مشكلة في صاج كبوت الاكسيل

**bu3mmar** · 06-09-2010 02:54 AM

يا جماعة الخير انا عندي مشكلة كبيرة في صاج الكبوت لعربيتي الاكسيل مو97

طبعا الاولاد الحلوين اللي ماليين الشوارع ما يحلاش ليهم قعدة ولا لعب الا على كبوت عربيتي بالذات مش عارف ليه - بيعملوها زحليقة
والكبوت صاجه خفيف جدا وكل يوم الصبح اصبح الاقيه متطبق زي ما يكون نازل عليه صخرة من الجبل ده غير الجروح والخرابيش
وكل يوم ارده وامسحه بالفوطة ويرجع تمام - مش تمام اوي عشان منظر العضعضة والتطبيق اللي فيه
رحت للسمكري عمل فيها لواء ونصايح وبيقول لي ابعدها عن العيال (ازاي؟؟؟) طيب حطها في جراج (مفيش، انا في منطقة شعبية مافيهاش الكلام ده وحتى لو فيه انا لا اامن صبيان الجراجات بيبهدلوا العربيات عن تجربة سابقة)
خلاصة الكلام طلعت انا غلطان
وطبعا عمل عليا شغل بشوية دقدقة ومسح عالبارد للكبوت وشوية خبطات بسيطة بالرفارف وبعدين لحم العضم بالكبوت بانبوبة سيلكون كاملة (25جنيه) ولهف مصنعية 70جنيه
ثاني يوم كان جمعة وصبحت كالعادة لقيت شياطين الليل لعبوا على العربية برضه وطبقوا الكبوت وفكوا لحامات السيلكون وراحت عليا المصاريف اونطه
السؤال هو
حد عنده حل لتحميل صاج الكبوت بحيث يستحمل لعب العفاريت بتوع الشوارع؟؟
افيدونا افادكم الله

**mohamed_e36** · 06-09-2010 03:01 AM

بما ان صاج الكبوت بتاع الاكسل خفيف جدا واي حاجه بتبان عليه
وطول ما العربيه في الشارع برضو العيال مش هتسبها في حالها
اذا مفيش حل وحضرتك بتطلب المستحيل وربنا يسهل ويكون في حل اتمنى
(طيب متركب انذار)

**AlGazar2** · 06-09-2010 03:29 AM

فى حل ارخص من الانظار و سهل و انا جربته قبل كده لما ركنت عربيتى لفترة طويلة فى منطقة شعبية بتحط زيت او شحم على اول الكبوت و على اجناب الرفرف طبعا كل العيال هاتخاف على هدومها و مش هاتلعب على العربية و الحبيبة و الاصحاب مش هايعملوها قاعدة

**haroun707** · 06-09-2010 03:36 AM

اعمل غطاء للعربية وبطنه بمشمع
وحط عليه زيت وشحم

وبكده محدش حيقعد عليها ولا حيقرب منها

**hugan** · 06-09-2010 03:48 AM

مشكله مزمنه في كبوت الاكسيل
العيال مش ها تبطل لعب علي العربيات
لو تتعب شويه الجراج افضل حل
او اركن بعيد عن الشارع
وتكون في منطقه امان

**bu3mmar** · 06-09-2010 12:05 PM

السلام عليكم
اولا الف شكر للردود الايجابية
بالنسبة للاخوة اللي اقترحوا الانذار اعتقد ده دافع اكبر لجذب عيال الشارع للعب على العربية اللي بتزمر لما حد يقرب لها وهييييه
اما لموضوع الغطا المبطن والمطلي الزيوت والشحم فده حل جميل وان كان هيبهدل العربية لانها كده هينويها من الشحم جانب مهما حاولت احرص لكنه في النهاية حل عملي جميل وانذار بصري رائع ورخيص
بالنسبة للكبوت نفسه فقد اقترح احد اعضاء رابطة مالكي الاكسيل لحام الكبوت بالنحاس بدل السيلكون في الموضوع ده
http://www.nilemotors.net/Nile/21398-a-370.html
حد عنده افكار ثانية

**bu3mmar** · 12-09-2010 09:12 PM

مش عارف ليه الناس بتنصحني بعدم اللحام بالنحاس
بيقولوا هيبهدل الكبوت ويقلل قيمته
واضح انه محتاج صنايعي فنان - وده شيئ مش موجود

الموضوع: مشكلة في صاج كبوت الاكسيل

LinkBack

أدوات الموضوع

عرض

مشكلة في صاج كبوت الاكسيل - انشر الموضوع فى :

-

-

-

-

المواضيع المتشابهه

مشكلة فى الاكسيل

مشكلة فى فرامل الاكسيل

مشكلة فى الاكسيل

مشكلة بباور الاكسيل

كبوت الاكسيل

الكلمات الدلالية لهذا الموضوع

المفضلات

المفضلات

ضوابط المشاركة