عرض للطباعة
متهيألى ان ده انسب مكان الواحد يسأل فيه السؤال ده معا انى عارف انه ممكن يكون سؤال متكرر , بس انا كنت عايز استفيد من خبرات اعضاء المنتدى عشان اكيد فيه حاجات الواحد ما يعرفهاش أو حاجات الواحد شافها بس مخدش باله منها
تنصحونى بالـ 127 ولا الـ 128 ؟
و ايه سبب ان الـ 128 بتبقى أغلى من الــ 127 لو نفس الموديل ونفس الحاله
اقتباس:
المشاركة الأصلية كتبت بواسطة thunder155
وبالنسبه لقطع الغيار هل الـ 128 قطع غيارها أرخص و متوفره اكتر من الـ 127؟
انتا عايز ايه؟؟
سيدان ولا هاتش باك؟؟
و المواتير كلها واحدة بس فرق سعات لترية
و اكيد يعني ال 128 بتبقي اغلي علشان سيدان (بشنطة)
و ال127 الأصل الأيطالي القوية اخرها 81 او 82
بعد كده سيات 127 مش فيات اصلا
128 افضل
127 السوبر فيورا افضل 5 غيار امامي 1 خلفي
كان في صديق للعائله في ايطاليا في الثمانينيات
وكان قاعد مع مهندس من فيات
وكانت ال27 في بدايتها
اخبره ان ال27 افضل ما انتجت فيات في هذه الفئه
السوبر فيورا انتاج سيات تجميع مصري
الحوض والعلب افضل من 28 لان الحوض مناسب لحجم الموتو ر والعلب لاتفتح او تتكسر مثل ال28
ال 127 أحسن بكتير جدا جدا من 128 حتى لو كانت حالة ال127 أقل
127 افضل شرط حالة جيدة لان فيها اغلب ميزات ال128 ماعدا الشنطة بس الاتنين دفع امامى و الاتنين شاسيه ضعيف ولكن ال 127 شاسيه محكم ومحمل عن 128 لذلك مافيهاش عيب فتح الشاسيه و اعادة البيع سهلة بس اهم حاجة لما تشترى اى عربية تكون حالتها كويسة لان لو معاك مرسيدس حتى وحالتها وحشة هاتهينك عن تكتك حاته كويسة
ال127 افضل طبعا-وماحدش يقول
شنطة ال127 صغيرة-انزل افتح شنطة 127 واتفرج على الوسع الرهيب-وبعدين ال127 الشنطة بتفتح كلها وممكن تتنى الكنبة تبقى نص نقل والله نص نقل بدون مبالغة- ال128 مافيهاش الكلام دة خاالص-وال127 اثبت وانعم والدركسيون اخف من ال128-واسأل مجرب.
بص الموضوع ده الناس احتارت فيه كتير زمان ناس تقول ال127 احسن وناس تقول 128 احسن و فيه كمان ميل للشكل يعني فيه ناس بتحس ان 128 ده شكلها غبي و عاملة زي علبة الكبريت .... وناس تقولك ال127 عربية ضيقة و شكلها عامل زي علبة السردين .... دي ازواق بقي :rfds:
بس عموما لو لقيت 128 حالتها فابريقة من جوة و حالتها العامة ممتازة حتبقي احسن من ال127 لان ال128 اكبر و موتورها اقوي و سرعتها ممكن توصل ل140 كم/ساعة و العربية مطلوبة في السوق اكتر من ال127 و قطع غيارها كصاج ارخص من ال127 و كمان فيه منها عربيات لغاية موديل 2006 يعني لسة من 4 سنين موقفين انتاجها .... ال127 انتهي انتاجها من سنة 87 يعني من 23 سنة و اكيد حييجي عليها فترة ما تلاقيلهاش قطع غيار دي حقيقة ولازم نعترف بيها
عيب ال128 الاساسي هو موضوع فتح الشاسيه و ده بيحصل لما تكون العفشة الامامية للعربية تعبانة ... انما لو حافظت علي العربية ما تقلقش من الناحية دي .... و ال127 فيها نفس المشكلة بس بحدود اقل
وبرضه ال127 مش وحشة و بتقضي الغرض لو حافظت عليها و ممكن تسافر بيها عادي لو حالتها كويسة
اقتباس:
المشاركة الأصلية كتبت بواسطة i_am_legend
كلام زي الفل و 100 100
132 احسن من الاتنين
هههههههههههههه
ال 27 افضل بس لو قدامك الاتنين اختار اللي حالتها احسن
retmo
الراجل ده بيقول كلام زي الفل .. أوجز فأنجزاقتباس:
المشاركة الأصلية كتبت بواسطة thegoodhacker
بص هى على حسب الحالة بس انا ارجح ال 128 لانك اكيد هتحتاج الشنطة
بص يا باشا ده يرجع ليك انت و الله لو انت واحد بتحب تهتم بالعربية و مش مهمل فيها هات ال28 لان الشاسية زى ما العضو المحترم قال انو بيفتح لما العفشة اللى قدام تكون باظت خلاص اما لو انت على طول ايدك فيها هتخاف من ايه و كمان عربية واسعة و كبيرة و موتورها فى منه 1100 و فى 1300 الخمسة غيار عربية بيليق فيها الترويش انا كانت معايا 28 موديل 78 و الله بلا مبالغة سافرنا بيها شرم الشيخ و كنا محملين فوقها شنط كمان
اما ال27 عربية خفيفة و ناعمة و لو انت العدد كتير او الحجم كبير مش هتحس انها مريحة اوى و كمان السعة اللترية ليها مش كبيرة بس تقيلة فى بيعها شوية او ساعات الطلب عليها بيخف رغم تقارب سعرها من ال28
دى ترجعلك انت يا باشا تشوف انى اللى مريحك من ناحية قطع غيارة و الصالون و الموتور و الحالة رخص المصنعية و ان العيوب معروفة و معروف تمنها كام الحاجات دى كلها
بص من الاخر عايز تجيب عربية الاتنين كويسين بس ال 28 مشكلتها الشاسيه والعفشه لو هتخليبالك عليها هات 128 لكن عايز تجرى وعايز حجم صغير وعفشه الى حد ما انشف من 128 يبقى 127 احسن ك ماتور فى السحب و كعفشه 127 ماتورها اصغر بس يسحب عن 128
اعترض على السادة الافاضل اللى قالوا ان العفشة لو وحشة بتكون هى السبب فى فتح شاسيه ال128 لانك ممكن تكون محافظ على العفشة كويس جدا وفجأة تاخدلك مطب من اياهم من مطبات مصرنا الجميلة وتكون هى دى القشة التى قسمت ظهر البعير وطبعا بعدها شكرا العلب فتحت ولم فيها بقى لكن ال127 فى الحتة دى تفوق ال128 فى انها تصمد وتقاوم اكتر بس فى النهاية هتفتح علب برضه
انزل بحتة 127 1050 سبورت المانى_وانت تكره ال128 واللى اخترعها.اسمع كلامى تكسب_دة فى ناس بتسقط موتورها فى الأونو.عربية عضم وواسعة وبياعة وبرستيجها عالى ومش أى حد بيركبها.لانها غالية.أو بنفس سعر 128_بس هى أفضل.وناعمة أكتر.
انا كنت محتار زيك كده بالظبط
بس من الاخر لو انت عاوز عربيه ليك انت بسسسسسس وملكش فى الجرى والثبات والكلام ده ومش فارقه معاك انك تدور على بعض قطع غيار وتشتريها اغلى بالرغم من تفاهتها يبقى هات 127
لكن لو عاوز عربيه فيها كل مميزات العربيات هات 128 قطع غيار رخيصه بتاعه تظبيط وجرى وتنفع تسقط فيها مواتير كتير لان حوضها واسع واكسسوارها موجود وسعره رخيص والصاج برده رخيص وفيه منها لحد 2006 والشركه بتنتج وتبيع قطع غيارها لحد وقتنا هاذا
وعيب الشاسيه موجود فى ال127 وال 128 والريتمو
وياريت الى يقوةل ال128 بتفتح شاسيه يقول ان ال 127 والريتمو برضه بتفتح
بس عارفين ال 127 مبتفتحش شاسيه بسرعه ليه عشان بتنط مش بتجرى ههههههههههه
تكفى مشكله عدم الثبات الى فى اغلب ال 127 بعد ال 80 لازم تعدل فيها عشان تثبت شويه لحد ال 100
انا فاكر جمله قالها سبعاوى زمان قال ال 128 تستاهل نقول عليها عربيه
المفيد هو انك تدور على حاله جيدة دي اهم حاجة يعني لو 27 حاله احسن من 28 تعبانه والعكس صحيح
بس انا من رأيي ان 128 افضل لو حالة جيدة وموديل حديث لأن ال 28 اوسع وموتور أقوى وقطع غيار متوفرة اكتر وأكتر عربيه مطلوبه في مصر ..
والواقع بيتكلم ..
اقتباس:
المشاركة الأصلية كتبت بواسطة piowood
كلام سليم 100 % وفعلا لو 128 واقعه يبقى ابعد عنها وهات 127 نضيفه على اد الى معاك وعموما اى عربيه مهما كان صاحبها محافظ عليها ليها مصاريف وخصوصا فى اول مبتشتريها بتصرف عليها صيانات
السادة الأعضاء /
semsem_uno
lameey
hugan
MaZaGAngeE
keko
i_Am_Legend
thegoodhacker
zago
ahmed88hassan
ziabassem
midoo1ahmed
zenger
moamen_mo3gza
anaskhal
misoalex
Piowood
آسف إذا كنت نسيت حد.
بجد يا جماعه متشكر جداً إهتمامكم و مشاركتكم ليا فى حيرتى , و بجد انا استفدت كتير من رأيكم و خبراتكم
و ان كنت لسه ما استقرتش على رأى , بس متهيألى ان الواحد يدور على حاله كويسه سواء كانت 27 أو 28
اسمحولى اشكركم تانى عشان انتوا بجد مسبتوش حاجه و فصصتوا العربيتين , بس انا الصراحه كنت مستنى كده برضه من رجاله منتدى فيات :M_yes[1]::M_yes[1]:
بالذات انى لم اجيب العربيه حتلقونى ناطط لكو هنا كل شويه و عمال اسأل فى كل حاجه
شكراً , و يا ريت ما كونش طولت عليكم
اقتباس:
المشاركة الأصلية كتبت بواسطة thunder155
يا باشا على ايه ... احنا هنا كلنا بنساعد بعض
وبالتوفيق
اقتباس:
المشاركة الأصلية كتبت بواسطة thunder155
ههههههههههههه اكييييييييييييد :ma: ولا شكر على واجب
على ايه يا بوب الى انت عايزو احنا معاك ونط براحتك ههه واسال فى الى انت عايزو هنجاوبك وربنا يسهل وتلاقى عربية 127 او 128 حالتها تماماقتباس:
المشاركة الأصلية كتبت بواسطة thunder155