كل اللي معاه دايو يدخل يشوف مصيبتي بجد

**meero_boy2000** · 06-09-2010 07:10 AM

[QUOTE=karimfahmy99;3873013281]اولا قدر الله و ماشاء فعل و الحمد لله انها اتلحقت و الا كانت هتبقى كارثة ربنا حط البواب و لا مراتة عشان يلحقوا يبلغوك الحمد لله . طبعا المنظر بشع اللهم محفظنا جميعا .

زى ما قالة الاخوة . انت فعلا ما غيرتش اى لمبات امامية ؟ يعنى واحدة اتحرقت و جبت غيرها . و لا حتى لمبات الشبورة ؟ و هل دراع النور دا الشكل الجديد اللى هوا مفتاح الشبورة راكب فية ؟ لان فعلا جزء مفاتح النور دا واخد كهربا علاطول و ملوش دعوة بالكونتاكت بس طبعا من خلال الفيوز و دا السؤال المهم هل فى فيوز ضرب و تم تغيرة بفيوز تانى اعلى من الرقم الاصلى و ممكن يكون حصل مثلا فى التوكيل بدون علمك و تم تغيرة ؟؟؟؟؟؟

شكرا طبعا لاهتمامك وربنا يحفظنا جميعا والحمد لله علي كل شئ وقدر الله وماشاء فعل بس اقولك ايه بس مغيرتش ولا لمبه من اول ماجت ولا فيوز حتي ولا اي حاجه خالص ولو كنت نويت كنت هعمل كل ده في التوكيل بس مغيرتش اي حاجه فيها فعلا ولالالالالالا فيوزات ولا لمض ولا اي حاجه وده فعلا الدراع اللي فيه فوانيس الشبوره مع العالي والواطي

**karimfahmy99** · 06-09-2010 07:18 AM

معلش برضة راجع على قيم الفيوزات اللى راكبة و طابقها بالمكتوب على العلبة زيادة تاكيد .

**meero_boy2000** · 06-09-2010 07:23 AM

المشاركة الأصلية كتبت بواسطة ashouhdy

قدر الله وماشاء فعل

ممكن يكون حد قعد ع الكابوت ولمس قطبين البطارية ببعض دة لو الواقى مش محطوط ولما لمس قطبين البطارية بصاج كابوت العربية عمل الماس وغالبا المنطقة دى فى التابلوة مش بيكون فيها حاجة شغالة غير جهاز الانذار
دة تخيلى الوحيد

لكن اية اللى كسر الزجاج الامامى

بس متشلش هم التوكيل حيتكفل بكل حاجة وريهم دفتر الصيانات وارمية فى وشهم و متجبش سيرة الام بى ثرى لأنهم ممكن يقولك هو دة السبب واى هبل فى الجبل

كلامك صح انا مش هجيب سيره الام بي ثري اكيد بس الواقي الخاص بالبطاريه موجود ومفيش اي مشكله في البطاريه نهائيا وشكرا لاهتمامك

**meero_boy2000** · 06-09-2010 07:24 AM

المشاركة الأصلية كتبت بواسطة karimfahmy99

معلش برضة راجع على قيم الفيوزات اللى راكبة و طابقها بالمكتوب على العلبة زيادة تاكيد .

ماشي هنزل اشوفها دلوقتي هو انا شويه ورايح التوكيل وربنا يستر بقي وشكرا لاهتمامك

**meero_boy2000** · 06-09-2010 07:46 AM

ياجماعه الفيوزات زي ماهي يمكن علبه الفيوزات اصلا متفتحتش من ساعه ماشتريت العربيه ومفيش اي مشكله فيها انا هتجنن خلاص

**ashouhdy** · 06-09-2010 07:54 AM

أنت تروح تدخل ع المهندس مدير المركز مش بتوع الأستقبال و لازم تكون شديد قوى فى الكلام وهادى وتتكلم بثقة يعنى متخليهوش يكلك بالكلام بتاعهم ولازم تفهمة انك ملتزم بالصيانات الدورية وان العيب من عندهم عشان مفيش كشف بشكل كامل ع كهربة العربية و دة تقصير مهين و شديد من المهندسين و العمال فى المركز ولولا ستر الله كانت العربية كلها ولعت وانك مش حترضى بالأصلاح و عايز تغير العربية كلها (خدة فى السكة دى عشان يقعد يقنعك ان حيصلحالك ع حساب التوكيل ويخفف من كارثتة) وتقول ان دة تهريج و تسييب وكلمتيين مجعلصيين وانك كمان عايز نمرة الرئيس بتاع رمدير المركز و نمرة مدير المركز الرئيسى

....................... وربنا معاك

**karimfahmy99** · 06-09-2010 09:24 AM

المشاركة الأصلية كتبت بواسطة meero_boy2000

ياجماعه الفيوزات زي ماهي يمكن علبه الفيوزات اصلا متفتحتش من ساعه ماشتريت العربيه ومفيش اي مشكله فيها انا هتجنن خلاص

ربنا معاك و بلغنا اية اللى تم و ردهم اية و هيعملوا اية

**mohfud** · 06-09-2010 10:25 AM

ربنا يصبرك المهم نعرف منين المشكلة علشان نعرف نتفاداها بعد كدة.؟

**ZALABANY** · 06-09-2010 10:48 AM

ربنا يعوض عليك يا أخي والحمد لله انك ما كنتش فيها

-

الموضوع: كل اللي معاه دايو يدخل يشوف مصيبتي بجد

LinkBack

أدوات الموضوع

عرض

-

-

-

-

-

-

المواضيع المتشابهه

اللي معاه كروز يدخل فورا .................

كل اللي معاه لوجان كاملة يدخل !!!!!!!!!!!!!!!!!!!!!!!!

اللي معاه سيفيك 92 لحد 94 يدخل

اللي عايز يتعقد يدخل و يشوف

الكلمات الدلالية لهذا الموضوع

المفضلات

المفضلات

ضوابط المشاركة