عايز رأيكوا في الجولف 4 دي

شوفت عربية جولف 4 موديل 2000 ماشية 108 الف كيلومتر 1400 cc
العربية كاملة وفيها شباك سقف وعلي اد ماشوفت كانت حلوة
بس اللي مقلقني بأه اللي جاي
صاحبها قاللي انو مغيرلها تقريبا عفشة كاملة بتاعة 1800CC
وكمان الفرامل وطارة الدريكسيون مغيرهم
ده كمان لاعب في الموتور ومغير فلتر الهوا الاصلي وشايله وحاطط واحد كده غريب قال ايه ده كده احسن ده حتي سايبه كده من غير اي غطا زي الاصلي
ده بقي اللي مخوفني اني لو احتجتلها أي حاجة من الصعب الاقيها وحتي هاتبقي غالية اوي لأنها بتاعة 1800
وكمان ده ممكن يكون مغير اي حاجة في الموتور لانه من الناس بتوع ال tuning والحاجات دي وأنا بصراحه بخاف من اللعب في اساسيات العربية
اه نسيت اقوللوكو ان سعرها كويس جدا وفيها جنوط
ارجو الرد لو سمحتم