انا لسة مبتدىء في السواقة وكنت عايز اعرف هل الغرز في السواقة دي دايما مضرة ولا ساعات بتكون مفيدة وضرورية
وازاي اعملها بامان وشروطها ايه
وايه عيوبها واي فوائدها
وازاي اعرف اني ممكن اعملها ولا لاء
عرض للطباعة
انا لسة مبتدىء في السواقة وكنت عايز اعرف هل الغرز في السواقة دي دايما مضرة ولا ساعات بتكون مفيدة وضرورية
وازاي اعملها بامان وشروطها ايه
وايه عيوبها واي فوائدها
وازاي اعرف اني ممكن اعملها ولا لاء
لما تسوق شوية كمان هتيجى لوحدها
متزعلش منى
بلاش تعملها دلوقت
المهم ...
الغرزه هى المرور بين عربيتين ..
مثال
عربيه جمبك على يمينك
وادامك واحده على الشمال
المرور بينهم يسمى غرزه
لكن
حسب المسافه الى بينهم
لو واسعه يبقى مش غرزه بالمعنى الحرفى يعنى
انما لو ضيقه غرزه ..
لو ضيقه قوى
غرزه مميته
فى بقى غرزه "هبل"
الى هى تبقى المسافه اقل من طول عربيتك
عشان تعدى بتدخل بالعرض
يعنى بتظبط المسافه على عرض عربيتك مش طولها
جربتها كذا مره بس بجد ملهاش لازمه
عشان تدخل غرزه بأمان
لازم اولا تقدر المسافه تجيبك ولا لا
تبص فى مرايتك ..
تقرب من الى ادامك
اشاره
هووووووب
لبست يا معلم
ياااا خااالد... بلاش تحاول انت تعلم الناس الغرز والكلام ده... يعني اتخيل ان انا مش بعرف اسوق وبسأل اعمل غرزة صح ازاي... الاقيك بترد عليا وبعدين اقعد افقرا الكلام لحد ما اوصل للتوقيع واشوف صورة السكودا دي.. هقول ايه؟ طبعاً معنديش غير اني اقول سواقتك جامدة يا خالد ههههههههههههه اوعى تزعل مني والله بهرج
لصاحب الموضوع.. اتعلم تسوق كويس وهتلاقي اللعب بييجي لوحده لما تتجرأ وتاخد على السواقة وعلى عربيتك... يعني انا بقالي 10 سنين بسوق اهه بس عمري ما ارزع غرزة بعربية اول مرة اركبها
من فوائد الغرز:
بتاكل ناس عيش زي السمكري والدوكو و بتوع قطع الغيار
بتاخد شتيمه الي ما لا نهايه
بتضطر تاخد اجازه اجباري
بتخليك في قمه التركيز علشان لو فلتت بتبقي هتتاخر شويتين عن البيت
الواحد ما يفكرش يعملها احسن ويسوق بامان افضل
بس فيه حاجة ازاي اعرف ان الي اقدامي ناوي يعمل غرزة ولا لاء خصوصا في ناس كتير بتعملها مفاجئة من غير اشارة ؟؟؟؟
نصيحه بلاش موضوع الغرز ده
بجد اخرته وحشه حتي لو كنت متمكن
انا الحمد لله قدرت اعالج نفسي مؤخراً من موضوع الغرز والسرعه
بجد والله والله والله ملهاش اي 30 لزمه
من بعد اللي شفه واللي حصلي انا بقيت اكره السواقه بسرعه والسوقه اصلاً
بالله عليك يا اخي حافظ علي نفسك وبلاش تحافظ علي العربيه
حتي لو انت فاهم ومقدر متفهمش ومتعرفش ايه دماغ اللي حواليك
مش ممكن اللي جمبك ياخد قرار انه يشد وفي نفس الوقت انت كمان قررت تاخد غرزه
ولا مثلاً اللي قدامك فجأه وقف او هدي يبقي لو خدت الغرزه ده يبقي بتئذي نفسك انت واللي حواليك كمان
عموماً
( انا اسف لو في كلام قلته معجبش حضرتك )
( بس اللي اتلسع من الشوربه بقي )
حا تعرف الوقت لوحدك الى ممكن فية تاخد غرزة عارف امتى لما تحس انك انت و العربية أصبحتو كيان واحد و انك مش سايق لآ انت بتجرى على رجليك فهمت قصدى يعنى بعد السيطرة التامة على العربية فى الاول الغرز حا تبقى واسعة و دى بتسمى بتاوين يعنى ما بين حاجة و حاجة و بعد كدة عرزة و غرز ناشفة و غرو ب ابرة و فتلة دى المصطلحات الى ممكن تسمعها و بص انا مش ضد انك تتعلم عرز بس زى ما أتعلمت اصول السواقة العادية تتعلم أصول الغرز عارف الفايدة منها فى اية الفايدة الحقيقية مش انك تشد و تعدة من أصحابك او الناس و بس لآ لو لا قدر الله اتحطيت فى موقف انك لازم تنتش غرزة علشان ما تخبطش واحد بيعدى او عربية راكنة احنا هنا بنقول عليها غرزة بس هى نوع من أنواع مهارات المناورة خصوصا على الطريق السريع و مش المقصود بكلامى انك تنتش غرز عمال على بطال و بس
يا خالد بجد , انا كل ما اشوف عربيتك فى التوقيع قلبى بيقف .
ربنا يسترها معاك و مع كل الشباب فى المنتدى .
ههههههههههههههههههه
اتريق اتريق
هههههههههههههه
انت ملاحظتش ان اخر جمله انا قلتها
قلتله هووووووووووووووب لبست يا معلم :Ta_clap[1]:
الحمد لله انك مشفتش الباقى
وساعه الحادثه كنت حاسس انى هموت بسكته قلبيه مش من الخبطه
اخييييييييييييييييييييييي ييييييييييييييرا واحد صدق انى مكنتش بجرى
ده انا كنت فى مقابله للمنتدى يوم الجمعه كانو هيضربونى و مصممين انى طاير ههههههههه
:Ob_mak1[1]: متابع انت معايا ...
نسيت انت تقول للراجل السرعه كانت كام
السرعه لم تتجاوز 100 او تجاوزت بحاجات بسيطه
طبعا هتستغرب ازاى على 100 و حصل ده كله ..(انت لسه مشفتش الجنب الشمال)
هقولك لان العربيه داخله فى جسم ثابت خرسانه ! السور الى فى منتصف الطريق الزراعى
ناس كتير بتعمل حادثه على 100 ومش بيحصل ده كله بس لانه بيبقى دخل فى عربيه ,..والعربيه امتصت جزء من صدمه عربيته ..لانها قابله للتحرك
انما انا داخل فى جسم ثابت :khd:
ربنا يحفظنا
اه صحيح الفيكترا الحمد لله ظبتها عملت الخبطات الى فيها
لو عاوز صورها و هى مخبوطه ههههههه قولى بس مش هنزلها ع المنتدى بقى هو انا خدته لحسابى ولا ايه هههههههههه
يا نهار ابيض ، والله ربنا ستر
العربية شكلها يخوف جدااا
ربنا يسترها علينا كلنا
والله يا باشا ربنا نجاك ، وان شاء الله يعوضك خير
بس فعلا انا كنت متوقع انك عامل الحادثة ديه على سرعة 200 ولا حاجة :d
وكل سنة وانتم طيبين
في أي بلد محترمة ........
الغرزة معناها ......... فقدان رخصة القيادة و ممكن السجن كمان
إنما أحنا في مصر ............ ج ع ع ......... البزرميط .......
حضرتك عامل بالظبط زي اللي بيسأل أزاي يكسر الباب الخاص بمكان معين بغرض الدخول عنوه بدون أذن أهل المكان .
كلامي مش موجه لشخص صاحب الموضوع و عذرا لو تقيل شوية
و لكن المفروض ( على الحكومة ) أنها تعلم الناس قواعد القيادة الصحيحة .... و حسبي الله و نعم الوكيل .
أخواني ضع سلامتك و سلامة الآخرين أولا و ثانيا و ثالثا ........ قبل عمل أي شئ و أنت على الطريق .
مش كل واحد اتعلم السواقة بيعرف يسوق
الناس نوعين :
1- ناس بسوق عشان تروح من مكان لمكان و السواقة بالنسبة ليهم هم و قرف همه مضطرين ليه
2- ناس بتسوق عشان تروح من مكان لمكان و السواقة بالنسبة ليهم متعة و كيف و هواية
لو انت من الفريق الأولاني بلاش تحط في دماغ موضوع الغرز عشان كده فعلا انت اعصابك هتبوظ و هتتعب نفسيا قبل جسديا و ماديا
لكن لو انت من الفريق التاني يبقى الغرزة هتفرض نفسها عليك و انت مش هتقدر تقاومها أبدا , بس المهم انك تحفظ أبعاد عربيتك و مدى الدواسات بتاعتك و سرعة رد فعل عربيتك .. و خلي بالك ان كل ما الغرزة كانت ضيقة كل ما الاغراء بتاعها بيزيد و ايدك و رجلك ياكلوك عليها و لو مخدتهاش هتلاقي نفسك زعلان قوي انك سبتها ...
مادام انت جديد في السواقة مش هتقدر تحدد انت مين في الرفيقين دول , اصبر و انت هتلاقي نفسك لوحدك كده يا اما الغرز بتناديك يا اما بتنزل من العربية بتنهج زي ما تكون رايح مشوارك جري سريع على رجليك .........
ساعات بتكون الغرزه هى المنقذ من حادثه محتمله ، ممكن تكون ماشي ومره واحده تلاقى اللى قدامك راح رازع فرامل مره واحده لو الواحد مش متمكن وعرف ياخد الغرزه الصح ختلاقى الحدثه حصلت
يا أستاذي و أخي الفاضلاقتباس:
مش كل واحد اتعلم السواقة بيعرف يسوق
الناس نوعين :
1- ناس بسوق عشان تروح من مكان لمكان و السواقة بالنسبة ليهم هم و قرف همه مضطرين ليه
2- ناس بتسوق عشان تروح من مكان لمكان و السواقة بالنسبة ليهم متعة و كيف و هواية
لو انت من الفريق الأولاني بلاش تحط في دماغ موضوع الغرز عشان كده فعلا انت اعصابك هتبوظ و هتتعب نفسيا قبل جسديا و ماديا
لكن لو انت من الفريق التاني يبقى الغرزة هتفرض نفسها عليك و انت مش هتقدر تقاومها أبدا , بس المهم انك تحفظ أبعاد عربيتك و مدى الدواسات بتاعتك و سرعة رد فعل عربيتك .. و خلي بالك ان كل ما الغرزة كانت ضيقة كل ما الاغراء بتاعها بيزيد و ايدك و رجلك ياكلوك عليها و لو مخدتهاش هتلاقي نفسك زعلان قوي انك سبتها ...
مادام انت جديد في السواقة مش هتقدر تحدد انت مين في الرفيقين دول , اصبر و انت هتلاقي نفسك لوحدك كده يا اما الغرز بتناديك يا اما بتنزل من العربية بتنهج زي ما تكون رايح مشوارك جري سريع على رجليك .........
الغرزة معناها كسر القانون و القواعد المعمول بها .( طبعا أحنا في مصر الدنيا بزرميط)
بس ما يمنعش أن الخطأ خطأ و لا يجب التدليل عليه .
الطريق معمول علشان أنتقل من مكان أ إلى مكان ب بأمان و طُمأنينة مش علشان واحد نازل من بيتهم عايز يلعب يقوم يتسبب في حوادث لغيره .
بالظبط زي ما بنوا ملاهي مخصوص للعب و بنوا ملاعب لممارسة كرة القدم بعيدا عن الطرق علشان مبدأ الأمان و السلامة برضه .
يبقى في النهاية الطريق مش مكان علشان ألعب فيه و أضع حياتي و حياة غير في الخطر .
أرجوا يا جماعة أن أحنا نحث على فعل الخير و فعل الصح و نبعد عن الغلط .
مش نعمل الغلط و بعدين نقول الحكومة و البلد و اللي فيها
الدال على الخير كفاعله
و عيد سعيد عليك
في أي حالة طارئة ..... أي شئ يراه الشخص الموجود في المكان مناسب لأنقاذ حياته أو حياة غيره مباحاقتباس:
ساعات بتكون الغرزه هى المنقذ من حادثه محتمله ، ممكن تكون ماشي ومره واحده تلاقى اللى قدامك راح رازع فرامل مره واحده لو الواحد مش متمكن وعرف ياخد الغرزه الصح ختلاقى الحدثه حصلت
أما أن الموضوع يكون للعب أو واحد عاملي فيها مستعجل أو واحد بيحب الجري ..... يبقى كدا غلط و غلط جدا و مخالف للقانون و مخالف للعقل البشري الذي يآثر السلامة على نفسه و المفروض على غيره من مستخدمي الطريق
و كل عام و الجميع بخير .
تقبلوا مروري
بصراحة , أنا مع الأستاذ tutankhamoun
أنا شخصيا دايما بسوق بشكل متحضر و محترم , عشان دة اللي بتمنى أشوفه في مصر
بمشي في اللاين بتاعي مش بين الخطوط
دايما بدي اشارة قبل أي حركة
حتى لما بيكون ليا مزاج أجري , عمري ما أحط نفسي أو غيري في خطر , ما باخدش إلا الغرز الواسعة اللي ما تخليش اللي ورايا يضطر انه يفرمل عشاني , و لا حتى يقلق من سواقتي
ما بقطعش أكتر من لاين في نفس الوقت (يعني ما أجيش من أخر اليمين لأخر الشمال )
و الحمد لله كل اللي عرفوني قالولي اني أحسن سواق همة شافوه , لأني ما بجريش إلا لما يكون في حاجة مهمة جدا , و حتى لما بجري بجري بالعقل أوي
مبدئي : مافيش مشوار مهم اوي لدرجة انك مستعد تموت عشانه , ولو في , يبقى على الأقل ما تموتش حد معاك
والله انا معاك فعلا في الموضوع ده
فعلا بلاحظ ان نص السواقين بيستعملوا الاشارات في الدفاع عن موقفهم بعد ميخبطك ولا يطير لك المرايا وهو ماشي
انا كذا مره وخصوصا البنات لما بيكسروا عليا جامد اقولها حاسبي يافندم العربيه لسه جايبها من المغسله هوديها الورشه ؟ :majd(4):
الاقيها بتقولي هو انت مبتعرفش لغة الاشارات؟ ( على اساس انها بتكلم واحد من الصم والبكم :fdsa:)
لا وزيااااااده على كدا تلات ارباع البنات ببص في الاشاره وانا واقف الاقيهم بيستعملوا مراية الصالون دي في انهم يتفرجوا على المكياج وتصفف شعرها ,, بصراحه لا تعليق على البنات الي بتعمل العربيات كوافير وهما سايقين دول ...
ينفع كدا ياجماعه؟
المفروض بقا نتعلم النظام في الشوارع علشان البلد زحمه اصلا والشوارع ضيقه فمش ناقصه الناس الي بتهرج دي
كلام استاذ توت مناسب جدا للبلاد اللي عندها شبكة طرق و الناس ملتزمة بقوانين المرور
لكن عندنا لا فيه شبكة طرق و لا عندنا قانون مرور
ممكن تبعتهالى لو سمحت
على الايميل
aymanay32@yahoo.com
لانى محتاجها عشان اقلل من سرعتى و انا ماشى و ابطل اجرى
لسة نتيجة اللى بعمله داخل فى عربية بيجو 407 هيئة سياسية فوق الدائرى لانه هدى السرعة مرةواحدة و مكنتش واخد باللى و انا بجرى
ملهاش لازمه كلمه هبل ...وانا قلتها على نفسى مسمحش حد يقولهالى
المهم حصل خير
الغرزه الى بالعرض زى ما قلتلك بتدخل بالعرض واه خطر و احتمال كبير العربيه تعوم وعشان ابقى صريح العربيه وانت بتعدلها لازم ضهرها يحدف سنه بسيطه (حسب السرعه لو هادى مش هيحدف انما 150 وانت طالع غالبا هيحدف)
والحمد لله ربنا تاب عليا
الغرزه الى انا قلت عليها عاديه ..دى واسعه
انا قلت الغرزه الضيقه اوووووووووى
الى هى المسافه يدوبك عربيتك بالظبط
وبتلزق فى الى ادامك وتنتشها على طول ..دى خطر و مميته لان لو قدرت المسافه غلط ولو بنسبه بسيطه ..هتخبط فى الى جمبك
وبرده ربنا تاب عليا
وانا اقر و اعترف ان ده غلط وخطر وربنا هيحاسبنى (والحمد لله انا توبت)
بس مينفعش تقولى هبل وانا عارف ان حضرتك مش قصدك عليا صح ؟:S_thum1[1]: