موتور الاوبترا يتغسل بميه ولا يتنضف بالهواء بس ؟!!

**MoDy_OnLiNe** · 06-09-2010 12:09 PM

السلام عليكم

ازيكم يا اعضاء احلى قسم فى نايل موتورز :)

كان عندى استفسار بسيط كده

اخر مرة غسلت العربية فى بنزينه خليت الراجل يغسلى الموتور بالميه بس

بعد كده واحد ابن حلال قالى لا ده كده غلط جدا وماينفعش خالص و كده

فا انا عاوز اعرف الصح ايه ؟

ايه الطريقة الصح لتنضيف الموتور :)

بس كده :d

احمد

**zanativich** · 06-09-2010 12:29 PM

عادى انا بغسلة بميه وصابون وجاز عادى بس يبعد قدر الامكان عن علبة الفيوزات

**kamalsalem** · 06-09-2010 12:36 PM

انا متأسف مقدماً لو كلامي طلع غلط 100% بس اللي انا فاهمه من زمان انه الكروز فيها نفس الموتور

الموتور عندي فيه علب كده ع الوش فيها الفيوزات والكتاوت و كده... والغطاء بتاع البطارية برضه نفس الكلام... كلهم عليهم علامات تحذيرية انه ميتعملوش بالكباس بتاع الميه ده

وأظن انه حد قاللي قولهم يغسلوه بالفوم في التوكيل

**Bassem Raafat** · 06-09-2010 03:00 PM

بص يا باشا ...

المياه : عيبها إنها ممكن تطول أى حاجه فى كهرباء أو حساسه فى الموتور وتبوظها .... وكمان بتترسب فى حتت مش ممكن خرطوم الهواء يطولها وبعد كده بتعمل صدأ وباروما .

الجاز : مشكلته إنه بينشف الخراطيم ( مع كتر إستعماله طبعاً ) .

الهواء بس : حلو بس مش بينظف 100 × 100 .

أنا عن نفسى بعمل الموتور بهواء بس وكل كام شهر بغلسه بالفوم أو بمسحه بحته قماشه مبلوله بس ....

**aymanmaly** · 06-09-2010 04:28 PM

بص يا سيدى انت تجيب فوم غسيل ماتور ( قول كدة فى البنزينة)
دة بيكفى من مرتين لثلاث مرات
سعرة فى متوسط 18 ج ( السعر متغير حسب المكان بس دة متوسط السعر الى بجيب بية )
النوع انا بجيب اى نوع بس يكون امريكى الصنع
طيب نعمل اية حضرتك بترش الماتور كلة بالفوم فتحس ان الثلج نزل على الماتور
و تسيبة من 3 الى 5 دقائق
و تمسحة بفوطة ناشفة لان الفوم الابيض بعد الوقت دة هايبقى عامل زى المياة الخفيفة جدا
و بعد كدة كرر الى انت عاملتة تانى بس بكمية اقل من الفوم
وبعدين تجيب ملمع من بتاع التابلوة و ضبط كل البلاستيك الى فى الماتور
كدة احنا خلصنا لو انت عايز تعمل الموضوع بأيدك او الميكانيكى العادى
طيب بيغسلو ازاي فى المركز ؟
انا عن نفسى بخليهم يغسلو الماتور كل صيانة 5000
انا بجيب الفوم و الفنى بيغسل الماتور
بيرش الفوم بطبقة سميكة على المتور كلة و الكبوت من الداخل
و بعد دقيقتان يجيب جركن ماليان مياة و خرطوم الهواء و يقلب الجيركن ويسد الفتحة بتاعتة بيدة و يسيب حتة صغيرة علشان المياة تنزل بسيط و يوجهة الهواء الي سرسوب المياة النازل من الجيركن المقلوب و يوجة الرزاز الى الماتور و يبعد عن الكمبيوتر
و بعد كدة ينشف بفوطة نظيفة
و بالتوفيق

**fawzyyyy** · 06-09-2010 09:50 PM

طبعا الكلام اللي الاساتذة بيقولوه سليم

بس انا رأيي انك كل فترة تعمله بالهوا...و بحتة قماش مبلوله امسح اللي يقدرك عليه ربنا......احسن من المياه عشان ميحصلش مشاكل

**mhmdalsaadany** · 07-09-2010 03:20 AM

الفوم دا ممتاز وعن تجربه وملوش اي اثار علي الكهربا او الحساسات

**mimo116** · 07-09-2010 12:01 PM

مشكلة غشيل الميه ان انت لازم تكون مركز عشان الكنترول يونت و علبة القيوزات ... لو حه عليهم مايه هتبقه مشكله ... انا بقترح عشان تبعد عن المشاكل تنضف هواء في بنزبنه نضيفه او فيه مراكز تنظيف كيماوي او مواد غير مضره بش مش كتير كل سنه او سنه و نص .. متكترش .. وربنا يوفق.

**ahmadmidop** · 07-09-2010 02:21 PM

الفوووووووووووووووووووووو وووووووووووووووووم وبعدين الهوا
وكده خلص الكلام ههههه

**kamalsalem** · 07-09-2010 04:11 PM

خلاص انا ان شاء الله بعد اول غسلة في البنزينة هشتري الفوم ده واعمل الموتور بنفسي... بس نفسي ف حتة رايقة اظبط فيها العربية عشان الشارع عندي رمل وتراب وعمر ما العربية هتنضف

ده انا والله مستخسر الغسيل لأن بجد انا ساكن ف ردم بس العربية جمبها عليه طين عشان السيد ناصر بواب العمارة غسا العربية بالمية ودلق المية جمبها في الشارع عملت طييين... والعربيات عدت رمتهولي ع العربية تاني

الموضوع: موتور الاوبترا يتغسل بميه ولا يتنضف بالهواء بس ؟!!

LinkBack

أدوات الموضوع

عرض

موتور الاوبترا يتغسل بميه ولا يتنضف بالهواء بس ؟!! - انشر الموضوع فى :

-

-

-

-

-

-

-

المواضيع المتشابهه

ممكن يتنضف إزاى ؟؟؟؟؟؟؟

هل يمكن تركيب موتور الاوبترا للتوبيرا

استفسار عن موتور الاوبترا لو سمحتم

بصمة موتور الاوبترا

رقم موتور الاوبترا

الكلمات الدلالية لهذا الموضوع

المفضلات

المفضلات

ضوابط المشاركة