انا المفروض اعمل صيانة ال 5000 فى الكام يوم الجاين بس عندى استفسار بقه ايه الدنيا يعنى بكام بقه وكده يعنى علشان ابقه عامل حسابى وان شاء الله بعدها هكتبلكو هنا تقرير بقه على العربيه عموما بعد 5000 كيلو الحمد لله فى شهرين
عرض للطباعة
انا المفروض اعمل صيانة ال 5000 فى الكام يوم الجاين بس عندى استفسار بقه ايه الدنيا يعنى بكام بقه وكده يعنى علشان ابقه عامل حسابى وان شاء الله بعدها هكتبلكو هنا تقرير بقه على العربيه عموما بعد 5000 كيلو الحمد لله فى شهرين
أنا دفعت ساعتها 300 بس كنت مغير زيت موبيل 5.000 وفلتر , لو مش هتغير زيت مش هتعدي ال 150 مثلا .
لو هتغير زيت 10000 كم هتتلف حوالي 400 ل 450 مش فاكر الرقم بالظبط
اولا ازيك يا عم مكوك
طب على الاقل عرفنا بيك و نقولك مبروك على اول 5000
ثانيا افتح الموضوع ده فيه كل حاجه عن الصيانات
http://www.nilemotors.net/Nile/65363-a.html
ثالثا بعد ماتخلص صيانة ال 5000 ابقى غير زيت و فلتر بره
هاتفرق معاك حوالى 30 جنيه فرق ضريبه
الصيانة ده ب 75 جنية + 10 اسبريهات يعني 85 جنيه + الضريبة
الزيت لو موبيل1 ب 250 + 48 فلتر+38 تغيير زيت + الضريبة
ممكن تشتري الفلتر من عندهم و متعملش صيانة ال 5000 انا شخصيا ماشي 2000 كم ومش حعملها
حشتري من عندهم الفلتر وحغيره برا و حروح علي صيانة ال 10000
الصيانه كلفتنى 300 جنيه تقريبا يمكن ازيد شويه بس مش فاكر كم بالضبط بس عايز اوضحلك نقطه....لو هتغير زيت 5000 يبقى تفضل ماشى على نفس الزيت مش تغير مره 5000 ومره 10000 علشان ده غلط على المحرك
تحياتى
أنا غيرت في صيانة ال5.000 زيت ال5 وعلى ال10.000 غيرت بMobil 1 - ولما سألت المهندس قالي مفيش مشكلة.
ازيك يا باشا معلشى انا اسف ياباشا واللهى انا كنت دخلت فى كذا موضوع فا كنت عرفت شوية من القسم بس عندك حق انا معرفتش نفسى كويس لاى حد فى المنتدى انا يا سيدى
اسمى احمد كوكب من اسكندريه اصلا وعايش فى القاهره علشان الشغل وكده انا مهندس كومبيوتر وبرمجيات وحاجات كده يعنى وانا تحت امرك يا باشا فى اى حاجه انت بس تامر