رخصت عربيتي هتنتهي 12/9/2010 وعليها حظر بيع
السؤال : هل المرور بيعطين شهر سماح بعد انتهاء الرخصه عشان علي الرخصه عليها حظر بيع للبنك ولا لأ؟
عرض للطباعة
رخصت عربيتي هتنتهي 12/9/2010 وعليها حظر بيع
السؤال : هل المرور بيعطين شهر سماح بعد انتهاء الرخصه عشان علي الرخصه عليها حظر بيع للبنك ولا لأ؟
انتا مغلب نفسك لية ؟؟
اتبع التعليمات اللي هاقولهالك
1- روح للبنك ولازم تخرج جواب بقبول البنك تجديد الرخصة سنة ( مش 3 طبعا )
2-بالجواب دة تقدر تجدد والعربية عليها حظر بيع سنة وتشتري تأمين سنة وباقي الملفات
زممكن تروحلهم يوم السبت وتكون الخميس اللي قبلة مخرج جواب البنك
3-بالنسبة للمهلة (( البنك هوا اللي ها يقرر وبالتحديد خدمة العملاء ))
4-غير كده مش ها ترخص اصلا وهيتريقوا عليك في المرور وهاتاخد يوم عزاب (( كالمعتاد ))
ايوة بتاخد شهر السماح عادي ... متقلقش
بس اللى اعرفه ان شهر السماح ده لو العربية فيها اصلاحات او عند السمكرى مثلا او لعدم تواجد صاحبها.ولكن مينفعش يمشى بيها منتهية الرخصة؟
انا بشتغل فى بنك و عاوز اقوللك انك لازم تكون مسدد كل الاقساط عن الفترة السابقه عشان يرضوا يدولك الجواب ده ... يعنى مثلا لو انت عليك قسط او (غرامة تأخير مثلا ) او ضريبة بنك مركزى على التسهيلات الائتمانيه حتى تارخ اصدار الجواب مش هتاخد جواب الترخيص ولا بالطبل البلدى ....