رايح اشترى كريستاله وعاوز المشورة

**seadaelbeda** · 06-09-2010 01:30 AM

ارجو المشورة فيه واحد ميكانيكى معرفة قايلى على كريستاله 99 تكييف وبور بس زجاج عادى وعامله 47 الف وعاوز اروح اشوفها ومش عارف اركز على ايه بالظبط وهل فيه اسئلة اسئلها لصاحبها وهل السعر ده كويس هيامش رشه دواخل

**mr_vampire** · 06-09-2010 03:01 PM

السعر غالي شوية. 99 كااااااااااااااااااملة اوتوماتيك لحد 45. وكدة كدة الدواخل مش بتترش غير في الحوادث لما تغير اجزاء وتبقي بالوان مختلفة عن لون العربية. فجاول تنزلها شوية. او تشوف حاجة كاملة ومتستهنش بزجاج عادي. متعة الزجاج الكهربا جامدة

**seadaelbeda** · 07-09-2010 01:43 AM

وجدت الماساه والله وياريت كل واحد يتعلم متروحش تشترى عربيه لواحدك لان العربيه طلعت بتاع صاحب الميكانيكى والله انا كنت مأمن ومسلم للراجل ده ان مفيش الا رش بره وقالى ابدا من 42 وهنخلصها ب44 او 45 وانا مأمن لانه بيفهم عنى والله العظيم بالصدفة واحد حبيبى معدى من بلد تانيه على الطريق واحنا بنتفرج شاف العربيه ونزل فحصها لانه بيفهم فيهم وطلع فيها العبر العربية من بره مرشوشه وعروسه ومن جوه رشه حلقان والبيبان والستاره مش مظبوطه وانا مبفهمش فى الكلام ده وسايبه للميكانيكى انه هو اللى عارف وكان هيشربهالى والحمد لله ربنا سترها
نصيحتى لاى حد هات اكتر من واحد يشوف العربيه المستعمله ولو هتخسر اجرة الراجل زياده

**zoro007** · 07-09-2010 09:42 AM

المشاركة الأصلية كتبت بواسطة seadaelbeda

وجدت الماساه والله وياريت كل واحد يتعلم متروحش تشترى عربيه لواحدك لان العربيه طلعت بتاع صاحب الميكانيكى والله انا كنت مأمن ومسلم للراجل ده ان مفيش الا رش بره وقالى ابدا من 42 وهنخلصها ب44 او 45 وانا مأمن لانه بيفهم عنى والله العظيم بالصدفة واحد حبيبى معدى من بلد تانيه على الطريق واحنا بنتفرج شاف العربيه ونزل فحصها لانه بيفهم فيهم وطلع فيها العبر العربية من بره مرشوشه وعروسه ومن جوه رشه حلقان والبيبان والستاره مش مظبوطه وانا مبفهمش فى الكلام ده وسايبه للميكانيكى انه هو اللى عارف وكان هيشربهالى والحمد لله ربنا سترها
نصيحتى لاى حد هات اكتر من واحد يشوف العربيه المستعمله ولو هتخسر اجرة الراجل زياده

طيب مهوه من الطبيعى 99% من الصنايعيه معندهمش ضمير ازاى تروح مع واحد متعرفوش لوحدك تشترى عربيه

المفروض فى شراء العربيه المستعمله تاخد حد ثقه ومضمون 100%

لان ممكن بسهوله تبقى واخد واحد ويروح صاحب العربيه راشيه علشان يقلك دى فبريكه وزى الفل وبتحصل كتير

الحمد لله ان صاحبك جه فى الوقت المناسب

المفروض كنت تهزأ الميكانيكى قبل متمشى

**seadaelbeda** · 08-09-2010 01:23 AM

انا جيت ارد عليه قالى مااحنا كنا هنخلصها بسعر مرتاح وكل العربيات دلوقتى رشه وبقيت العربيه زى الفل وكلام لبط
الحمد لله ان ربنا ستر

**ashohdy** · 08-09-2010 10:02 PM

ليا تعليق لفامباير السعر مناسب جدا جدا لو الحالة تمام واللى معاه كريستالة كويسة مش هايفرط فيها الا ب من 47 الف لغاية 50 وانت طالع وممكن لغاية 55 كمان انا طبعا باتكلم عن العربيات النضيفة اوى وتعليقى لصاحب الموضوع طبعا استشير حد من الاصدقاء والمعارف والتجربة بنفسها اثبتتلك انك لا تاخذ كلام الصنايعى .. وليا اضافة تانية انه مع وجود هذا الصديق لاغنى عن الذهاب لمركز خدمة او محطة محترمة بتكشف زى وطنية .. واضافة اخرى ان الازاز الكهربا مافيهوش مشكلة واى كهربائى يعمله مع وحدات رفع ومش هاتكلف كتير، عاوز اقول ان الازاز الكهربا مايكونشى هو الفيصل فى تحديد الشراء .. وربنا يوفقك لكريستالة كويسة وكل عام وانتم بخير

**dr-mohamed** · 08-09-2010 10:12 PM

بص يا باشا
مبدئيا الميكانيكي يجي معاك يعاين عربية مش عن طريقه ولو عن طريقه يبقي تاخد حد تاني بيفهم كويس يعاينها
الكريستالة النضيفة تبدا من 47 او 48 حسب الحالة
الستارة اللى فيه ناس بتسميها الشنب ممكن تكون متغيرة كمان وبردو متاثرش على الدواخل لانها من مزايا الكريستالة اي خبطة من ادام جامدة شوية تعك الشنب او الستارة لكن متاثرش على دواخل العربية

الزجاج الكهربا مش مهم في العربية ممكن تعمله زي ما قال اخونا شهدي وكمان ممكن تركب معاه ماكينات رفع وانذار والليلة كلها مش هتكلف 500 الى 700 جنيه يعني مش كارثة

المهم الدواخل تكون سليمة - لو اوتوماتيك يبقي الفتيس مفيش فيه مشاكل - الموتور تكون حالته كويسة
يعني مش محتاجة مصاريف كتير من اولها

وعندك مثلا عربية واحد من زمايلنا هنا كريستالة 98 عارضها ب54 لانها عربية نضيفة

احسبها كدة ادفع 4 او 5 الاف زيادة واخد عربية مدفعش فيها حاجة سنتين تلاتة احسن ما اشتري عربية ارخص وبعد شهر ابدا اللف والتصليح والصنايعية وادفع اكتر منهم

**seadaelbeda** · 09-09-2010 01:08 AM

مشكورين ياجماعة بس انا كنت عاوز انيه الناس عشان تاخد بالها ان الشرا مش برأى واحد وخصوصا اذا كان هو اللى جايب العربيه حتى لو صاحبك

**Memo_Lancer** · 09-09-2010 08:30 AM

المشاركة الأصلية كتبت بواسطة dr-mohamed

بص يا باشا
مبدئيا الميكانيكي يجي معاك يعاين عربية مش عن طريقه ولو عن طريقه يبقي تاخد حد تاني بيفهم كويس يعاينها
الكريستالة النضيفة تبدا من 47 او 48 حسب الحالة
الستارة اللى فيه ناس بتسميها الشنب ممكن تكون متغيرة كمان وبردو متاثرش على الدواخل لانها من مزايا الكريستالة اي خبطة من ادام جامدة شوية تعك الشنب او الستارة لكن متاثرش على دواخل العربية

الزجاج الكهربا مش مهم في العربية ممكن تعمله زي ما قال اخونا شهدي وكمان ممكن تركب معاه ماكينات رفع وانذار والليلة كلها مش هتكلف 500 الى 700 جنيه يعني مش كارثة

المهم الدواخل تكون سليمة - لو اوتوماتيك يبقي الفتيس مفيش فيه مشاكل - الموتور تكون حالته كويسة
يعني مش محتاجة مصاريف كتير من اولها

وعندك مثلا عربية واحد من زمايلنا هنا كريستالة 98 عارضها ب54 لانها عربية نضيفة

احسبها كدة ادفع 4 او 5 الاف زيادة واخد عربية مدفعش فيها حاجة سنتين تلاتة احسن ما اشتري عربية ارخص وبعد شهر ابدا اللف والتصليح والصنايعية وادفع اكتر منهم

و علي فكره اللي يجرب يجيب و يشد بيطلع عين اعله بجد
النضيف نضيف
و انا انشاء الله
لو الازمه عدت
عمري ما هفلات فيها ان شاء الله
و بلاض فعلا تبص لكماليات والعربيع تعبانه