التوكيل بيستعبط - أعمل أية ؟
بصراحة أنا شايف أن التوكيل أبتدى يستهبل جامد و شكلى هحطوهم فى دماغى الفترة الجاية
وديت الكارينز مع واحد قريبى بيشتغل فى القرية الذكية أبو رواش ( أنا ساكن فى القاهرة الجديدة و شغلى فى مصر الجديدة) يوم الخميس لعمل صيانة 10000 و شوية ملاحظات من أول ما أستلمت العربية منفعش يعملوها فى صيانة ال 1000 عشان عملتها فى القطامية و قالولى فى القطامية بنغير زيت بس ....
المهم العربية كانت بتحدف , الحزام الخلفى السوستة بايظه , أوكرة الباب اليمين مفكوكة , بلاستكة الكرسى مفكوكة, شحم الفابريقة على السقف و المساحات و الكبود عشان مكانش فية كمبوند فى القطامية و أنا بستلم العربية.....
المهم لما كلمتهم أحجز فى التليفون كانو أخر أستفزاز و خدمة عملاء صفر و مكانوش راضيين يعملو الكلام ده فى رمضان بحجة أن فية ضغط بس لما غيرت لهجة الكلام معاهم أدونى ميعاد 9 الصبح و راحت العربية مع قريبى و هوه رايح الشغل
المهم راح يستلمها الساعة 2 قالولو العربية جاهزة من 1:30 و لما جة يستلمها لاقاهم غيروا الزيت و عملو الصيانة العادية بس , و لما كلمنى قلوتلو يتخانق معاهم و ميستلمش العربية لغاية لما يعملوا المطلوب
المهم عملوا الحاجات المطلوبة و خلصت 2:45 بس أستلمها مزبلة من جوة من غير ما ينظفوها !! و دفع 470 ج منهم 90 ج ظبط زوايا !!!!!!!!!! ( مش عارف أية لازمة الضمان) و 88 ج صيانة و الباقى زيت و ضرائب .....
المهم بجرب العربية لقيتها لسة بتحدف و مش عارف أعمل أية معاهم ....... حد عندة حل فى النصب العلنى دة.
