الموضوع: عاوز اخد رائيكم بخصوص شغلي في اللاندسكيب

بدون مقدمات كتير

انا من الناس الي بحب اجازف او اخاطر شوية ودا ناس كتير مش بتبقي شايفاه صح

وفي ناس تانية تحب تخليها في المضمون

انا شغال في مجال الاندسكيب وشبكات الري

الي بنصمم الحدائق وشبكات الري سواء للفيلل او شاليهات او قري سياحية اوي في اي مكان

وبرضه بنعمل الصيانة للاماكن دي

وشغلي في جزء كبير منه تسويق دا غير طبعا الانشاءات والتنفيذ والصيانة

فا انا خيرت بين نوعين من المرتب

اولهم ان انا باخد رقم ثابت بيزيد الزيادات الطبيعية ومش بيتأثر بالشغل

الثاني بقي رقم ثابت بس اقل من الاولاني بعض الشيء + عمولة علي الشغل تضاف علي المرتب

يعني لو انا الرقم التاني 1 جنيه وجبت شغل مثلا باخد نسبة ربع جنيه بقي مرتبي الشهري 1.25 علي طول

ويفضل يزيد كده

انا مش بحب اخليني في المضمون وبحب اجازف شوية

بس محتار

شغلنا في مناطق كبيرة زي حي الوزراء والقطامية هايتس و ريزدنس وميراج والشويفات و .....

وكوني اعمل شغل فيهم مش مستحيل طبعا ولا صعب اوي بس صعب

خصوصا سعات بيعتمد علي علاقات بناس كبيرة وعلاقات واسعة وانا مش شغال بقالي كتير

فا ملحتش اكونها

بس سعات برضه بخاف اني اختار الرقم الثابت يخليني مش بشتغل كويس واكسل في الشغل

قدام كده كده ضامن الرقم ومش هيزيد ولا ينقص

لاكن لو بالكومشن بحس اني مصر اشتغل علشان اكبر المرتب وبالتالي

انا ميال اكتر للكومشن

بس ناس كتير معارضاني

واحترت

رائيكم اختار ايه ؟