::: الشكاوى ضد الكرولا تعود من جديد !! :::

**rompo6** · 06-09-2010 05:48 AM

يارب بس ينفذوا كلامهم ويستلم عربيه جديده

**x512** · 06-09-2010 07:16 AM

تويوتا ديناصور صناعه السيارات من زمان بس واضح انهم بدأو يثقو في نفسهم زياده عن اللزوم مما ادي لعيب دواسه البنزين و عيب الفتيس و العيب اللي حصل مع الاخ دا...وحتي لو حاله فرديه زي مالتوكيل بيقول..مش المفروض تطلع من تويوتا حاجه زي دي لان الناس دي مبتغلطش...و التنظيم و التكنولوجيا في مصنع تويوتا في اليابان يفوق الوصف ...يمكن حتي احسن من مصنع مرسيدس في شتوتجارت...كدا عليه العوض في التويوتا لو عيب زي دا طلع منتشر... هتحتاج سنيييييييييين عشان تستعيد سمعتها اللي بدأت تفقد بالفعل...

**Sharky** · 06-09-2010 11:13 AM

المشاركة الأصلية كتبت بواسطة hugan

هي العربيات الصيني كده عربيات فاشله وغير مكتوب لها النجاح

صينى !

احنا بنتكلم على الكرولا الجنوب افريقى

ياجماعة انا مش شايف المشكلة فى عيب الصناعة اللى موجود لإنه واضح انه عيب فردى فى سيارة المشكو فقط
لكن المشكلة فى معاملة التوكيل نفسه و قول عضو مجلس الإدارة المنتدب فى تويوتا مصر

وأشار إلى أنه قابل العضو المنتدب للشركة الموزعة لتويوتا بمصر ومناقشته في المشكلة، لكنه عرض عليه بيع السيارة بمعرفته الشخصية، على أن يبيع له سيارة جديدة بتخفيض ٤ آلاف جنيه من سعرها، لكنه رفض بشدة، فطلب منه العضو المنتدب للشركة ترك السيارة للمرة الثالثة لإعادة فحصها بالمركز.

يعنى بدل ما ياخدوا السيارة المعيوبة عايزين يلبسوها لحد تانى !!!

**caysersosaih** · 06-09-2010 12:35 PM

حاجة اخر مسخرة من البيه العضو المنتدب

**hugan** · 06-09-2010 06:06 PM

المشاركة الأصلية كتبت بواسطة sharky

صينى !

احنا بنتكلم على الكرولا الجنوب افريقى

ياجماعة انا مش شايف المشكلة فى عيب الصناعة اللى موجود لإنه واضح انه عيب فردى فى سيارة المشكو فقط
لكن المشكلة فى معاملة التوكيل نفسه و قول عضو مجلس الإدارة المنتدب فى تويوتا مصر

يعنى بدل ما ياخدوا السيارة المعيوبة عايزين يلبسوها لحد تانى !!!

يا شاركي الرساله واضحه
انت ما عرفتش تقرا مابين السطور
طبعا عارف انها الكورولا الجنوب افريقي
القصد ان تويوتا بجلا له قدرها مطلعه عيوب اسؤ من اي سياره صيني من اللي مالين الدنيا هجوم عليها

الفكره ان عيوب التصنيع موجوده في جميع انواع السيارات
انت نفسك تقبلتها من تويوتا علشان اسمها
البعض او الكثير ممكن يرفضها من اي سياره صيني مثل اسبرانزا لمجرد الاسم فقط وبدون تفكير او مقارنه
ارجو ان اكون اوضحت

**Sharky** · 06-09-2010 10:30 PM

المشاركة الأصلية كتبت بواسطة hugan

يا شاركي الرساله واضحه
انت ما عرفتش تقرا مابين السطور
طبعا عارف انها الكورولا الجنوب افريقي
القصد ان تويوتا بجلا له قدرها مطلعه عيوب اسؤ من اي سياره صيني من اللي مالين الدنيا هجوم عليها

الفكره ان عيوب التصنيع موجوده في جميع انواع السيارات
انت نفسك تقبلتها من تويوتا علشان اسمها
البعض او الكثير ممكن يرفضها من اي سياره صيني مثل اسبرانزا لمجرد الاسم فقط وبدون تفكير او مقارنه
ارجو ان اكون اوضحت

و صلت يا باشا

**محمد محمد** · 06-09-2010 10:38 PM

مبسوط يا شاركي
والله وانا بقرأ الخبر كن حاسس من الكلام ان زي ما يكون فيه حد ضرب العربية ب ار بي جي.

بسماع صوت انفجار قوي.

وأضاف أن علامة abs ظهرت على الشاشة، وفقد السيطرة على السيارة، تماما لتنحرف يمينا في طريق القاهرة-إسكندرية الصحراوي الذي كان يسلكه، مشيرا إلى أنه تبين حدوث تلفيات كبيرة تتمثل في تهشم "الطنبورة الحديد" تماما مع انفصال تيل الفرامل والجزء المحمل به "الدشمة" عن جسم السيارة وكذلك قطع في حساس الفرامل abs.

كانوا ناقصين يكتبوا(وقد تبني تنظيم القاعدة مسؤوليته عن الأنفجار)

**Sharky** · 06-09-2010 10:40 PM

يا محمد انا مليش دعوة بمشكلة الكرولا لإنى زى ما قلت دا عيب فردى و يا ما سيارات افضل من الكرولا و بيحصل فيها عيوب فردية اخطر من كده

لكن اللى ذهلت منه رد عضو مجلس الإدارة المنتدب

يا ترى ايه رأيك فيه ؟؟؟؟

**محمد محمد** · 06-09-2010 10:47 PM

المشاركة الأصلية كتبت بواسطة sharky

يا محمد انا مليش دعوة بمشكلة الكرولا لإنى زى ما قلت دا عيب فردى و يا ما سيارات افضل من الكرولا و بيحصل فيها عيوب فردية اخطر من كده

لكن اللى ذهلت منه رد عضو مجلس الإدارة المنتدب

يا ترى ايه رأيك فيه ؟؟؟؟

ياعمي بهرج معاك (مافيه رينو الفايظ بتاعها بينقط مياه جوة الصالون وبيجيب برد للسواق واتفقنا انه عيب فردي عادي يعني)
ادارة تويوتا في مصر اللى بيمثلها العضو المنتدب ماشية بالقاعدة الشرعية اللى بتقول(ارتكاب اخف الضررين لتفويت اعلاهما) فتوقع منعم تصرفات زي دي...و من ساعة ماجبت العربية عمري ماحسيت ان التوكيل بيسعي لرضاء العميل ابدا لا فيه خصومات وحتي في عز الأومة مش راضيين ينزلوا جنيه في العربية...ادارة فااااششششلة.