سحب العربية ضعف جداً والعربية مش مظبوطة رجاء المساعدة

**ayman20100** · 06-09-2010 12:57 PM

[justify]
السلام عليكم ورحمة الله وبركاته
معايا اسكودا فليشيا 95 العربية كان سحبها ضعيف من فترة ورحت عملت صيانة ليها وغيرت شوية حاجات منها اسطوانة دبرياج وبلية دبرياج و غيرت بوجيهات وكانت محتاجة شوية جوانات وفلاتر والعربية بقت تمام التمام وكده ميه فل والعربية بقي سحبها فوق الممتاز بس للاسف ما دامش الموضوع ده اكتر من اسبوعين والعربية بقى سحبها ضعيف والغيارات بقت قصيرة ياعنى ال rpm بيعلى اسرع من السرعة ياعنى التاني والتالت تحديدا بقوا مش بيجيبوا السرعة الى كنت بجيبها الاول غير ان العربية بقت تنتش جامد اوي على التاني بالذات وبتسقف جامد وكركرة وبقت اخر برجلة
روحت تاني لميكانيكي جنب البيت وقولته العربية مش مظبوطة قالى ممكن يكون سير الكاتينة ماثر فى صوت العربية وسبب الاصوات وزود صوت الماتور اوي والعربية بقت بترقص وتتنطط رجعتله تاني وقالى ممكن تكون البوجيهات الى مغيرها ما فيش شهرين قولت ماشي غير البوجيهات ووطى صوت الموتور بس العربية بقت بتبطل على السلانسية وانا ماشي وبرضه فيه نتشه بسيطة ورجه فى الغيار التاني احتارت على الاخر ومش عارف اعمل ايه
رجاء من اهل الخبرة والمساعدة
[/justify]

**AhMeD MeTwAlY** · 07-09-2010 03:34 AM

عن نفسي بص علي الفتيس
ده كل الي اقدر افيدك بيه انا عندي العربيه كانت بتنقط زيت من تحت وناس كتير اوي قالو الحمها بس انا جبت فتيس جديد بتاع مكنه 1600 العربيه من بعده علية في نظري جامد يعني بمشي علي الاول 30 - التاني بيعمل 60 مستريح - التالت بيوصل 90- الرابع يعني 130 بعد كده الخامس وكنت ماشي بالعربيه 170 مصر السويس الصحراوي مع ان العربيه السرعه القصوه ليها 160 بس ده اكيد الفتيس الي عمل كده

**ayman20100** · 07-09-2010 12:45 PM

المشاركة الأصلية كتبت بواسطة xmanx51

عن نفسي بص علي الفتيس
ده كل الي اقدر افيدك بيه انا عندي العربيه كانت بتنقط زيت من تحت وناس كتير اوي قالو الحمها بس انا جبت فتيس جديد بتاع مكنه 1600 العربيه من بعده علية في نظري جامد يعني بمشي علي الاول 30 - التاني بيعمل 60 مستريح - التالت بيوصل 90- الرابع يعني 130 بعد كده الخامس وكنت ماشي بالعربيه 170 مصر السويس الصحراوي مع ان العربيه السرعه القصوه ليها 160 بس ده اكيد الفتيس الي عمل كده

شكراً لرد حضرتك واهتمامك
انا روحت للميكانيكي امبارح ونضفت الكربراتير واتحسن النتش والصوت شوية
وبالنسبة للسحب برضه زي ما هو بس ظبط شوية حاجت تانية فى العربية علبة دركسيون وشغل عفشة والحمد لله قل شوية التخبيط برضه
حضرتك بقى مش عارف لو ما فيش زيت جاى من الفتيس يبقى المشكلة في ايه فى الفتيس وممكن ازاى اظبط الموضوع ده ؟

**AhMeD MeTwAlY** · 08-09-2010 04:01 AM

مش شرط اساسي ان يكون جي زيت من الفتيس انا عربيتي كانت اتخبطت من تحت وعملة شرخ في الفرغه
بس انا بقولك السحب عندي اتغير بعد الفتيس الجديد يعني عزم العربيه زاد 4 بكتير عن الاول
وموضوع السحب ده انا سألت فيه واحد قالي العيب ده بيكون في دورة البنزين او الاسطوانه بتاعت الدبرياش
اذا كان علي الكربترتير انا في واحد بيظبطهم وبيرجعه كانه زيرو وبيظبط العربيه هوه بيظبطه بـ 50 جنيه وبيشتغل في 4 عربيات تقريبا في اليوم
بس انا معرفوش الي يعرفه واحد قريبي اخد عربيتي اول ما جت وراح بيها ليه وظبط العربيه عنده
ان شاء الله اجيب ليك العنوان بتاعه منه بكره

**EngAhmedSayed** · 09-09-2010 01:24 AM

انتا بتشرحلى مشكله كانت عندى اه و الله
تنتيش و تبطل فى الغيارات او هى على السلانسيه
نصيحه مهمه جداااااا
نظف الاسبرتير بتاع العربيه خلى الميكانيكى يفكه و ينظفه بالبنزين و مسحه حلوووه كده و يشيل الوسخات قلى فى
بس خلى بالك ينظفه و هى العربيه برده علشان الاسبرتير ميقفعش اوك
و هتلاقى حاجه تانيه فى السحب و الله المستعان

**EngAhmedSayed** · 09-09-2010 10:46 PM

المشاركة الأصلية كتبت بواسطة ayman20100

شكرا لردك واهتمامك وان شاء الله هنضف الاسبراتير في اقرب فرصه وابقى اقولك
جزاك الله خيراً واظاهر ان المشكلة ديه منتشرة اوي والواضح برضه ان العلاج بيختلف من عربية للتانية
جزاك الله خيراً

العفو يا صديقى احنا هنا اخوه و اصدقاء و انا متابع معاك باهتمام
و الله المستعان بس ابقى قولى عاملت ايه
ضرورى
و عيد سعيد و على الامه الاسلاميه بخير