رمضان عدى اوام

**shaddadfalcon1** · 06-09-2010 12:03 PM

انا حاسس ان رمضان ده عدي عليا مرور الكرام ويمكن ده بسبب الشغل الكتيير وانشغال الواحد بهموم الدنيا والحر والحاله النفسيه الوحشه

اللهم بلغنا رمضان واجعله شاهدا لنا لا علينا

**mr_vampire** · 06-09-2010 02:40 PM

انا اكتر حاجة عايزها تستمر بعد رمضان ( المعاملة بين الناس ) تحسهم كدة بيعاملو بعض بمنتهي الرقة والاحساس كانهم ( اتنين لسة مخطوبين ). انما قبل وبعد رمضان تحسهم اتنين متجوزين بقالهم 20 سنة وكمان واخدين بعض تخليص حق. وكل الاحترام للناس اللي واخدة بعض تخليص حق او طار بايت

**Dr Ahmed** · 06-09-2010 02:46 PM

أصعب رمضان عدى عليا طول عمرى والحمد لله
ربنا يتقبل منا جميعا ويغفر لنا ويكتب لنا ثواب ليلة القدر

**shaddadfalcon1** · 06-09-2010 03:00 PM

المشاركة الأصلية كتبت بواسطة mr_vampire

انا اكتر حاجة عايزها تستمر بعد رمضان ( المعاملة بين الناس ) تحسهم كدة بيعاملو بعض بمنتهي الرقة والاحساس كانهم ( اتنين لسة مخطوبين ). انما قبل وبعد رمضان تحسهم اتنين متجوزين بقالهم 20 سنة وكمان واخدين بعض تخليص حق. وكل الاحترام للناس اللي واخدة بعض تخليص حق او طار بايت

اهي النقطه دي بالذات محستهاش في رمضان السنه دي خالص
الناس كلها مش طايقه نفسها وكل حته امشي فيها الاقي ناس بتتخانق ببقي عايز اقولهم انتو فيكو نفس تتخانقو

**mana_81** · 06-09-2010 03:29 PM

لسه فاضل فيه ايام ياريت تعوض الي معرفتش تعملوا طول رمضان جدد التوبه دائما و استغل الايام اللي فضله لعل الله يقبلك فيها

أسال الله ان يختم لنا رمضان بالعتق من النار

**age** · 06-09-2010 04:03 PM

المشاركة الأصلية كتبت بواسطة soma_sooma

انا معاك فكلامك طبعا رمضان مختلف

انا قصدى ان الحجات اللى معرفناش نعملها فرمضان دة نعوضة مش نستنى لرمضان الى بعدة

ربنا يعينا على نفوسنا المقصره

**age** · 06-09-2010 04:04 PM

المشاركة الأصلية كتبت بواسطة dr ahmed

أصعب رمضان عدى عليا طول عمرى والحمد لله
ربنا يتقبل منا جميعا ويغفر لنا ويكتب لنا ثواب ليلة القدر

عندك حق في الكلام ده

**pro_samir** · 06-09-2010 07:14 PM

خدوني جنبكم في الطابور ، رمضان السنه دي غريب جدا

للأسف حتي في الصلاه في المسجد ، كل سنه المساجد بتبقي زحمه مع بدايه رمضان وتبتدي الكثافه تقل تدريجيا لحد العشر الأواخر وتزيد تاني خصوصا ليله 27 ، لكن السنه دي الأعداد بتقل فقط ، حتي ليله 27 قلت هروح المسجد بدري شويه احسن ملاقيش مكان ، وصعقت وانا داخل المسجد ساعه الأذان مكانش في غير صف واحد وانا وقفت في التاني وتقريبا المسجد كان ممتلئ لنصفه فقط ! ونفس الوضع في التهجد صفين فقط ، مع ان المسجد كان بيبقي مليان والساحه بتاع المسجد برضو كانت بتبقي مليانه

لكن حتي ليله 27 مفرقتش حاجه من باقي الليالي مع الناس زي ما بيحصل كل سنه

عموما كل اللي حاسس بتقصير لسه قدامنا انهارده وبكرا وبعده لعل وعسي

ربنا يتقبل منا ومنكم