الزجاج الكهربا لوحدة استعمال الفرش الداخلى بمكنة بزرايرة ب950 جنية عند سوسو فى الهرم
عرض للطباعة
ياجماعة مع احترامى الشديد ورفقا بالراجل اللى لسة هيشترى ------------هل من الطبيعى فى اى مكن فى العالم ولو كان كوكب عطارد او حتى الزهرة ان عربية موديل1998 مر على انتاجها حوالى 13 سنة ومع احترامى الشديد لتصميمها واعجابى الشخصى وانبهارى بها لكن هل من الطبيعى ان يكون ثمنها ب54000 والجيل اللى بعدها ب3 اجيال ب92000 خليجى فول اوبشن -------------موديل 1998 رشت برة كام مرة--------- وعملت كام جنطة فى الصاج بتاعها نتيجة الخبطات والبارومة وطبعا صاج بلدى---------- وغيرت كام قطعة اصلى بقطع مثيلة من تايوان وتركيا وبعد دة كلة ب54000 طيب ازاى ----54000 يشتروا فيرنا 1600 موديل 2009 ماشية 40000 وموتورها نفس فئة موتور الانسر1600 وهو موتور لاخلاف علية ا--او نيسان صنى كاملة2003 وممكن 2004 ودةالتقفيل اليابانى وماشية حوالى70000 ----------البروتون ويرا 2005 1500cc تستخدم موتور ميتسوبيشى صاحب الكود الشهير 4g15وهوموتور محترم جدا انجكشن قطع غيارة متوفرةجدا ورخيصة 12 صمام 92 حصان وعفشة العربية باالكامل هى نفسفسها عفشة الكرستالة وطبعا متوفرة وب40000 /42000 وموديل 2005 ماشية ااقل ومش مستهلكة لمدة 13 سنة واكسسوارها والبودى مرطرط---------54000 يشتروا بروتون واجا موديل2005 او2006 ماشية فى حدود40000/50000 كم موتورها موتور لانسر 2006 1600cc وكودة 4g18 هذا الموتور 16 صمام و102 حصان والعفشة برضة هى نفسها عفشة الكرستالة بس الموتور اقوى واحدث وانجكشن وقطع غيارة متوفرة واستهلاكة ممتاز وقطع غيار البودى والاكسسوار موجودة برة التوكيل باسعار مناسبة طيب لية اشترى عربية ب54000 مضى على انتاجها 13 سنة وبعد 5 سنين احب ابيعها هيكون عدى عليها 18 سنة هى نفس قصة البيجو ال504 بتاعة زمان وهى فين النهاردة ----------------------يا جماعة انا بحب الكرستالة جدا ولكن مبحبش المغالاة فى اى شىء لانها بتصعب على الناس حياتهم ومتنسوش انالكرستالة نزل بعدها 3 اشكال المكوة والبومة ثم البومة 2006ذات الاكصدام الطويل ولو حسبنا الشارك يبقى 4 اشكال فى حين ان التويوتا بعد موديل 1998 فى شكل واحد ثم الشكل الجديد يعنى شكلين بس مع العلم ان الشكل الجديد كلة اوبشن مش موجودة فى الانسر وسعرة يتخطى سعر الانسر ب45000الزيرو طبعافيبقى دة مبرر ان الكرولا 2001 تتباع ب60000 لانها الشكل قبل الحديث مباشرة والحديث بتاعها ب140000 اما الكرولا99 كاملة من45000/49000 وقطع غيارها متوفرة ورخيصة يعنى كاربراتيرها بيركب على الانسر والمعلومة دى قريتها فى المنتدى وبيعمل 420 جنية من بورسعيد-------اللى عايز اقولة المعقول كويس لكن انتم كدة هتحبطوا الراجل ---------------------------وشكرا على سعة صدركم
انا عارف ان فى فرق بس المعقول بتاع الفرق كويس انما الاوفر ملوش لازمة وجرب حضرتك البروتون ويرا وواجا وقولى لقيت فرق ولا لاء ولصالح مين من ناحية فرق الموديل والحالة وفين الفرق اللى فى قطع الغيار ومين موتورة احدث واقوى -------------مع العلم انا لسة باكد ان الكرستالة عربية محترمة جدا ونمرة واحد بس زنبة اية اللى هيشترىعربيةب 54000 ويركبها 5سنين ولما يجى يبيعها بعد كدة يكون فات على موديلها18 سنة تفتكر بعد18 سنة هتجيب كام الافضل ان صاحبها يفضل راكبها العمر كلة الناس عايزة تركب وتتمتع وتبيع وتكسب واللى بعدها مش مهم انا مش ضد العربية انا ضد الطمع رلما اشترى عربية فات على موديلها 13 سنة ب54000 بعد 5 سنين هبيعها بكام ب25000 هاتلى عربية فى مصر من الفئة دى فات عليهها 18 سنة تمنها يعدى ال25000 الانسر موديل 90 و91 ب22000/الى 25000 يبقى المفروض انى هبيعها برضة ب25000 دة لو جابت على اعتبار ان المعروض ساعتها من الموديلات المختلفة هيكون اكتريعنى حوالى خسارة 30000 فى 4/5 سنين دة كلام دة معقول - دة منطق -----------------طيب نحسبوها بطريقة تانية احط على ال54000حوالى10000جنية واشترى ماتركس كاملة مانيوا 2006 102 حصان 16 صمام كاملة وقطع غيارها متوفرة جديد ورخيص واستعمال برة وجوة التوكيل------ ومتقوليش فيرنا والفرق الماتريكس عربية لايمكن التقول عليها --------------------برضة اسمحلى اقولك انا مش ضد العربية انا ضد المغالاة ال54000 كانوا مناسبين من 3 سنين للكاملة اوتوماتيك انما النهاردة حرام اللى يطلب كدة يبقى --- واللى يرضى بكدة يبقى ظلم نفسة لان اللى بيشترى مستعمل واقصى امكانياتة55000 مش ممكن يكون قادر على تحمل خسارة او تكلفة تشغيل سنوية قدرها5000/6000 جنية بخلاف مصاريف قطع الغيار والصيانة والترخيص والبنزين ارجو ان يتسم النقاش باالهدوء فانا اعبر عن راى واود الاستفادة من اراء الجميع وشكرا يا ميمو وتحياتى لاهل المحلة
كلامك منطقي و....... لكن
البيجو 504
و
الكريستالة
استثناءان لا يقاس عليهما الكلام المنطقي
يعني حالة خاصة
اولا اهلا بحضرتك فى مصراقتباس:
زنبة اية اللى هيشترىعربيةب 54000 ويركبها 5سنين ولما يجى يبيعها بعد كدة يكون فات على موديلها18 سنة تفتكر بعد18 سنة هتجيب كام
هو لما الناس اشترت العربيه دى ب 45 الف زيرو كانوا يتخيلوا انهم هايبيعوها بعد 13 سنه باغلى من سعر الزيرو ب 5 الاف جنيه واحيانا 10 !!!!
ممكن بعد 18 سنه العربيه تجيب اعلى من كده كمان وماتستعجبش واضعف الايمان انها هاتثبت ولو نزلت فمش هاتنزل لاقل من 40 الف لان اللانسر الجديد سواء المكوه او البومه عمره ماهاينزل لاربعين الف وان نزل فهاتلاقى ناس معاها تمن مكوه وبيدور على كريستاله
فاكر اول مانزلت كانت الناس بتقولك ورق وخفيفة على الطريق وقطع غيارها نااااااار عشان يابانى
دلوقتى بعد مالهيونداى انتشر الناس عرفت انها ماكانتش خفيفه على الطريق
وبعد انتشارها وانتشار قطع غيارها مستعمله الناس عرفت انها ارخص قطع غيار فى اليابانى خصوصا ان لسه فى حاجات جديده اصلى بتتباع لها ارخص من الكورى
وكفايه قوى ان فى عربيات موديل 2010 زى الفيرنا لو دخلت فى مقارنه مع الكريستاله مش هاتكسب الا فى الموتور فقط وتعالى نقارن بينهم بعد مايعدى على موتور الفيرنا 15 سنه ونشوف هل هايبقى بحالة الكريستاله دلوقتى ولا هايعمل زى موتور الاكسيل
بخلاف ان الهيونداى بتعرف تجرى ومابتعرفش تقف اما اللانسر بتعرف تجرى وبردو بتعرف تقف
انا اتفرجت على كريستاله امبارح والله واحنا فى الصيف اهو اول مادور دقيقتين والموتور بقى يخر ميه واكمن صاحبها مركبلها مجموعة الانجيكشن ( على موتور ها الاصلى 1300 ) مالقيتش هباب فى الشكمان وصباعى طالع نضيف وده مش معقول والعربيه ماشيه اكتر من 200 الف وانا بأكدلك انه موتورها الاصلى وبشهادة ميكانيكيه
السوق فى مصر مش طبيعى ومش عادى ومفيش قوانين تحكم سعر المستعمل فمش من المعقول ان حضرتك تطلب الناس تتكلم فى المعقول الا لما الحال يتعدل
مصر البلد الوحيده اللى سعر العربيات فيها بيعلى بعد انتاجها بسنين وبيبدأ يعلى تحديدا بعد وقف انتاج العربيه زى مايكون الموضوع عند
عرفت بقول لحضرتك ليه اهلا بيك فى مصر
لان اللى انا كتبته فوق ده هو العقليه السائده فى مصر وانا لازم افكر كده عشان اعرف اتعامل واركب عربيه