كل اللي معاه دايو يدخل يشوف مصيبتي بجد

**meero_boy2000** · 05-09-2010 11:36 PM

ياجماعه في البدايه قدر الله وماشاء فعل الموضوع ومافيه اني اتسحرت وصليت الفجر وقاعد شويه وهنزل الشغل علي الساعه 8 الصبح والباب خبط خبط فظيع تكسير مش خبط وجرس وفجأه زوجه البواب بتنهج من الاخر بتموت وكل اللي عليها الحق عربيتك بتولع طبعا انا اخدت طفايه ونزلت جري حافي انا واخويا ووالدي كل واحد بطافيه وفجأه اري العربيه بتولع من عند زراع النور وبيسيح بالكامل مع الدريكسيون والتابلوه بالعدادات بكله المنطقه دي بتولع وبتسيح الحمد لله طفينا فجاه الجزء ده بقي شكله غريب جدا بعد الحريق مع العلم ان السياره عامله 29000 وشاريها زيرو ومفيش اي حد يجرؤ يحط ايده فيها بره التوكيل لاني بحافظ عليها جدااا حلاوه الزيرو يعني ولا اي اشاره علي التابلوه للتنبيه عنشئ غلط ولا اي حاجه مع العلم اني كنت لسه راجع بالليل من مشوار ومفيش اي حاجه ولا العربيه سخنه ولا سايب اي انوار مفتوحه ولا اي حاجه غلط مع العلم السياره دايو لانوس 2 موديل 2009 صيانات التوكيل كلها وتغير زيت في التوكيل ياجماعه بشتري لمض الفوج لايت من التوكيل تخيلوا المهم يعني مفيش اي نوع من الاهمال لو حد شاف حاجه زي دي يقولي ايه السبب ولو حد حابب يستفيد من التجربه ينتظر الجزء التاني بقي لما اروح التوكيل ونشوف الدنيا هتمشي ازاي وربنا يسترها علينا وعليكم جميعا واسف علي الاطاله وحسبي الله ونعم الوكيل في التقفيل المصري بجد

لو في خبراء هنا احب اقولهم حاجه بس انا كنت مشتري ام بي ثري الولاعه من 3 شهور وراكب في العربيه وزي الفل مفيش اي مشكله هل هو السبب مع العلم انه لسه شغال لحد دلوقتي ولا يوجد به اي مشكله او مكان الولاعه لايوجد مشكله نهائي انا قولت اعرض برضه كل حاجه عشان المعلومات تكون كامله

**hanafyx** · 06-09-2010 12:12 AM

قدر الله ماشاء فعل و الحمد لله انها وصلت لحد كدا و انا متابع الموضوع بأهتمام و حمد لله علي سلامتك وسلامة العربية

**shaky** · 06-09-2010 12:28 AM

حاول تجيب فيديو للعربية او صور عشان نعرف بالظبط اية اللى حصل

**محمد الشامي** · 06-09-2010 12:32 AM

لا حول ولا قوه الا بالله , قدر الله وما شاء فعل والحمد لله على كل شئ

بس الحاجه الوحيده اللي اعرف انها ممكن تسيح ذراع النور هو انك تكون مركب لمبات وات اعلى من الوات بتاع اللمبات الاصليه بدون تركيب كتاوت , لكن حتى لو الحكايه كده فالكلام ده المفروض يحصل والعربيه شغاله مش وهي مركونه !!!!!!

وبالنسبه للـ ام بي ثري فهو ميعملش كل الكلام ده , اولا لانه جواه فيوز بيضرب في اي خطر , وثانيا لان مكان الولاعه بيطفي مع الكونتاكت !!!

**ahmed_mido1889** · 06-09-2010 12:41 AM

قدرالله وما شاء فعل

**m0hsen** · 06-09-2010 12:45 AM

لا حول ولا قوه الا بالله
قدر الله وماشاء فعل والحمد لله ان هى جت على قد كده قول الحمد لله
بس انت لو متاكد من كل حاجة فى العربية شوف القصة بقى فى التوكيل وربنا معاك وان شاء الله كل حاجة ترجع احسن من الاول
بلاوى صغيرة بتشيل عن الواحد بلاوى اكبر قول الحمد لله

**m0hsen** · 06-09-2010 12:46 AM

المشاركة الأصلية كتبت بواسطة محمد الشامي

لا حول ولا قوه الا بالله , قدر الله وما شاء فعل والحمد لله على كل شئ

بس الحاجه الوحيده اللي اعرف انها ممكن تسيح ذراع النور هو انك تكون مركب لمبات وات اعلى من الوات بتاع اللمبات الاصليه بدون تركيب كتاوت , لكن حتى لو الحكايه كده فالكلام ده المفروض يحصل والعربيه شغاله مش وهي مركونه !!!!!!

وبالنسبه للـ ام بي ثري فهو ميعملش كل الكلام ده , اولا لانه جواه فيوز بيضرب في اي خطر , وثانيا لان مكان الولاعه بيطفي مع الكونتاكت !!!

هى فعلا حاجة غريبة جدا اول مرة اشوف حاجة زى كده والعربية مطفية

**m0hsen** · 06-09-2010 12:51 AM

المشاركة الأصلية كتبت بواسطة meero_boy2000

مع العلم السياره دايو لانوس 2 موديل 2009 صيانات التوكيل كلها

دايو وللا شيفروليه

**hosar** · 06-09-2010 12:51 AM

حسبى الله و نعم الوكيل لو السبب التقفيل المصرى

**nab!l** · 06-09-2010 01:06 AM

لا حول ولا قوة الا بالله
منتظرين الصور
لمحاوله معرفه الخطا

الموضوع: كل اللي معاه دايو يدخل يشوف مصيبتي بجد

LinkBack

أدوات الموضوع

عرض

كل اللي معاه دايو يدخل يشوف مصيبتي بجد - انشر الموضوع فى :

-

-

-

المواضيع المتشابهه

اللي معاه كروز يدخل فورا .................

كل اللي معاه لوجان كاملة يدخل !!!!!!!!!!!!!!!!!!!!!!!!

اللي معاه سيفيك 92 لحد 94 يدخل

اللي عايز يتعقد يدخل و يشوف

الكلمات الدلالية لهذا الموضوع

المفضلات

المفضلات

ضوابط المشاركة