي معتقدش هيقعد اكتر من 3 سنين

وكمان متخفش كبالن مبتفركش مره وحده هتقتق شويه كده و بعدين تفرك في عامه لو كبالن صيني مش صيني اتعود اول ما تسمع تقتقه تغيرهم علي طوول

لو وقفت منك في مكان بعيد يا هتجيب حد يقطرق يا جيب ونش تدفع تمن الكبالن في نقله ديه و بهدله و عطله...فغيرهم علي طول بقي

و بالتوفيق ان شاء الله

طب كويس والله .... شجعتني
هو الصيني اللي انت جبتة دا كان بضمان ... وفي نوع أو ماركة معينة؟

**m_mekkawy** · 07-09-2010 09:22 PM

والله ياجماعه اما كنت فى مصر ركبت كبالن للـ128 صينى والكلام ده من حوالى 6 سنين اول ما نزلوا للـ28 وبعت العربيه قبل ماجى هنا لواحد معرفه قابلته فى اخر اجازه كانوا لسه فى العربيه وشسغلين لحد الوقت انا نفسى مش عارف ازاى
انا رايى فى الصينى بالذات انت وحظك !!!!!!!!!!!!!!

**HotRide** · 08-09-2010 12:27 AM

المشاركة الأصلية كتبت بواسطة arafatehegazy

طب كويس والله .... شجعتني
هو الصيني اللي انت جبتة دا كان بضمان ... وفي نوع أو ماركة معينة؟

لاء لا بضمان ولا حاجه وكمان بتاع قطع الغيار مبتعماش الا عندو و هو قالي علي ضمنتي و الحمد لله و زي ما قولتلك كده جلاب و ان شاء الله خير
و علي فكره مش كل صيني وحش و صيني ده درجات علي فكره و في صيني درجه اولي ده كويس قوي زي نوكيا الاصلي المعمول في صين و سمسونج و سوني بلاسما معمول في صين و تمام فاهمني

**adelmof40** · 08-09-2010 12:42 AM

الصيني طالما من تاجر تثق فيه يبقي كويس
والصيني درجات فيه منه نمره واحد ومنه نمرة عشرة
المهم امانه التاجر وشوارعنا في مصر تخلص علي ايه حاجة
حتي لو كانت واخدة الايزو العالمية