السربنتينة فرقعت !!!!ولكن شكر واجب ل eit kia
انا كنت عملت موضوع عن السيراتو http://www.nilemotors.net/Nile/17176...post3872932072
بس الصراحة انا غلطت فيها واتبلات عليها...:36_3_18[1]: ودي كانت الاسباب:
قال ايه, وانا راجع من الساحل في اخر ويك اند قبل رمضان وانا في العلمين ومشغل التكييف وعايش, اسمعلك صوت بوووووووووووووووووووووووو وووووم؟؟؟؟؟؟؟؟؟؟؟؟؟؟؟ :120146b:120146b:whtauwant:
ايه ده انزل اشوف في ايه؟ لا ياعم الساعة 4:00 الفجر ايه اللي ينزلك في الكحل ده؟!! دي تلاقيها طوبة ولا حاجة ماانا ماشي بسرعه برده عشان الحق الشغل (190 كم/س) عادي عادي فكك بقي وكمل سواقه.:36_1_2[1]:
اجيلك بقي بعد ماروحت الشغل وانا راجع بشغل التكييف اسمع صوت فيسسسسسسسسسسسسس:whtauwant: ومفيش اي سقعة طالعة منه اكنه المروحة؟؟؟؟؟؟ في ايه دي الدنيا حر مووت ورمضاان داخل علينا , ايه الارف ده و:whtauwant:ايه العربية بنت التيييييييييييييييييييييت ده, هي نقصاكي بقا:mahf(5):.
المهم اعمل ايه اعمل ايه :whtauwant:, انا هروح التوكيل واعملهم متخلف وهيصلحوه من غير مدفع ولا نكلة , دي العربية لسة تمه عيد ميلادها الاول يوم 7/7/2010 :Ta_clap[1]:.
ماشي انا هروح بكرة,, لا انا هروح اكشف عليها الاول عشان اعرف فيها ايه ولما اروح التوكيل محدش يشتغلني:B4_237:. المهم روحت عند اجمد واحد بتاع تكييفات في المعادي و قولتله علي صوت الفرقعة اللي سمعته قاللي يبقي السربنتينه وبص عليها قاللي دي معرقة يعني مخرومة وسربت كل الفريون, مين ياخويا يعني ايه:whtauwant:, قاللي دي يااما انت خدت طوبة وانت ماشي علي سفر او خدت مطب قلتلو ولا خدت مطب ولا طوبة. متشكر جداا.
نبدا بقي رحلة الحجز والمواعيد ورمضان دخل, روحت تقريبا بتاع 6 مرات فرع القطامية (علي اساس انه مفيهوش حجز) وملحقش, فين وفين لما حجزت في روكسي الاسبوع اللي فات وقولت مبدهاش لازم اجازة بقي اليوم ده عشان اخلص( تخيلو رمضان وصيام مع الحر:36_1_2[1]:). روحت الساعة 10 الصبح قبلني مهندس الاستقبال رحت اديته الوش الخشب (منا مخنوق اصلا من التوكيل وخصوصا من روكسي), قولتله انا عاوز افهم حاجة العربية مكملتش سنه والتكييف يبوظ طب ازاي ؟؟ ده العربيات الصيني معملتهاش تيجي بقي في الكيا والجيل الجديد كمان؟؟ بص انا بقيت علي اخري من العربية الصراحة العربية بقيت مش طايقها, ومش ناقصه كمان التوكيل ماهو مش هتبقي العربية والتوكيل كمان هندم عليهم كفاية العربية بس:36_1_2[1]:.
قاللي يافندم تحت امرك وكل حاجة هتبقي تمام ان شاء الله, قولتله هات نمرتك انا هروح وابقي كلمني لما تخلصها, اه صح علي فكرة وانا ماشي بيها قبل كده سمعت صوت فرقعة مش عارف منين, قاللي فرقعة! يبقي السربنتينة قلتله مين طب انا ماشي وهستني تليفونك.
المهم كلمني قبل الفطار قاللي هي فعلا السربنتينة ولازم تتغير, (انا بقي مسدقت و قولتله بالزمه دي عربيه زيرو طب ازاي وبعدين دي كيا يعني مش سبيرنزا), قاللي متقلقش يافندم هغيرهالك ان شاء الله بس هي مش موجوده دلوقتي بس بعد الفطار هركبهالك, قولتله تمام.
روحتله بعد الفطار قاللي معلش يافندم السربنتينة لسه مجتش وهتيجي الاحد الجاي ان شاء الله (كنا يوم الخميس سعتها) وانا عملتلك صيانة ال35000 , اوكي متشكر
يوم السبت الساعة 2 الظهر, الو بشمهندس اسلام, ايوان, السربنتينة جت يافندم وانا منتظر حضرتك انهاردة الساعة 9 بضبط. ان شاء الله. المهم روحت وغيرهالي وشحنلي التكييف وجربتها وبقت 100 فل و 10000 وبقت زيها زي مجبتها اول يوم في سقعية التكييف.. قولتله بصراحة مش عارف اقولك ايه....و شكرا لكيا EIT:Ta_clap[1]::Ta_clap[1]::Ta_clap[1]:واســـــــــــــــــــــ ــــــــــــــــــــــــ ــــــــــــــــــــــــ ف يا حبيبتي يا سيــــــــــــــــراتو.:36_3 _18[1]::36_3_18[1]::36_3_18[1]: