noooooooooooooooooooooooooooooooo
noooooooooooooooooooooooooooooooo
الاسبوع اللى فات مارضيتش ابدا اخد الساعة اللى فى العرض فى توكيل سواتش فى سيتى ستارز , الراجل بتاع المحل قعد يبصلى شزرا و بستفسر ايه عيب اللى فى العرض؟!! , طالما فيه غيرها ما اخدش اى حاجة فى العرض.
طبعا اواااااااااااااااااااافق
و هو ده اللي حصل معايا بالظبط
اتصلوا بي قالوللي تعالي استلام العربية
روحت لايت العربية اللي في العرض
اللي شوفتها و انا بحجز قبلها من 3 اسابيع
و خدتها ( اعمل اه قالولي مش هو ده طلبك و باللون اللي انت عاوزه )
و كمان و لو استني (بقي بعد شهر )
له يعني
بس حقيقي العربية كانت كويسة و ماحستش انها كانت في العرض ( جو المعرض و التكيف شغاااااااال) يعني احسن من المخزن
يعني من الاخر
التوكيل طالما محافظ علي العربية
دوووووووووس و اشتري
طبعا لأ
وبالمناسبة قبل ما أشتري الباسات كنت حاجيب سيفيك VTi
وكنت معجب جدا بللون النبيتي و كانت هي المعروضة في التجمع الخامس
وعلشان كنت مقلق انهم يدوني العربية اللي في المعرض رحت واخد رقم الشاسية اللي في القايم باصوره
وبعدين وانا باختار اللون مع مندوب كونتاكت قاللي " حظك حلو مافيش غير عربية واحدة نبيتي VTI موجوه في التجمع"
طبعا البية كان فاكرني تلميذ
المهم انا روحت مطلع رقم الشاسية اللي كنت مصوره و قلتله انا مش حاخد العربية اللي في المعرض و انا معايا رقم الشاسية
راح مكلم الراجل بتاع المبيعات و انا سامعه في التليفون بيقوله" العميل معاه رقم شاسية العربية اللي في التجمع و مش عايزها ...عندك حاجة تانية؟"
وبقدرة قادر ظهرت عربية تانية ممكن اخدها!!!
خلاصة الكلام
الواحد في بلد زي مصر بياخد على قد ما هو عارف
وحسبي الله ونعم الوكيل
عربيتى لما استلمتها كانت هى المعروضه .. و اساسا ساعتها لانعدام الخبره تقريبا استلمتها بدون استغراب .. و الحمد لله بقالها سنتين مفيش مشاكل
بس اعتقد حاليا لن اوافق
انا اشتريت فيرنا اللي في المعرض مع اني كنت حاجز اسبرانزا السنه اللي فاتت ولما العربيه الاسبرانزا اتأخرت اكتر من 3اسابيع وهما كل يوم بكره بعده وفي مره الراجل قالي طب ما تاخد الفيرنا دي وكانت واقفه من يوم ما رحت المعرض من اكتر من شهر وكمان كان فيها خربوش بطول الرفرف الخلفي كله غيرت الموديل واخدت العربيه والمفتاح والفاتوره وموديل 2010 وكنا ساعتها في 5 / 2009 وارخص 6 الاف جنيه من سعرها واخدتها قعدت معايا 7 شهور وبعتها بخساره الفين جنيه
(لأنها كدا ارخص من الزيرو 8 الاف وكانت ماشيه 5000 كم بس )
عربيتي اخدها بسلوفانها باستيكراتها بريحة الفابريكة بترابها اللي جايه بيه كمان من غير ما تتلمع
اينعم في تويوتا مارضيوش اخرج من غير ما تتظبط لاني اشتريتها من تويوتا العباسية وكانت واقفة في العرض
بس كانت مقفولة وكانت لسه واصلة وكانت اخر دفعة في الشكل ده قبل ماينزل الشكل الجديد
ولوو كنت لقيت جواها اثر لانها اتركبت ماكنتش خدتها حتى لو كانت اخر واحدة وحتى لو كان عليها تخفيض 10 الالاف جنيه
معلش بحبها virgin :-)
كنت مع صاحبي بنشتري لوجان من المصريه كنا عايزين الللون الفيراني
المندوب عرض علينا اللي موجوده في العرض قولتله لأ
العربيه واخده خرابيش في الاكصدام غير كده شبعت لعب في كل حته فيه من هنا لهنا خدنا عربيه لونها فضي لسه جايه وكان افراجها لسه جاي معاها في نفس اليوم