احنا مالنا اليومين دول كده؟

**hazem_khidr** · 12-03-2008 06:20 AM

أوووووووووووووووووووووووو وووووو
زمان ضرب النار مسابش حد .. أيام ما كنا حوالى ألف
ويارب ما يرجعها خلافات

اه يا دكتور انت فاكر الايام دي :)
كنا نفتح المنتدي و متاكدين ان فيه موضوع يفور الدم :):)
بس الحمد لله معظم الموجودين حاليا علي درجه كبيره من الاحترام و ماعدش فيه الخلافات اللي بيطير فيها رقاب علي راي نادر:)

**Noha.M** · 12-03-2008 06:24 AM

^^^

يا خسارة مشفناش ال suspense

P:

**OlaOsman** · 12-03-2008 06:59 AM

يعني كده انا جيت المنتدى بعد هدوء العاصفة اصلا :D

جزاكم الله خيرا جميعا على تفاعلكوا مع الموضوع و ربنا يؤال بين قلوبنا كمان و كمان و يجزي الإدارة خيرا على مجهوداتهم في ظبط المنتدى و ربطه :)

**محمد ابراهيم 1** · 12-03-2008 08:09 AM

المشاركة الأصلية كتبت بواسطة OlaOsman

يعني كده انا جيت المنتدى بعد هدوء العاصفة اصلا :D

جزاكم الله خيرا جميعا على تفاعلكوا مع الموضوع و ربنا يؤال بين قلوبنا كمان و كمان و يجزي الإدارة خيرا على مجهوداتهم في ظبط المنتدى و ربطه :)

صحيح لكن فيه ناس مقدرتش تستحمل
فى منهم اللى استقل عن المنتدى وعمل منتدى خاص بيه عشان محدش يتناقش معاه بحيث يبقى الكلام فى اتجاه واحد بدون مقاطعه
وللأسف فيه ناس سابت المنتدى برضه رغم إنهم خساره كبيره للمنتدى بس من غير ما يروحوا منتدى تانى
وفيه ناس الاداره فصلتها من المنتدى نتيجه أسلوبهم

**ecybrarian** · 12-03-2008 08:49 AM

الحمد لله أنا مش شايف لا خناقات ولا جدل بقالي فترة طويلة على المنتدى..ولا يمكن انا مش متابع كويس :-)

**sherif80** · 12-03-2008 08:59 AM

المشاركة الأصلية كتبت بواسطة OlaOsman

ربنا يؤلف بين قلوبنا و ما يدخلش بينا شيطان أبداااااااااااا :)

+1

الاختلاف فى الرأى لا يفسد للود قضية

**Karim_Monir** · 12-03-2008 09:43 AM

احمد حسن باشا انا قولت ده اكيد حد تاني بيتكلم مش ممكن يكون انت
بس خطفتني انا شخصيا وانا لسه نايم:)
---------------
نهي ماهوا الثالوث اللي بيدمر اي نقاش
الدين السياسة الجنس
وعلى فكرة دول من المحرمات الكلام فيهم في المنتديات
بس احنا لو بنتكلم في الدين بكون عن عبادة مش عقيدة
لان اي مشاركات حول خلافات او نقاشات عقائدية مصيرها الحذف بدون انذار
----------------
نادر مش عارف ليه لما قريت مشاركتك افتكرت كلمة محمد سعد
الله يرحمك يا لمبي
:D:D:D:D
ها ها ها ها ها
--------
استاذ محمد ابراهيم1
(( فى منهم اللى استقل عن المنتدى وعمل منتدى خاص بيه عشان محدش يتناقش معاه بحيث يبقى الكلام فى اتجاه واحد بدون مقاطعه
وللأسف فيه ناس سابت المنتدى برضه رغم إنهم خساره كبيره للمنتدى بس من غير ما يروحوا منتدى تانى))
طبعا دي منتهى الديكتاتورية فرض الراي وفصل اي عضو يخالف الاهواء والامزجة الشخصية
اما عن اللي مشيوا وما راحوش احب اطمنك اي حد بيمشي بيروح في مكان تاني ولو مش عارف فين ابعتلي على الخاص وانا اقوللك عشان مانحولش اتجاه الموضوع ;););)

**Islam_galal** · 12-03-2008 09:53 AM

الأمور هدأت كتير
و في ناس انسحبت بمشاكل و في ناس انسحبت من غير مشاكل و فيه ناس شاركت في المنتديات التانية (أنا منهم)

عادي جدا

و الجدل الموجود حاليا حتي لما بيعلي عادي جدا إحنا بشر و في الدنيا مش كده و لا إيه

**MMamdouh** · 12-03-2008 01:41 PM

المشاركة الأصلية كتبت بواسطة onna

^^^

يا خسارة مشفناش ال suspense

P:

متشوفيش وحش...

انا كان بينى و بين انى اسيب المنتدى محطة بسبب المشاكل و الخلافات و قصر مشاركاتى على قسم الدايو لان اي حته تانية كان فيها مششاكل خاصة القسم الاجتماعى... دا انا حتى طالبت انه يتقفل :D...كل واحد يكتب "صباح الخير" تلاقى الف بيقولولة "و كمان صباح الخير؟؟؟... دا انت صحيح *$^*#$"

و حصل تغييرات و تعديلات فى ادارة المنتدى للسيطرة على المشاكل و الحمد لله المية رجعت لمجاريها و الامور احسن الف مرة... اما ما نراه اليوم فا هو اقل قليل مقارنة بما حدث فى الماضى... الله لا يعيدها ايام

بس انا شايف ان بالرغم من ان فيه بعض الخلافات فا الناس دلوقتى بتتقبل الموضوع بشكل مختلف و معظم ان لم يكن كل المشاكل بتتحل بدون خسائر و الحمد لله... الناس دلوفتى فاهمة ان اختلاف وجهات النظر و الاذواق طبيعة بشرية و يجب احترامها حتى لو مختلفة عن وجهه نظرنا او ذوقنا... و كمان الناس عارفة كيفية ادارة مناقشة مهما كانت الاختلافات فى وجهات النظر و قادرين على الخروج بيها الى بر الامان

دا لا يمنع ان فى بعض الاحيان بعض المناقشات او/و الاعضاء بيخرج عن الخط بس برضة الادارة بتتدخل لاعادة النظام مرة تانية و قلة تدخل الادارة مقارنة بزمان اكبر دليل على استقرار الامور فى المنتدى

مجتمع نايل موتورز تخطى مرحلة المراهقة ووصل الى مرحلة النضوج

MMamdouh