كل اللي معاه دايو يدخل يشوف مصيبتي بجد

**wlelw2003** · 06-09-2010 04:03 PM

قدر الله و ماشاء فعل ربنا يعوض عليك

**karimfahmy99** · 06-09-2010 05:39 PM

لسة الاخ ميرو مرجعش الساعة دلوقت 5.40 . خير يارب بس كنا عاوزين نطمن اية اللى حصل و عرفوا اللى حصل دا من اية

**tareksakr** · 06-09-2010 06:07 PM

ممكن الانذار لو متركب غلط يعمل نفس العملية دي والانذار لو مش متركب في التوكيل بيطلع ضفيرة العربية من الضمان كان معايا دايو 2007 وركبت فيها انذار وسيحلي الضفيرة بتاعة الباب الشمال رحت التوكيل وقاللي العيب من الانذار وشاله وركبلي ضفيرة باب جديدة بس دفعت تمنها وكان العيب من الانذار وكان نوعه سيمفوني

**zakiali** · 06-09-2010 06:35 PM

علي فكره الموضوع ده مشهور أوي .. حصلت عندنا في العمارة عربية لانسر جديده اتحرقت وهي راكنه في الجراش برده . وفيه واحد هنا في المنتدي بيقول فيه سيراتو حصلها نفس القصة .. وبرده حصلي الموضوع ده في العربية اللاده القديمة اللي كانت معايا زمان أيام الشقا لقيت الصندوق اللي في التابلوه طالع منه نار ودخان وانا سايق .. حاجه مرعبه .. ده ابتلاء .. وربنا يعينك علي التوكيل وانشاء الله تاخد حقك .. ولو التوكيل خنأ عليك .. قول حسبي الله ونعم الوكيل .. وصلحها علي حسابك وخلاص ربنا يعوض عليك انت في مصر اللي الحقوق فيها ضايعه .. متقلقش الموضوع تكلفته بسيطه انشاء الله .. تابلوه استيراد او جديد علي حسب مقدرتك وذراعين نور وخلاص .. ملومه يعني .. وهين قرشك ولا تهين نفسك مع شويه ناس معدومين الضمير . وربنا يعوض عليك

**meero_boy2000** · 06-09-2010 09:54 PM

الجزء التاني من الحكايه بس اسف علي التأخير لاني كنت مطبق وجيت من التوكيل نمت

انا عملت محضر في القسم ياجماعه وجبت عربيه انقاذ ورفعت العربيه وروحت التوكيل قابلت مهندس الاستقبال قولتله عايز مدير الصيانه جالي وريته العربيه وحكيت اللي حصل وقولتله انا عايز تعويض ومش بطلب غير حقي قالي لاء وانا اضمن منين ان الغلط او المشكله مش منك تقدر تقولي قولتله امال انت مهندس ليه مش عشان تعرف المشكله في ايه قالي طب تعالي اوريك حاجه كل ده طبعا وساب شغله وقعد معايا يمن ساعه ونص انا وبن عمتي وراني نفس عربيتي ونفس الوضع قالي قولي دي بقي ايه اللي عمل فيها كده قولتله ياباشا انا مش مهندس انت اللي تقدر تعرف قالي ماحنا مكناش عارفين ايه السبب لان في مليون سبب لكده لكن صاحبها قال انه كان في الفندق وناس النور شغال نزل لقي العربيه زجاجها مكسور والناس اللي في الشارع شافوها كده طفوهالك قولتله تمام انا بقي بقولك الامانه اللي حصل معايا لاني مش هقبل حرام لان انا ماشي علي طريق وانت المفروض مهندس يعني تعرف السبب بالظبط ولو اثبتلي ان الغلط مني هقولك اعملها حالا وادفعلك الفلوس حالا ومش هفتح بقي قالي مادي ليها مليون سبب قولتله مش مشكلتي انا عربيتي في الضمان ومش عايز اكتر من حقي انت مش خسران حاجه انك تديني حقي انت مع احترامي ليك مهندس او ممثل للشركه فخلايني اقابل الاداره او اقابل المسئول الاعلي في الاداره قالي نرفزني جدااااا وحسسني انهم حمير وسوري في الكلمه دي بس اقل تعبير وقالي طب انا اثبت للتعويضات او للاداره ازاي ان زي مانت بتقول الغلط مننا ومن عيوب الصناعه وهنا بقي افتكرت اني صايم المهم قولته مش مشكلتي وانت مهندس وانا عايز حل دلوقتي المهم قالي طب خلاص يبقي نشوف الفريق الفني ييجي يعاين العربيه وهيعرف بالظبط المشكله في ايه ده طبعا بعد مناهده يمكن ساعه ونص او اتنين ومعطله عن كل حاجه فذي ماتقوله بيريحني المهم هنشوف الفريق هيكشف علي العربيه وهنرد عليك في خلال 72 ساعه سيبلنا كل ارقامك وهنكلمك وده رقمي ممكن تتابع معايا لو اتأخرت عليك قولتله تمام بس ياجماعه والله اعلم الموضوع ترييح مش اكتر لقاني رخم فقال يريح الزبون عشان احل عن دماغه ده احساسي يمكن غلط بس المهم دلوقتي الفتره اللي جايه لو قال خلاص هنتكلف بيها يبقي بيس لو قال لاء ملناش دعوه هيكون ايه خطوات الشكاوي؟؟؟؟؟ ده اللي بحضره دلوقتي عشان امشي صح ؟؟؟ نسيت اقولكم قالي انت عارف التكلفه هتكون كام قولتله كام قالي بحد ادني حد ادني خده بالكو منها 15000 بالاضافه انك فضيلي العربيه كلها عشان هناخد الكهرباء من اول الشنطه للكبوت قولتله مش حرام عليك يااخي ابقي جايب زيرو ولسه زيرو ويتعمل فيها كده هو انا راكب سيات مع احترامي ليها طبعا قالي لاء مانت هتستلمها زيرو ياباشا...... الحمد لله اني فضلت صايم عشان مخصرش اليوم واسف علي الاطاله ولسه في اجزاء تانيه بس اللي جرب خطوات الشكاوي الصح يفدني يبقي جزاه الله خير

**meero_boy2000** · 06-09-2010 09:55 PM

المشاركة الأصلية كتبت بواسطة tareksakr

ممكن الانذار لو متركب غلط يعمل نفس العملية دي والانذار لو مش متركب في التوكيل بيطلع ضفيرة العربية من الضمان كان معايا دايو 2007 وركبت فيها انذار وسيحلي الضفيرة بتاعة الباب الشمال رحت التوكيل وقاللي العيب من الانذار وشاله وركبلي ضفيرة باب جديدة بس دفعت تمنها وكان العيب من الانذار وكان نوعه سيمفوني

كلامك منطقي بس يارب ميكونش صح لان التوكيل هو اللي وصفلي الراجل اللي اركب عنده الانزار وجايب انضف حاجه في السوق ونفس المحل هو وكيل الكاسيت اللي في العربيه وبعدين ده راكب من سنتين مع العلم وقت الحريق فتحت العربيه بالانزار؟؟؟؟

**otefa** · 06-09-2010 10:03 PM

هو في نقطة مهمة كنت وضحتهالو برده وهي أن الموضوع مش تصليح التالف(تبديل التابلوه) ..........الأهم معرفة السبب علشان ماتبقاش قاعد قلقان من عربيتك الجديدة ألي واخدها علشان تريح بالك ومضحي بالفلوس فيها من تعبك وشقاق..........ياتري هاتعمل الحركة تاني النهاردة ....بكرة

**meero_boy2000** · 06-09-2010 10:14 PM

المشاركة الأصلية كتبت بواسطة otefa

هو في نقطة مهمة كنت وضحتهالو برده وهي أن الموضوع مش تصليح التالف(تبديل التابلوه) ..........الأهم معرفة السبب علشان ماتبقاش قاعد قلقان من عربيتك الجديدة ألي واخدها علشان تريح بالك ومضحي بالفلوس فيها من تعبك وشقاق..........ياتري هاتعمل الحركة تاني النهاردة ....بكرة

انا فعلا هعمل كده وانا لازم اعرف السبب لاني لو معرفتوش كل يوم وانا طالع هفصل البطاريه واريح دماغي ده جرس الباب ياراجل بيخبط بقيت اترعب والله بس انا عايز اعرف اخرهم ايه معايا